اليكساندا:لعد مارك وين
نظرت والدتها الى ستيلا واصبحوا ينظرون الى بعضهم البعض
اليكساندا:شبيكم مارك وين
-اها مارك مسافر
اليكساندا:مسافر وين راح
-على هولندا عنده شغل هناك يكول راح اتأخر شوي
اليكساندا:اها اي حجولي شلونكم انتو
ستيلا:بخير
اليكساندا:صدك صارلي سنتين ما شايفتكم زين وين جنت اني مجاي اتذكر
ستيلا:اي مو شرط تذكرين هسة ارتاحي وبعدين راح تذكرين كل شي
-اي صح حبيبتي
اليكساندا:بس لازم اعرف شنو صار يعني سنتين راحت من حياتي هيج من غير ما اعرف شنو صارلي بيها
ستيلا:ماكو داعي تفكرين هواي مو زين عليج
-اي صح.. ستيلا
ستيلا:نعم خالة
-تعالي وياي برا اريد احجي وياج
ستيلا:اي جايه
خرجت ستيلا ووالدة اليكساندا لكي يتحدثون مع بعض
ستيلا:شكو
-اكلج اني افكر اسوي لاليكساندا فحص طبي شامل
ستيلا:شنو ليش
-اريد اعرف شنو صار وياهه خلال هاي السنتين
ستيلا:وانتي برأيج اليكساندا راح تقبل بهذا الشي
-لازم تقبل اريد اعرف شنو صار وياهه
ذهبت والدة اليكساندا الى الطبيب وطلبت منه أن يجري لها فحص كامل لجسدها
اليكساندا:ليش سويتي فحوصات هلكد -احسن حتى نتأكد مابيج شي
اليكساندا:شي مثل شنو
-اي شي غير اريد اطمئن على صحتج هسة انتي ابقي هنا يم ستيلا واني رايحة اشوف التحليلات وارجع
اليكساندا:ماشي
ذهبت والدة اليكساندا الى الطبيب
-اها دكتور طمني طلعت تحاليل بنتي
الدكتور:اي طلعت هسة
-شبيها
الدكتور:اطمئني بنتج بخير وما بيها شي
-دكتور اريد اعرف شي
الدكتور:كولي
-بصراحة دكتور اني اريد اعرف تحليل العذرية شنو طلع
الدكتور:اها هو بصراحة بنتج فاقدة عذريتها
-شنو
الدكتور:اي بالثناء الفحص بين هذا الشي
صمتت والدتها قليلاً
الدكتور:انتي بخير
-اي شكراً دكتور
الدكتور:العفو
عادت إلى غرفة اليكساندا وكانت طول الطريق تفكر ماذا كانت تفعل اليكساندا في تلك السنتين ومن الشخص الذي افقدها عذريتها كانت كل تلك الاسئلة تدور في راسها ولكن لا يوجد لها اجابه
ستيلا:اها خالة اجيتي شنو كال الدكتور كانت صامته ولم تنتبه إلى كلامها
اليكساندا:ماما.... ماما
-اها
اليكساندا:شبيج شكو
-ماكو شي
اليكساندا:شنو كال الدكتور
-ولا شي كل شي ما بيج
ستيلا:اوكي الحمدلله هسة صار لازم نطلع من المستشفى
-يله يله جهزوا نفسكم حتى نطلع
اليكساندا:اي
جهزوا انفسهم وخرجوا من المستشفى وذهبوا الى المنزل لاتزال والدة اليكساندا تفكر في كلام الطبيب وبعد نصف ساعة وصلوا الى المنزل
اليكساندا"
دخلت الى منزلي كنت انظر الى المنزل كنت اشعر بأنه هناك شيء غريب وكأنني لم اعيش هنا في حياتي اصبحت انظر الى كل شيء حولي
ستيلا:شبيج اليكساندا
التفت إليها باستغراب
ستيلا:هذا بيتج شبيج مستغربة هيج
اليكساندا:جاي احس شي ناقص
ستيلا:مثل شنو
اليكساندا:ما اعرف شنو
ستيلا:اي طبعاً تحسين بشي ناقص لان مارك مموجود
اليكساندا:مارك؟
ستيلا:اي مارك شبيج؟ على العموم انتي جاي تحسين هيج لان صارلج هواي غايبة عن البيت
اليكساندا:اكلج اريد اروح ارتاح شوي
ستيلا:تعالي اخذج للغرفة مالتج حتى ترتاحين
اليكساندا:تمام
ذهبت مع ستيلا الى غرفتي فتحت الباب واصبحت اتأمل كل شيء في غرفتي
ستيلا:شبيج واكفه تعالي هاي غرفتج
دخلت وجلست على السرير
ستيلا:روحي ادخلي للحمام اخذي دوش دافي حتى ترتاحين واني راح انزل احضر الاكل وياه خالتي
اليكساندا:ممم
خرجت ستيلا وبقيت بمفردي
اليكساندا:ولا كأنه هاي غرفتي اللي عشت بيها كل حياتي شنو هذا الاحساس اللي بداخلي ليش جاي احسن اكو نقص بحياتي ليش احس نفسي مو كامله....
اليكساندا:وين جنت بهاي السنتين وشنو صارلي بخلال هاي السنتين
نهضت من السرير فتحت الخزانه واخرجت ملابسي واخذتهم ودخلت إلى الحمام فتحت الصنبور وتركته لكي يمتلئ البانيو بالماء وثم خلعت ملابسي ودخلت بداخل الحوض المياه اغمضت عيني لكي استرخي قليلاً في المياه
اليكساندا:انت شتسوي هنا اطلع برا.....اخلص اني وبعدين تعال انت.... لا كلتلك اطلع
شعرت بضيق النفس ولا استطيع أن اتنفس اشعر بالاختناق فتحت عيني ورفعت راسي الى الاعلى
اليكساندا:ياربي
اصبحت اتنفس بسرعة كبيرة
اليكساندا:شنو صارلي اني وياه منو جنت احجي.....
كانت ستيلا و والدة اليكساندا يقومان بتجهيز الطعام
ستيلا:خلصتي خالة
-اي خلصت روحي نادي على اليكساندا حتى تاكل ويانه
ستيلا:ماشي
خرجت ستيلا من المطبخ وذهبت الى غرفة اليكساندا طرقت الباب ودخلت لم تجدها
ستيلا:يمكن بعدها بالحمام
قبل أن تخرج من الغرفة سمعت صوت اليكساندا تبكي في الحمام اقتربت من الباب وطرق الباب عليها
ستيلا:اليكساندا.... اليكساندا شبيج حبيبتي
كانت تبكي بصوت عالي
ستيلا:لج شبيج جاي تخوفيني افتحي الباب.... اليكساندا
بعد لحظات انفتح الباب وخرجت اليكساندا وكانت عينيها حمراء
ستيلا:شنو صار شبيج
احتضنتها واصبحت تبكي
ستيلا:ليش تبجين شبيج
اليكساندا:تعبانه ستيلا راسي راح ينفجر مجاي اتذكر شي
ستيلا:مو كلتلج لا تحاولين تتعبين نفسي
اليكساندا:مجاي اكدر لج جاي اتخيل اشياء صرت وياي من قبل بس شنو هي مجاي اعرف اني ما اكدر ابقه هيج
ستيلا:كلتلج لا تحاولين هسة لان راح تتعبين لازم تاخذين وكت وبعدين تذكرين شوي شوي
اليكساندا:واذا ما تذكرت راح شسوي
ستيلا:لا راح تذكرين بس انتي حاولي تتحملين شوي يله هسة غيري ملابسج وتعالي انزل حضرنا احله اكل على شرفج
اليكساندا:ماشي
ستيلا:راح انتظرج بدلي وتعالي
دخلت اليكساندا الى غرفة التبديل بدلت ملابسها ونزلت الى الاسفل كانت والدتها وستيلا ينتظروها على الطاولة
ستيلا:واخيراً رجعت شفتج تاكلين
-ليش قابل جانت متاكل
ستيلا:لا اقصد رجعت تكعد ويانه على الاكل مشتاقتلج ولج
اليكساندا:انتو جنتوا حاسين بالغيابي بس اني مجاي احس بشي
-يله هسة خل ناكل لان الاكل راح يرد اذا بقينا نحجي
اصبحوا يتناولون الطعام ويتحدثون مع بعض
-اي ستيلا شلونها ماريانا
ستيلا:يبو لا تسأليني عليها مصيبة هاي
اليكساندا:منو هاي
ستيلا:بنت خالي اجتي عدنا بنيه صغيرة عمرها 6سنوات بس تكولين عليها 60 سنة مو 6 سنين عليها سوالف كارثة
اليكساندا:اها
ستيلا:لو تشوفيها اليكساندا لج شيطانه
عندما سمعت اليكساندا باسم شيطانه شعرت بشيء تحرك بداخلها
اليكساندا:شيطانه
ستيلا:اي هاي مصبية سودة
نهضت اليكساندا من الطعام
-وين حبيبتي بعدج مكملتي اكل
اليكساندا:شبعت اريد اصعد ارتاح
-ماشي
عندما ذهبت اليكساندا تحدث والدتها مع ستيلا
ستيلا:حالتها كلش مو زينة
-شنسوي والدكتور كال لا تضغطون عليها
ستيلا:صح بس ملازم تبقه هيج انتي ما شفتهيها قبل شوي دخلت عليها للغرفة وسمعت صوتها تبجي بالحمام
-لازم صار شي وياهه خلال هاي السنتين
ستيلا:مثل شنو
-ما ادري بس انتي تدري اني شنو عرفت
ستيلا:شنو
-اليكساندا فقدت عذريتها
ستيلا:شنو
-اي اليوم من طلعت النتائج التحليل مالتها عرفت
ستيلا:شلون صار هيج ومنو
-ما اعرف شي بس لازم تذكر لازم نعرف مارك وين
ستيلا:وتينا هم اختفت وياهه
-لك اي صحيح اهلها ما يدرون اليكساندا رجعت
ستيلا:اذا عرفوا راح يجون
ستيلا:اكلج خالة اني راح اخذ اليكساندا ونطلع شوي
-وين تاخذيها وهي بعدها تعبانة
ستيلا:تطلع تغير جو شوي ميصير تبقه محبوسه
-اي روحي احجي وياهه اذا قبلت روحوا
ذهبت ستيلا الى غرفة اليكساندا عندما دخلت وجدتها تقف امام النافذة وتنظر الى الشوراع اقتربت منها ووضعت يدها على كتفها
ستيلا:شبيج
اليكساندا:ما بيه شي
ستيلا:وين صافنه
اليكساندا:اباوع عل شوراع
ستيلا:بدل ما تباعين من الشباك تعالي نطلع
اليكساندا:ما الي واهس
ستيلا:بس تطلعين راح يتغير واهسج امشي
اليكساندا:تعبانه
ستيلا:اذا تبقين هنا راح يزيد التعبج امشي نطلع نغير جو
اليكساندا:ماشي بس ابدل ملابسي
ستيلا:يله اني راح انتظرج جوة
خرجت ستيلا وذهبت اليكساندا الى الخزانه اخرجت ملابسها جهزت نفسها ونزلت الى الاسفل
اليكساندا:يله اني هاجزة
ستيلا:يله امشي
-مو تتأخرون
ستيلا:لا خالة يله امشي
خرجوا من المنزل واصبحوا يسيرون في الطريق وكانت ستيلا تتحدث مع اليكساندا ولكن اليكساندا لم تكن مركزة معها
ستيلا:اي شنو رايج بالموضوع ...اليكساندا
اليكساندا:اها
ستيلا:شنو هاي شبيج انتي ممركزة وياي
اليكساندا:اسفه بس ما انتبهت عليج شنو جنتي تحجين
ستيلا:شبيج حبيبتي شنو صاير
اليكساندا:هو هذا السؤال اللي على طول اسئل لنفسي شنو صار ليش جاي احس بشي نقص بحياتي
ستيلا:تعالي نكعد هنا
جلسوا على احدى المقاعد
ستيلا:احجي لي بشنو جاي تحسين
اليكساندا:ما ادري جاي احس نفسي مخنوكة احس كأنه جان عندي شي وراح مني بس مجاي اعرف شنو هو وعلى طول جاي اتخيل اشياء غريبة
ستيلا:مثل شنو
اليكساندا:ما ادري مثل اليوم من جنت بالحمام حسيت كأني جنت احجي وياه شخص بس ما كدرت اشوف شكله ولا حتى اسمع صوته
ستيلا:زين ما حاولتي تشوفيه او تعرفيه منو
اليكساندا:ما كدرت اختنكت بسرعة طلعت
امسكت بيده ستيلا
اليكساندا:اني ما اكدر اعيش هيج ساعديني اني لازم اتذكر كل شي
ستيلا:اريد اكلج شي
اليكساندا:شنو
ستيلا:خالتي من سوت تحليل بين بالتحليل انتي فاقدة عذريتج
اليكساندا:شنو
ستيلا:اي بين بالتحاليل
اليكساندا:قصدج يعني اني..
وضعت يدها على راسها
اليكساندا:شلون ومنو
ستيلا:انتي جاي تسأليني اني؟ شمدريني
اليكساندا:ياربي اني ما اكدر ابقه هيج
ستيلا:امشي نكوم نمشي شوي
اليكساندا:لا اريد ارجع للبيت
ستيلا:لج هسة طلعنه
اليكساندا:ما اكدر اكمل اريد ارجع
ستيلا:ماشي امشي
عادوا الى المنزل مرت اسبوعين وما زالت اليكساندا على نفس الوضع تتخيل الكثير من الاشياء ولا تعلم ما تفسيرها وكانت ترى كوابيس كثيرة في احلامها وفي يوم من الايام استيقظت اليكساندا وكانت تشعر بالعطش فتحت عينيها لتجد شخص كان يقف امام النافذة وينظر إليها لم تستطيع أن ترى شكله جيد بسبب الظلام
اليكساندا:منو انت
-اني الشخص اللي موجود بخيالج مجاي تذكرينه
اليكساندا:منو انت وليش مجاي اذكرك
-اني موجود بداخلج بكل نفس تاخذينه تتذكريني
اليكساندا:اي صح اني جاي احس شي ناقصني
-اني النقص بحياتج
اليكساندا:زين وينك ليش مجاي اشوفك -اني يمج وقريب منج بس انتي مجاي تشوفيني
اليكساندا:اطلع خليني اشوفك
-لا اريدج انتي تجيني تعالي
ابعدت الغطاء عنها ونهضت من السرير
اصبحت تقترب منه كثيرا وصلت إليه وامسكت به ولكنه اختفئ فجأة نهضة من الفراش مفزوعة لتجد نفسها نائمة على السرير اصبحت تنظر حولها ولم تجد شيء حولها يبدوا بأنها كانت ترى كابوس مجدداً
اليكساندا:ياربي بعد ما اكدر اتحمل وضعت يدها على راسها واصبحت تبكي وفجأة انفتح الباب ودخلت والدتها
-اليكساندا حبيبتي شبيج
اقتربت منها واحتضنتها
-نفس الكوابيس
اليكساندا:مليت ماما كل يوم حلم شكل مجاي اتحمل تعبت
-ياعمري شبيج شنو صاير وياج
اليكساندا:ما اكدر اتحمل ساعديني دخليج ماما
-اهدي ياعمري اهدي ونامي
وضعتها على السرير وضعت عليها الغطاء وثم غطت اليكساندا في النوم تركتها وخرجت والدتها من الغرفة ذهبت الى الاسفل اخذت الهاتف واتصلت بالدكتور المشرف على حالتها
-الو
الدكتور:الو
-مرحبا دكتور نورس اني والدة اليكساندا
نورس:اهلا وسهلا مدام
-اسفه لان جاي اتصل بيك بهذا الوقت نورس:لا ولو عادي
-جنت اريد اجي اشوفك باجر بالعيادة عندي وياك موضوع
نورس:اي اكيد اهلا وسهلا
-تمام باجر الصبح امر عليك يله مع السلامة
نورس:مع السلامه
وفي اليوم التالي استيقظت والدة اليكساندا جهزت نفسها وخرجت من المنزل قبل ان تستيقظ اليكساندا ذهبت الى عيادة الدكتور نورس
-السلام عليكم دكتور
نورس:وعليكم السلام خير خوفتيني البارحة شنو صار شي على اليكساندا
- لا اليكساندا بخير بس
نورس:بس شنو
-بصراحة دكتور بنتي كلش تعبانه
نورس:خير شبيها
-ما ادري شنو صاير وياهه على طول تتحلم احلام مو زينة وتكعد تبجي لو مرات تتخيل اشخاص يمها احس بنتي راح يصير بيها شي
نورس:بنتج جاي تحاول تستعيد ذاكرتها اني شنو كلت؟ مو كلت لا تخلوها تذكر شي لا تضغط على نفسها زيادة
-حاولت شكد احجي وياهه بس هي مصرة تريد تعرف شنو صار بهاي السنتين
نورس:بس هيج جاي تضغط على دماغ وميصير هيج خليها تستعيد ذاكرتها شوي شوي من غير ما تتعب دماغها او تضغط عليه
-شسوي تعبت واني احجي وياهه
نورس:خليها تجي باجر حتى احجي وياهه
-ان شاء الله يله اني صار لازم اروح
نورس:اتفضلي مع السلامة
خرجت والدة اليكساندا وعادت إلى المنزل وعندما دخلت وجدت اليكساندا في المطبخ
-اليكساندا شتسوين هنا
التفت إليها وابتسمت لها
اليكساندا:جاي اسوي اكل
-شعجب انتي بحياتج ما دخلت للمطبخ وسويتي اكل
اليكساندا:اي صح بس سويت تغيير
-تردين اساعدج
اليكساندا:لا ماكو داعي بس انتي وين جنتي
-رحت للدكتور مالتج
اليكساندا:ليش
-اي استشارة طبية وطلب يشوفج
اليكساندا:ليش يشوفني
-والله ما اعرف
اليكساندا:ماشي باجر نروح واني وياج ...
اليكساندا "
ذهبت مع ستيلا الى السوق وعنده خروجي شعر بانه هناك شخص يراقبني واصبحت التفت حولي ولكنني لم اجد شي انتبهت ستيلا الى تصرفاتي الغريبة
ستيلا:شبيج
اليكساندا:شكو
ستيلا:انتي شكو شبيج متوترة
اليكساندا:لج احس احد جاي يراقبني
ستيلا:احد منو
اليكساندا:ما ادري بس اني مو مرتاحه
ستيلا:هو انتي على طول مو مرتاحة امشي هسة
لم تكترث ستيلا الى كلامي ولكنني فعلاً كنت اشعر بشخص يراقبني طوال الوقت وعندما خرجنا من المول رأيت امرأة كبيرة في السن كانت تجلس على الارض وكانت تنظر لي وتبتسم استغربت كثيراً
اليكساندا:اكلج
ستيلا:اها
اليكساندا:شوفي هاي بس تباوع عليه وتضحك
ستيلا:وينها
اليكساندرا:هذيج كدامج
نظرت ستيلا الى حيث مكان العجوز واستغربت من تصرفاتها
ستيلا:هاي ليش تضحك ؟
اليكساندا:شمدريني
اقتربنا من العجوز وعندما رأيت وجهه تذكرت انها نفسها تلك المرأة التي كانت تريد أن تقرأ لي المستقبل ولكنني سخرت منها في ذاك الوقت
اليكساندا:لج هاي نفس العجوز
ستيلا:منو
اليكساندا:هاي اللي رادت تقرأ المستقبل وكمت احجي عليها
ستيلا:اي تذكرت نفسها
لقد اصابني الفضول بشأن مستقبلي وطلبت من ستيلا بأن نذهب إليها لعلها تفسر لي ما الذي يحدث معي الان
اليكساندا:ستيلا
ستيلا:شنو
اليكساندا:اريد اروح الها بلكت تشوف مستقبلي
ستيلا:شنو
اليكساندا:اي
ستيلا:هاي انتي اليكساندا لو وحدة غيرج
اليكساندا:شبيج اريد اعرف شنو جاي يصير وياي
ستيلا:وشعجب وافقتي انتي طول عمرج تكرهين هاي الشغلات
اليكساندا:بس هسة لازم اعرف شنو جاي يصير وياي وليش جاي اتصرف هيج
ستيلا:وانتي برأيج هاي راح تعرف
اليكساندا:خل نجرب مراح نخسر شي
ستيلا:اوكي امشي
اقتربنا من تلك المرأة وجلست بجانبها
ستيلا:مرحباً خالة
كانت تنظر لي ولا تزال تبتسم
ستيلا:خالة تسمعيني احنا اجينه هنا حتى تشرفين مستقبل هاي البنيه
اشارت لي
-واخيراً اقتنعتي بكلامي
اليكساندا:اها
-صدكتي بوجودهم
نظرت إليها باستغراب عن ماذا تتحدث تلك المرأة
-انتي جنتي ما مصدكة بوجودهم بس هسة انتي صدكتي
اليكساندا:بوجود منو انتي شنو جاي تحجي ما افتهمت
-انتي هسة متذكرين شي بس من تذكرين راح تفهمين
اليكساندا:افهم شنو انتي شتحجين
-كلتلج بعدين تعرفين
ستيلا:هو شنو حزورة شكو
-روحي هسة وبعدين راح تعرفين شنو قصدي من تعرفين تعالوا تنتظركم هنا بنفس المكان
اليكساندا:اها
-روحي هسة ما عندي شي اكلج عليه
ستيلا:هاي شنو تحجي كومي اليكساندا لم اركز على كلام ستيلا كنت انظر الى تلك العجوز لعلي افهم ماذا كانت تقصد
ستيلا:لج شبيج صافنه كومي
امسكت بيدي ستيلا ونهضنا من جانبها كنت اسير والتفت إليها كل دقيقة وكانت تبتسم لي
ستيلا:هاي يمكن مخبله شنو جاي تحجي كل شي ما افتهمت منها انتي افتهمتي شي
لم استمع إلى حديثها كان كلام تلك المرأة لا يزال في راسي
ستيلا:اليكساندا.... اليكساندا
اليكساندا:اها
ستيلا:شبيج وين صافنه
اليكساندا:ماكو شي
ستيلا:شبيج خفتي من كلام هاي الخبله اني كلتلج لا ترحين بس انتي.. اوف ما اعرف شنو صاير وياج صايرة تصرفاتج غريبه انتي
اليكساندا:بس انتي شفتي شلون جانت تحجي ما ادري بس احس تعرف شي
ستيلا:شي مثل شنو لج شبيج بابا
اليكساندا:ما ادري بس كلامها حيرني هواي
ستيلا:لا تفكرين بكلام هاي الخبلة وتعالي نروح نشرب قهوة
ذهبنا الى احدى المقاهي لكي نحتسي القهوة
اليكساندا:برأيج هاي العجوز تعرف شي
تنهدت بملل
ستيلا:لج تعرف شنو هي جانت وياج شبيج انتي؟
اليكساندا:لعد ما شفتي كلامها من حجت عبالك تعرف شي اني ما اعرفه
ستيلا:انتي احجي شنو اخر شي تذكرينه من قبل ما تكعدين وتلكين نفسج بالمستشفى
تنهدت واصبحت اعود بالذاكرتي الى الوراء
اليكساندا:اخر شي اذكرة جنت احجي وياه تينا وبعدين قدمت الاكل للركب وبعدين صار شي
ستيلا:شنو صار
اليكساندا:اذكر اكو شخص بالطيارة طلب مني كلاص عصير و رحت اجيب العصير بس من رجعت ما لكيته بس
ستيلا:بس شنو
اليكساندا:جاي اتذكر تفاصيله بس شكله مجاي اذكره
ستيلا:شكلة متذكرينه
اليكساندا:اي
وضعت يدي على راسي وكنت احاول أن اتذكر ملامح وجهه
ستيلا:اها
اليكساندا:شكله مجاي اركز بيه
ستيلا:طيب اهدي وارتاحي هسة
اليكساندا:اكلج شنو رأيج نروح للدكتور نورس
ستيلا:هسة
اليكساندا:اي هسة
ستيلا:ماشي بس ليش
اليكساندا:اريد اسئله عن تفاصيل بسيطة عندي
ستيلا:امشي
ذهبنا الى عيادة الدكتور نورس انتظرنا قليلاً وبعد لحظات دخلنا
اليكساندا:مرحباً
نورس:اهلا وسهلا اليكساندا اتفضلوا
اليكساندا:اسفه لان اجيت بدون موعد
نورس:لا شنو هذا الحجي اهلا وسهلا بيج بأي وقت
اليكساندا:شكراً دكتور بس اجيت لان انت طلبت تشوفني
نورس:اي صح بس اني عبالي تجين باجر على العموم احسن اجيتي اليوم
نظر لي
نورس:اي اليكساندا احجي لي شبيج
اليكساندا:اكيد ماما كلتلك شنو جاي يصير وياي
نورس:اي بس اني اريد اسمع منج انتي
اليكساندا:بصراحة ما اعرف شنو جاي يصير بس اجي احس بأشياء غريبة
نورس:مثل شنو
اليكساندا:اتحلم على طول بأشياء غريبة ومخيفه كأني بعالم ثاني عالم غير عالمنا وجاي اشوف اشياء مخيفه تصير وياي وجاي اتخيل نفسي احجي وياه احد بس مجاي اشوف شكله ومجاي تتوضح عندي صورته
نورس:اني مو كلتلج لا تضغطين على نفسج هواي
اليكساندا:دكتور ما اكدر اتحمل اني لازم اعرف الشي النقص بحياتي ما اكدر ابقه هيج هذا الشي جاي يعذبني
وفجأة رن هاتف الطبيب
نورس:اسف بس لحظة وحدة
نورس:الو.... شنو وصل شوكت.... طيب دخلي بسرعة لا تخليه ينتظر
اقفل الخط ونظر إلينا
نورس:اعذروني بس اجه صديقي
اليكساندا:طيب لعد احنا صار لازم نروح ونجي بعدين
نورس:لا ابقي اصلا اجه بوكته هذا احسن دكتور دماغ راح يفيدج بحالتج
فجأة انطرق الباب دخل الشخص
-السلام عليكم
نورس:وعليكم السلام اهلا
التفت إلى الوراء لكي ارى ذاك الشخص ياالهي وجهه مألوف كثيراً بالنسبة لي وكأنني رأيته من قبل بدأ راسي يؤلمني كثيراً واصبحت ذاكرتي تعود شيئاً فشيئاً كنت انظر إليه ورأسي يؤلمني بشدة
ستيلا:اليكساندا شبيج
نورس:شبيج اليكساندا شكو
لا استطيع أن اتحدث معهم كنت انظر إليه واحاول أن استعيد ذاكرتي
-انت شنو اسمج ياحلوة..... لا تخافين مني.... لج شبيج اليكساندا ليش جاي تسوين بيه هيج..... لا عوفني اترجاك لا تسويلي شي....اذا حاولت تسويلها شي راح اموتك....انتي هسة بجزيرة الشياطين واني هنا امير الشياطين واسمي اليكس.... مراح اعوفج لحد ما تعترفين بحبج لي...لا تتعب نفسك مراح اعترف....مراح تاخذها لو على موتي...اني احبك اليكس اكعد لا تعوفني اترجاك... اني حبيتك ولهذا السبب جنت اريد اعوفك لان احنا مختلفين تماماً.... اليكــــــــــــس اليكــــــــــــس
فتحت عيني بصدمة لقد تذكرت.....تذكرت كل شي
كان الجميع ينظر إلي اقتربت منه ووضعت يدي على وجنتيه كان ينظر إلي باستغراب
اليكساندا:اليكس
نطقت باسمه واغمى عليه وسقطت بين يديه......
