تينا "
فتحت عيني كانت الساعة تشير الى5:00 مساءاً نظرت حولي كان ايان نائماً بجانبي وضعت يدي على وجنتيه واصبحت اتلامس وجنتيه
لم اشعر يوماً في هذه السعاده الا معه لا اعلم كيف سأرحل من هنا واتركه لقد اصبح كل شيء بالنسبة لي اتمنى البقاء معه ولكن لا استطيع فهناك عائلتي التي تحبني لا استطيع تركهم ماذا افعل علي الرحيل غداً ولكن لا يمكنني تركه وذهاب بعيداً
ايان:مدام ما تردين لا ترحين
فتحت عينيه ونظر لي
تينا:انت كاعد
ايان:كعدت على صوت افكارج بس زين كعدت على اقل سمعت شنو تفكرين
تينا:ما اكدر ابقه وبنفس الوكت ما اكدر اعوفك محتارة
ايان:ليش محتارة لا ترجعين
تينا:ما اكدر لازم ارجع
ايان:وتعوفيني
تينا:انت مو راح تجي تشوفني
ايان:اي اجي اشوفج
تينا:هذا الشي الوحيد اللي جاي يخليني اكون سعيده بهاي الروحه مراح تنكطع اخبارك عني بالعكس راح اشوفك
نهض ايان من جانبي ارتدى البنطلون
تينا:شبيك
ايان:ما بيه شي
تينا:ليش كمت
ايان:جوعان راح سوي اكل
تينا:تمام
تركني وذهب الى المطبخ لا اعلم ماذا به اشعر بانه يخفي شيء عني تصرفاته اصبحت غريبة اخذت قميصه من الارض ارتديه وذهبت إليه عندما دخلت الى المطبخ رأيته يجلس على الطاولة كان شارد الذهن
تينا:ايان
التفتت لي
ايان:اها
تينا:شبيك
ايان:ما بيه شي
تينا:ياريت اني مصاصة الدماء
ايان:شنو
تينا:حتى اعرف شبيك وبشنو جاي تفكر
ابتسم لي
ايان:تردين تصيرين مصاصة الدماء بس حتى تعرفين بشنو جاي افكر
تينا:اريد اعرف شنو الشي اللي مضوج حبيبي
ايان:حبيبج جاي يفكر شنو يسويلج اكل
تينا:ممممم
ايان:اي شبيج ما مصدكة
تينا:لا مصدكة تحب اساعدك
ايان:لا ماكو داعي روحي ارجعي كعدي بمكانج
تينا:كلتلك خليني اساعدك
نهض من الطاولة واصبحت يدفع بي لكي اخرج من المطبخ وكأنه لا يريدني ان ابقه معه في المطبخ
ايان:روحي اكعدي هنا من اخلص راح اجيب الاكل
تينا:تمام
تركته وعدت إلى غرفة المعيشة اصبحت ابحث عن فلم لكي نشاهده معنا وجدت فلم مناسب وضعت الشرط في الجهاز وجلس على الاريكة اشاهد التلفاز وكان ايان في المطبخ يعد الطعام وفجأة ظهر ايان اماندا في التلفاز كانوا يتحدثون مع بعض
اماندا:اذا ما جبتها حتى تمص دمها لعد ليش جبتها
ايان:خنكتيني وخري خل افهمج
دفعها وابتعدت عنه
اماندا:يله احجي
ايان:هاي البنيه جبتها حتى تساعدني
اماندا:بشنو تساعدك هاي البشرية
ايان:انتي مو تدري اني اريد ارجع بشري عادي
اماندا:اي وهاي بشنو راح تساعدك
ايان:مصاصين الدماء ميكدرون يرجعون على طبيعتهم الا اذا شرب دم بشري للاخير واني جبتها هنا حتى اخليها تثق بيه وتسوي كل شي اكوله لحد ما تجي الفرصة المناسبة ويكتمل القمر واخذ دمها كله لاخر قطرة وارجع على طبيعتي
اماندا:واني راح تعوفني
ايان:لا طبعاً انتي حبيبتي ما اكدر اعوفج
اماندا:شلون لعد
ايان:اني سمعت اكو بشريه ثاني موجودة بعالم الشياطين هاي راح تكون من نصيبج
اماندا:عد الشياطين وبعدها عايشة مستحيل
ايان:اي سجينة اليكس اخذها
فتحت عيني على وسعها لا اصدق ما سمعته للتو ايان كان يكذب علي كان يريد قتلي لكي يتحول بشري عن طريق دمي
ايان:اي
التفت ورأيته يقف خلفي وكان يمسك بيده سكين شعرت بالخوف اصبحت اتراجع الى خلف وكان يقترب مني...
اليكساندرا اليكس"
مرت ربع الساعة وما زال اليكس ينزف وبدأ بفقد توازنه كانت اليكساندرا تنظر إليه وبدأت تشعر بالخوف
اليكساندرا:اليكس كافي لعب وخر الجرح
اليكس:لا مراح اخلي يوكف
كان يتحدث بصعوبة
اليكساندرا:انتي ليش جاي تسوي هيج شنو راح تستفيد من هذا كله
اليكس:حقيقة مشاعرج
اليكساندرا:ماعندي مشاعر لك ماكو داعي تعذب نفسك
اليكس:مو مهم خلينه هيج
اليكساندرا:اليكس كافي دراما الفراش صار كله دم
اليكس:انتي خايفه على الفراش مو خايفه عليه الخدم يرتبون الفراش وبعدين اني م...
وفجأة اغمى عليه كانت تعتقد بانه يمزح معها
اليكساندرا:هههههههه حلوة هاي توكع عود متت مو؟ كوم احسلك
اصبحت تضرب به
اليكساندرا:كوم اليكس بلا سخافه
لم يتحرك من مكانه
اليكساندرا:اذا ما تكوم راح اروح اصيح عليهم.... اليكس
وفجاة اصبح وجهه ازرق اللون
اليكساندرا:اليكس ...الي....اليكس
بدأت تشعر بالخوف وضعت يدها على وجهه كانت وجهه بارداً تجمعت الدموع في عينيها وبدأت تبكي
اليكساندرا:اليكس... اليكس كوم بطل لعب اليكس اكعد عفية
اصبحت تلتفت حولها
اليكساندرا:اليكس اكعد عفية
نهضت لكي اطلب المساعدة من احد
اليكساندرا:وينكم.... وينكم تعالوا ساعدوني
وصلت إلي جينيفر
جينيفر:شكو شبيج
اليكساندرا:ال...اليكس.... اليكس
جينيفر:شبيه
اليكساندرا:تعالي شوفي
دخلت معي الى الغرفة و انصدمت عندما رأتيه ممدد على السرير الدماء حوله ركضت عليه
جينيفر:اليكس شبيك اليكس
التفت لي
جينيفر:شنو صارله من وين هذا الدم
اليكساندرا:ما ادري بس جان ينزف وطلبت منه يعالج الجرح بس ما قبل
جينيفر:اليكس فتح عيونك
كانت جينيفر تحاول أن توقف النزيف ولكن بدون فائدة
اليكساندرا:شكو
جينيفر:النزيف مجاي يوكف
اليكساندرا:ليش
جينيفر:لان نزف هواي مجاي يوكف
اليكساندرا:شنو يعني ساعدي
جينيفر:لج راح يموت
اليكساندرا:لا لا مراح يموت سوي شي خليه يعيش
كانت جينيفر تحاول أن تنقذه ولكن لا جدوى كانت الدماء تخرج منه بشكل كبير تلطخت ملابس جينيفر بالدماء
جينيفر:اليكـــــــــــس... اكعد اليكـــــــــــس
اليكساندرا:لا
اقتربت منه وامسكت بيده
اليكساندرا:اليكس كوم اترجاك راح سوي اللي تريده بس كوم اترجاك
نهضت جينيفر وامسكت بي لترمي بي على الارض فتحت عينيها بغضب
جينيفر:وخر منــــــــه
كانت عينيها حمراء وكأنها تريد قتلي
جينيفر:كله بسببج انتي اللي سويتي بيه هيج اذا صار عليه شي راح اكتلــــــــــج امسكت برقبتي لترفعني عن الارض
جينيفر:سمعتي اذا صار عليه شي مراح ارحمــــــــــج.....
قد جن جنون جينيفر وتريد ان تقتل اليكساندرا لانها هي السبب بموت اليكس اما من جانب اخر كانت تينا لا تزال مصدومه من الذي سمعته وكانت تنظر إلى ايان بخوف وهو يقترب منها اكثر وبيده السكين
تينا:هاي شنو معقول هذا انت
ايان:اي هذا اني وجنت اضحك عليج
تينا:تضحك عليه؟
ايان:اي لا اساعدج ولا شي جنت اريد امص دمج كله حتى ارجع بشري ومنتظر اليوم لي يكتمل بيه القمر
تينا بصدمة:شو
ايان:اي
تينا:ليش.... ليش جذبت عليه اني شنو سويتلك
ايان:لان غبية تصدكين بسرعة
تينا:صح اني غبية لان حبيتك وسلمت نفسي لك بسهولة
ايان:صح مو اكلج غبية
اصبح يقترب منها اكثر واكثر الى أن سقطت على الاريكه اقترب منها
ايان:جنت اريد امص دمج بيوم اكتمال القمر راح تنامين هيج واني اجي يمج واتقرب منج
كان يمثل لها الدور وهي كانت خائفة وتريد الإبتعاد ولكنه استلقى عليها ومنعها من التحرك
تينا:وخر مني
ايان:جنت هيج راح اسوي بيج امنعج من الحركه واتقرب منج
قرب وجهه من رقبتها اخرج أنيابه الحادة
تينا:لا تسويلي شي اترجاك
كانت تبكي وتتوسل إليه ان يتركها قرب انيابه من رقبتها وكانت تصرخ وتحاول الابتعاد
ايان:جنت راح اتقرب منج هيج
تينا:عوفني
ايان:وامص دمج
اقترب كثيراً اغمضت عينيها وكانت ترتجف اراد ان يغرس انيابه ولكنه ابتعد عنها ونهض من فوقها وكانت لا تزال مضمضه عينيها وترتجف
ايان:بس بعدين تراجعت عن تفكيري
فتحت عينيها ونظرت إليه
ايان:اي تراجعت عن كل شي جنت مفكر اسوي بيج..... لان انتي ما تستاهلين اذيج تدري ليش
لا تزال خائفة منه
ايان:لان احبج وهذا اللي خلاني اتراجع عن تفكيري
تينا:انت تحجي هيج حتى ترجع تضحك عليه مرة ثانية
ايان:لا هاي المرة فعلاً تراجعت عن تفكيري لدرجة سويت بيج شي خلاج بعد حتى لو اخذت دمج كله مراح اتحول بشري
انصدمت تينا من كلامة
تينا:شنو سويت بيه احجي
ايان:لا تخافين مو شي خطير اني بس صرت احط لج شراب بالاكل يخلي دمج نقي يعني محد يكدر يتحول بشري عن طريق دمج
تينا:وهسة اني لازم صدك كلامك هذا
ايان:براحتج تردين تصدكين او لا بس هي هاي الحقيقة
تينا:اني مستحيل ابقه يمك عد ما عرفت الحقيقة
ايان:شنو
تينا:يعني اريد اطلع منا وفورا
ايان:وين ترحين
تينا:وين ما اروح اروح بس ما اكدر ابقه يمك بعد
ايان:ماشي مثل ما تردين راح اخذج على مكان امن وبعيد عني
تينا:لا بعد ما اثق بيك اخذني يم اليكساندرا
ايان:لا مستحيل اخذج يمها هي بعالم الشياطين وهذول خطر عليج
تينا:اكيد مو اخطر منك
ايان:راح اخذج على مكان احسن من هنا واحسن من هناك يم شخص هو والوحيد اللي راح يحميج واني اطمئن انو مراح يصيرلج شي طول ما انتي هناك
تينا:ماشي شوكت نروح
ايان:شوكت تردين انتي
تينا:اليوم وهسة
ايان:تمام روحي غيري ملابسج وخل اخذج
تركته وذهبت الى غرفتها اقفلت الباب وجلست خلف الباب تبكي كانت تحاول أن لا تخرج صوت ولكنه كان يسمع صوت بكائها لم يتحمل ترك المنزل وخرج ليجلس في الحديقة لكي يبتعد عنه الصوت لان مصاصين الدماء عندما يبتعدون كثيراً عن الشخص لم يعودوا يسمعون صوته ولا قراءة افكاره وبعد ربع ساعة انفتح الباب وخرجت تينا وبيدها حقيبة ملابسها نظر ايان الى الحقيبة قليلاً وبعدها اخذها منها وذهبوا الى حدود عالم الملائكة
ايان:وين الامير دانيال
-هاي بشرية؟
ايان:اي بشرية وين الامير كلتلك
-دقيقة
ارسل له احدى الملائكة لكي يخبروا
-مولاي
دانيال:خير
-امير مصاصين الدماء ينتظرك على الحدود وياه بشرية
دانيال:شنو بشرية
-اي
دانيال:روح هسة جاي
ذهب الملاك ونهض دانيال ودخل اوسكار
اوسكار:شكو وين رايح
دانيال:اجه ايان وياه البنيه البشرية
اوسكار:شو
دانيال:اي مثل ما سمعت
اوسكار:شعجب جابها
دانيال:والله ما ادري
اوسكار:اروح وياك
دانيال:لا ماكو داعي خليك هنا
ذهب دانيال الى الحدود لرؤية ايان وتينا تفاجئ عندما راى تينا وبيدها حقيبتها
دانيال:هاي البشرية
ايان:اي تينا واذا تريد تأكد منها
مد دانيال يده لها لكي يصافحها كانت خائفة
ايان:لا تخافين بس مدي يدج اله
مد يدها له وامسك بيدها تفاجأ فعلاً انها بشرية وكيف استسلم ايان وأعطاها لهم من غير مشاكل
دانيال:تعالي تفضلي
نظر إلى احد الملائكة
دانيال:وصلها يم استفانيا
-تمام مولاي تفضلي
اخذها ملاك وذهبت معه ولم تلتفت الى ايان كانت تحاول ان لا تنظر إليه حتى لا تضعف امامه
دانيال:مو مصدك الجاي اشوفه بعيني شعجب جبتها
ايان:مو زين
دانيال:اكيد زين بس مستغرب شوي انت قبل فترة جنت مصر على قرارك واليوم غيرت
ايان:اي كل شي ممكن هنا
دانيال:صح على العموم شكراً لانك اخذت القرار الصح
ايان:مممم يله باي
دانيال:مع السلامه
ذهب ايان وعاد الأمير دانيال الى القصر اما من جانب اليكساندرا كانت جينيفر تحاول أن تقتلها لو لم ينفتح الباب ويدخل روبن ومادلين و تفاجأوا برؤية اليكس والدماء التي حوله
روبن:هاي شنو
مادلين:اليكـــــــــــس شبيه
رمت بها على الأرض سقطت على راسها
روبن:شكو شبيه اليكس
جينيفر:بابا لازم نساعده راح يموت
روبن:ليش شنو صار
جينيفر:بعدين احجي لازم نساعده بسرعة
مادلين:وكفي النزيف
جينيفر:تأخرنا مجاي يوكف
روبن:شنو يعني
جينيفر:روحوا جيبوا كارلا خل تساعده
-اني راح اروح
جينيفر:روحي بس بسرعة
ذهبت الخادمة الى منزل كارلا لكي تساعد اليكس
روبن:شنو صار
نظر جينيفر إليها
جينيفر:كله بسبب هاي الكلبه
مادلين:اني جنت ادري بيج انتي خطر علينا
جينيفر:انتي ملازم تعيشين ولا دقيقة
مادلين:اي صحيح كلامج جينيفر هاي الحيوانه ملازم تعيش
كانتا تنظران إليها غضب شديد وكأنهم يريدان قتلها شعرت اليكساندرا بالخوف واصبح جسدها يرتعش تراجعت إلى الوراء قليلاً
روبن:انتظروا شوي
جينيفر:بابا هاي ملازم تعيش تريد تكتل اخويه
روبن:كلتلج انتظري احنا اكيد راح نكتلها بس مو هسة
مادلين:شو
روبن:ياحراس..... ياحراس وينكم
-نعم
روبن:اخذ هاي واحبسها بالنفق
جينيفر:بس يا بابا
روبن:كلتلج انتظري
امسك الحارس بها ووضعها في النفق المظلم واقفل عليها الباب لم تعد ترى شيء بسبب الظلمة كان المكان مخيف جداً وكانت تسمع اصوات الفئران في المكان جلست على الارض واصبحت تبكي وتدعوا الله ان يساعدها
اما من جانب اليكس كانوا يحاولون علاجه وصلت كارلا إليه وقامت بعلاجة
جينيفر:اها شلون صار
كارلا:اني حطيت الدواء عليه بس بعدها حالته خطيرة
روبن:شنو يعني راح يموت
كارلا:كل شي ممكن لان حالته كلش خطيرة ونزف هواي دم
جينيفر:شنو يعني اليكس مراح يعيش
كارلا:لازم تتنظر لحد ما يكعد ونشوف حالته
انزلت مادلين دموعها الكاذبة
مادلين:مستحيل اليكس يموت مستحيل
تركتهم وذهبت تركض الى غرفتها وعندما دخلت اصبحت تضحك من الفرح
مادلين:واخيراً راح اخلص منك بدون مشاكل يعني راح اصير اني الكل بالكل وكلشي راح يكون من نصيبي من غير ما اخي المزعج ياخذ كل شي مني يعني راح يتحقق حلمي مجاي اصدك واخيراً
اصبحت تضحك بصوت عالي
مادلين:كلش راح يصير ملكي اني وبس راح اخذ العرش وكل شي لي وبس من يموت اليكس والحاكم راح يطرد بابا من العرش وراح اخذه اني واصير ملكة الشياطين واو الحلم الي جنت انتظره من زمان واخيراً راح يتحقق حلمي ....
مادلين:اليكس لازم متكعد مراح اخليك تكعد لو شو مصار انت انتهيت اليكس.....
تينا "
لقد اوصلني ذاك الملاك امام الباب وذهب وفجاة انفتح الباب وخرجت منه فتاة جميلة لديها اجنحه بيضاء نظرت لي وابتسمت
استفانيا:السلام عليكم
تينا:وعليكم السلام
استفانيا:انتي البشرية اللي يحجون عليها
تينا:اي
استفانيا:تعالي اتفضلي
دخلت إلى القصر كان قصر ابيض و جميل عندما دخلت شعرت براحة كبيرة في هذا المكان كانوا الجميع من في المكان لطيفين شعرت بالراحة في ذالك المكان
استفانيا:تعالي خل اخذج للغرفة مالتج حتى ترتاحين
ذهبنا الى الاعلى فتحت احد الغرف ودخلنا
استفانيا:هاي راح تصير غرفتج على ما ترجعين على عالمج
تينا:ارجع؟
استفانيا:اي طبعاً
تينا:يعني راح تخلوني ارجع
استفانيا:اكيد وباجر راح ترحين على بيتج
تينا:يالله صدك
استفانيا:طبعاً
لقد فرحت كثيراً في هذا الخبر واخيراً ساعود الى منزلي لا اصدق هذا وفجأة تذكرت اليكساندرا واختفت الابتسامة عن وجهي
استفانيا:شبيج
تينا:شلون راح ارجع وصديقتي يم هذول الشياطين
استفانيا:لا تخافين صديقتج راح نطلعها تينا:شلون وهي يم هذول الشياطين مستحيل
استفانيا:ماكو شي مستحيل هنا لا تخافين راح تطلع
تينا:ياريت
وفجأة نطرق الباب
استفانيا:تفضل
افتح الباب ودخل الامير دانيال
دانيال:السلام عليكم
تينا:وعليكم السلام
دانيال:الحمدلله على السلامتج
تينا:الله يسلمك
دانيال:لا تخافين انتي هنا بخير ومراح يصير عليج اي خطر راح ترجعين باجر
تينا:وصديقتي
دانيال:لا تخافين هي هم راح تطلع منا
تينا:تمام
في اليوم التالي
مادلين
مادلين:بابا راح شنسوي اذا ما كعد اليكس
روبن:لازم يكعد والا العرش راح يروح مني
مادلين:صح ياخذه منك الحاكم وشوف منو راح ياخذه
روبن:مراح اسمح ياخذه احد غيري واليكس لازم يكعد
مادلين في نفسها:مراح اخليه يكعد لو على موتي اليكس لازم يموت
روبن:اكلج اني اخذت قرار بخصوص هاي بشرية
مادلين:شنو
روبن:راح انطيها للحاكم هو يتصرف بيه مادلين:خوش خطة هاي
روبن:اليوم راح انفذها راح ادز واحد عليه
طلب روبن من احد الشياطين ان يذهب الى الحاكم ويتحدث معه بخصوص اليكساندرا
روبن:اريدك تروح على الحاكم وتنطيه هاي الرسالة
-تمام مولاي
اخذ الرسالة وذهب بها إلى الحاكم وعندما وصل طلب من الحرس ان يدخلوا ودخل إليه
-حضرت الحاكم
-خير شنو عندك
-هاي رسالة من الملك روبن
-روبن انطيني
اعطاه الرسالة فتحها وبدأ بقرائتها
-مولاي الحاكم مارت كتبت لك هاي الرسالة حتى اكلك عندي لك هدية خاصة وجميلة اتمنى تعجبكم هديتي هي فتاة بشرية في غاية الجمال صورتها موجودة بالظرف شوفها اذا عجبتك وتريدها راح ادزها لك اليوم اذا موافق عليها بلغ يمون واسف على الازعاج مولاي روبن.....
اخرج صورة اليكساندرا من الظرف واندهش عندما راها
مارت:هاي شنو ...شنو هذا الجمال
-عجبتك مولاي
مارت:اكيد بلغ روبن اني وافقت اخذه منه
-امرك استاذن اني
مارت:روح
عاد ذاك الشيطان الى قصر روبن وبلغه بالخير
روبن:انت متأكد
-طبعاً متأكد وبس هيج حتى فرح من شاف الصورة
روبن:اول مرة تسوي شي زين بحياتك اليكس هسة مدام وافق الحاكم بعد ما يهمني امرك متت او لا اهم شي منصبي ما يروح
اليكساندرا "
منذ البارحة وانا هنا اريد ان اطمئن على حالة اليكس ماذا افعل كيف سأخرج من هنا اريد رؤيته وكنت اشعر بالخوف وفجأة سمعت صوت من الظلمة
-اني راح اساعدج
فزعة ابتعدت عن المكان
روني :لا تخافين اني روني
وفجأة ظهر لي روني طائر كارلا
اليكساندرا:هاي انت شتسوي هنا
روني:اجيت وياه كارلا حتى تشوف حالة اليكس وشفتج ودخلت هنا من غير ما احد يشوفني
اليكساندرا:اليكس شلونه شلون صار
روني:سمعت كارلا تكول يمكن يموت
اليكساندرا:شنو لا مستحيل
روني:اهدي لا تخافين اكيد راح يعيش
اليكساندرا:اريد اروح اشوفه ساعدني
روني:ما اكدر شنو اخليج تطلعين
اليكساندرا:لازم اشوفه لازم اتطمئن عليه
روني:انتظري هنا اني راح احاول اساعدج
اليكساندرا:ماشي منتظرتك مو تتأخر
روني:لا هسة اجي
ماذا سيحدث هل سينجو اليكس من الموت ..
وهل تستطيع اليكساندرا الهروب من هنا ام ستقع بين ايدي الحاكم
وماذا سيحدث مع تينا هل تسامح ايان ام انها سترحل من هنا للابد .....
