ارسل ايان احد رجاله الى عالم الشياطين لكي يتفق مع اليكس على رؤية تينا لصديقتها اليكساندرا وعندما دخل هجموا عليه الشياطين واردا قتله لو لم يأتي اليكس في الوقت المناسب ويبعدهم عنه
اليكس:الكل يوخر منه بسرعة
ابتعد الجميع ولكن في عينهم ما تزال الرغبه في اكله
اليكس:انت غبي شلون تجي هنا
-اجيت حتى اوصل لك رسالة من الامير ايان
اليكس:شنوشيريد هذا
-يكول الامير هو وافق على طلبك ومنتظر شوكت تجون
اليكس:غريبة شعجب وافق هذا على العموم اني هم موافق وباجر الساعة بثلاثة نشوفهم بالحديقة الجبيرة
-تمام
اليكس:يله هسة روح قبل ما يصير لك شي مو زين
ذهب بسرعة ذالك الشخص وعاد الى ايان
ايان:وصلت الرسالة
-اي همزين ما رحت بيها اليوم
ايان:شكو شبيك
-بصراحة لو ما الامير اليكس جان هسة اني صرت اكل للشياطين
ايان:لازم دخلت للعالم مالتهم
-اي دخلت بالغلط
ايان:انت غبي غير توكف على الحدود
-ما انتبهت
ايان:هسة احجي شنو صار وياك
-بلغته بالموضوع وافق وباجر الساعة بثلاثة ينتظروك بالحديقة الجبيرة
ايان:تمام خوش خبر
ذهب ايان ليتحدث مع تينا التي كانت تجلس في غرفتها وتشاهد فلم طرق الباب ودخل
ايان:ممكن اتدخل
التفت إليه
تينا:اي اكيد تفضل
جلس بجانبها على السرير
ايان:عندي لج خبر حلو
تينا:خير شنو
ايان:اليكس وافق تشوفين صديقتج
تينا:صدك مو مصدكة هذا الخبر
ايان:لا صدكي راح تشوفيها وباجر هم
تينا:يعني راح نطلع منا اني ما اعرف شلون اشكرك
ايان:لا ماكو داعي تشكريني اهم شي تطلعين بخبر
اقتربت منه لتحتضنه بقوة من الفرحة التي بداخلها لم تنتبه لما تفعله ولكنه تفاجئ بذالك الحضن و وضع يداه على ظهرها وحاوطها بين ذراعييه ولكن هذا الحضن لم يدوم طويلاً حتى انتبهت تينا لما فعلته وابتعدت عنه بسرعة واصبح وجهها احمر من شدت الخجل ونظر إليها كانت جميلة جداً وهي خجله لم يتحمل ايان ذلك الوجه الجميل التي امامه حتى اقترب منها ليأخذ قبله طويلة من شفتيها تفاجئت تينا من تقبيل ايان لها ولكنه لم تتفاجأ طويلاً حتى بادلته القبله استمرا قليلاً وبعدها ابتعد عنها ليرمي بها على السرير ليقترب منها ويقبل رقبتها و شفتاها اراد أن يفتح زرار قميصه ولكنها اوقفته
تينا:اوكف
ابتعد عنها ونظر إليها مستغرباً
تينا:الي جاي نسويه غلط محق اماندا
نظر إلى عينيها قليلاً وثم نهض من السرير وخرج من الغرفة من غير أن ينطق بكلمة ولا تزال علامة الصدمة على وجه تينا ولا تصدق ما حصل للتو...
هل ما فعله كان بدافع الحب والاعجاب او كان بدافع السيطرة عليها لكي يجعلها تحبه وتفعل كل ما يريد....
اليكساندرا "
عندما قرأت تلك الرسالة ارت ان امزقها ولكن فاجئني دخول جينيفر
جينيفر:اليكساندرا انتي بخير
اليكساندرا:اني بخير طول ما اني بعديه عن هذا الشيطان
جينيفر:ادري وعندج كل الحق حتى تكرهينه بس اليكس فعلاً يحبج
اليكساندرا:واني ما اريد حبه اريد بس يعوفني
جينيفر:اني بحياتي ما شفته بهيج حالة ولا جاي اصدك انو هذا هو اليكس اللي مستعد يسوي المستحيل على مودج قبل جنت اشوفه ما يهمة اي شي من المرأة بس جسدها بس وياج جاي اشوفه شخص مختلف متغير تماماً لدرجة اني صرت اخاف عليه من هذا التغيير حتى وياه كلودي مجان هيج صح جان يحبها بس مو بهذاك الحب القوة اللي مستعد يسوي ال....
وفجأة توقفت عن الحديث
اليكساندرا:ليش وكفتي
جينيفر:مستعد يسوي اي شي حتى ما يصير عليج شي
اليكساندرا:بس اني ما اريده يسوي المستحيل على وحدة مستحيل تحبه
جينيفر:ماكو شي مستحيل هنا على المعوم اني هم ما اريدج تحبينه ولا اريدج تبقين هنا بصراحة لان خايفه من المشاكل اللي راح تجي بسبب هذا الحب واني اجيت اكلج راح اساعدج حتى تطلعين منا
اليكساندرا:صدك راح تساعديني
جينيفر:اي اني مجاي اسوي هيج على مودج اني جاي اسوي هذا الشي على مود اخويه ما اريد تصير مشاكل وجودج هنا خطر
وفجأة انطرق الباب ودخل اليكس
اليكس:اجيت حتى اكلج جهزي نفسج باجر راح تشوفين صديقتج
ابتسمت
اليكساندرا:صدك
اليكس:اي ايان رد خبر
اليكساندرا في نفسها:الحمدالله راح اشوفها باجر حتى تجهز نفسها لان راح اخذها وياي من هذا المكان
اليكس:بشنو تفكرين
اليكساندرا:ولا شي بس من الفرحة مجاي اصدك......
اوسكار" و دانيال"
دانيال:حجيت وياه جينيفر
اوسكار:اي وهاي الغبية كالت راح تفكر
دانيال:لازم تساعدنه لان ماكو احد يكدر يطلع اليكساندرا من هناك غير واحد منهم
اوسكار:صح بلكت توافق بس اكو شي محيرني
دانيال:شنو
اوسكار:كارلا ليش جاي تساعد هاي البشرية
دانيال:لان هاي البشرية اخر شبيها الها
رفع اوسكار حاجبه مستغربا
اوسكار:صدك
دانيال:اي
اوسكار:يعني هاي البشرية شبيهة...
لم يكمل اوسكار كلمته وفهم دانيال ماذا كان يريد أن يقول
دانيال:اي هاي البشرية شبيهه اختنه الصغيرة كلودي
اوسكار:هسة يله عرفت شنو السبب اللي مبقيها عايشة لحد هسة يم اليكس لان تذكرة بحبيبته القديمة
غضب دانيال من كلام اوسكار
دانيال:لا طبعاً مو هذا السبب اكيد عنده شي يريده منها
اوسكار:مثل شنو؟
دانيال:واني من وين اعرف بشنو يفكرون هذول الشياطين بس اكيد عنده شي
اوسكار:انت تحجي هيج لان تكرهه لان بسببه ماتت كلودي بس مو هاي الحقيقة كلودي هي اللي إختارت الموت بدل من هاي العيشه
دانيال:لا تحاول تقنعني بغير هذا الكلام هو السبب بموتها حتى ما حاول يدافع عنها
اوسكار:لا هي اللي منعته يتدخل
دانيال:شنو؟
اوسكار:اي انت ما تعرف الحقيقة
دانيال:حقيقة شنو
اوسكار :بهذا اليوم المشؤوم جنت كاعد بالغرفة مالتي ودخلت عليه كلودي
العودة الى الماضي
كلودي:ممكن نحجي اخي
ادرت وجهي بعيداً عنها اقتربت وجلست بجانبي واصبحت تبكي وتتحدث معي
كلودي:ادري بيكم انتو كلكم كرهتوني وصرت بنظركم واحدة كافره لان حبيت شيطان بس يا اخي هو هذا الحب ما يعرف ملاك وشيطان من كلبك يدك لاحد ما تكدر تمنعه يدك اني كلبي دك اله وحاولت شكد امنع هذا الحب وابتعد عنه بس ما كدرت ادري اني سويت خطيئة جبيرة بهذا الحب والله راح يحاسبني عليها بس ما كدرت امنع كلبي من انو يحبه احبه لدرجة راح اضحي بنفسي على موده
التفت إليها
اوسكار:شنو
كلودي:اي اوسكار اني راح اخلصكم من هاي اللعنة اللي سببتها لكم
اوسكار:ما افتهمت راح شتسوين
صمتت قليلاً وثم قالت
كلودي:راح اصعد للسماء
اوسكار بصدمة:شنو
كلودي:اي قررت اخلصكم من هاي المشكلة
اوسكار:كلودي انتي شنو جاي تحجين انتي جاي ترتكبين خطئًا اكبر
كلودي:ما اكدر ابقه بعد وبعدين هذا احسن حل حتى توكف المشكلة بينكم
اوسكار:قابل راح توكف المشاكل بموتج
كلودي:اي واجيت حتى اطلب منك اخر شي
امسكت بيدها ونظرت الى عينيها
اوسكار:كلودي باعي عليه
كانت تبكي ولا تستطيع النظر إلى عيني اوسكار:اختي باعي عليه خل احجي وياج
نظرت لي والدموع تملأ عينيها
اوسكار:ليش تريد تسوي هيج عبالج مراح يتحسن الوضع اكيد راح يتحسن بس اصبري شوي
كلودي:يتحسن شنو هو الشي اللي راح يتحسن هاي خطيئة ومستحيل تتصلح لازم واحد منه يروح حتى تنتهي هاي المشكلة
تجمعت الدموع في عيناي
اوسكار:بس ليش انتي؟
كلودي:لان هذا الشي احسن للكل لازم اروح اني حتى تخلص
اوسكار:ترحين وتعوفينا
كلودي: مراح اعوفكم راح ابقه وياكم على طول حتى لو ما تشوفوني بس اني راح اشوفكم
احتضنتها بقوة
اوسكار:لا ترحين اترجاج خليج
كلودي:لازم اروح بس اريد اخر طلب منك
اوسكار:شنو
كلودي:اريدك تمنع اليكس من انو يتدخل بموتي
اوسكار:هذا الحقير اصلا كلش صار بسببه
كلودي:لا هو ما اله علاقة لا تحجي هيج اسمع اوسكار هسة اني دزيته رسالة ودعته بيها واكيد هسة هو جاي بالطريق اريد منك تروح توكف بوجهه ولا تخلي يتقرب مني لو شو مصار
اوسكار:فكري بالموضوع الله يخليج
كلودي:فكرت وما لكيت غير هذا حل
مسحت دموعها وقالت
كلودي:سلملي على اخي دانيال وكله لا يزعل مني اني احبه هواي وكله يسامحني على اللي صار وسلملي على استفانيا ولا تزعل عليه وخليها تصير احسن مني وتسوي الاشياء اللي ما كدرت اني اسويها دير بالك عليه ولا تبقه تتعارك وياهه على طول..
لم اتحمل كلامها اخذتها بين ذراعي واحتضنتها
اوسكار:لا تروحين اترجاج
كلودي:احبك اخي
ابتعدت عني وذهبت بسرعة ناديت عليها ولكنها لم تستمع لي بقيت ابكي كثيراً وفجأة تذكرت كلامك كلودي نهضت بسرعة وذهبت الى حدودنا لكي امنع اليكس من الدخول وفجأة هبط اليكس امامي اراد الدخول ولكنني منعته
اليكس:خليني ادخل
اوسكار:كلتلك ممنوع متكدر تدخل
اليكس:اريد اشوف كلودي وخر اوسكار
اوسكار:كلتلك ممنوع متفتهم انت
اليكس:توخر مني لا ضربك
اوسكار:ممنوع
اليكس:اوسكار وخــــــــــــر
ارد ان يضربي ولكنني قمت بدفعه ليسقط على الصخر وفجأة سمعت صوت عالي واهتزت الارض بقوة
رفعت راسي الى السماء ورأيت روح كلودي قد صعدت الى السماء صرخ اليكس بالاعلى صوته
اليكس:كلــــــــــــــــــــــــودي
وقعت على الارض واصبحت ابكي
اوسكار:كلودي
وبعد لحظات وصلت جينيفر واصبحت تنظر إلينا
جينيفر:بابا كتل كلودي
نظرت الى اليكس قد اشتعلت النيران في عينيه واصبحت عينيه حمراء اللون كان الغضب يسيطر عليه حلق في السماء وعاد الى عالمه وبقيت جينيفر تنظر إلي وانا كنت ابكي انظر الى السماء الى المكان الذي ذهبت إليه اختي
جينيفر:ما اعرف شنو اكول
حلق في السماء وذهبت....
العودة الى الحاضر
اوسكار:شفت اليكس معليه باللي صار هي اختي اختارت الموت وراحت على روبن حتى ينهي الموضوع
دانيال:وهذا الحقير ما صدك تجي حتى يخلص منها بس اليكس هم السبب بموتها لان ما كدر يحميها من ابوه وراح ابقه اكرهه طول عمري
اوسكار:اخي احنا ميصير نكره احد ميصير
دانيال:صح بس اللي مثل هذول الوحد لازم يكرهم ويبقه يحقد عليهم طول عمره
نهض دانيال من مكانه
اوسكار:وين رايح
دانيال:راح اروح اشوف كارلا شنو سوت ملازم تبقه هاي المسكينة هناك يم هذول الوحوش
اوسكار:تمام
مادلين "
كنت سعيدة جداً عندما علمت بان اليكس قد وقع بحب تلك البشرية هذه هي فرصتي للتخلص منه ذهبت الى ابي لكي اخبره بالامر
مادلين:بابا ممكن نحجي
روبن:تعالي
اقتربت منه
مادلين:عندي لك خبر مهم
روبن:شكو
مادلين:اليكس اليوم رجع ارتكب نفس الخطيئة
روبن:ما افتهمت شنو يعني
مادلين:يعني بابا صار الشي اللي خايفين منه اليكس وكع بحب هاي البشرية
روبن بصدمة:شنو
مادلين:اي بابا سمعته يحجي هو جينيفر
روبن:هذا الغبي ليش يسوي هيج بس اريد اعرف يريد يدمرني
مادلين:اكيد بابا حتى ينتقم منك لان كتلت كلودي
روبن:وهم مراح اخليه يرتاح وياه هاي البشرية لازم اخلص منها
اراد الذهاب ولكنني امسكت به
مادلين:انتظر بابا لا تتسرع لازم نهدى ونفكر بالموضوع زين لان اي تصرف خاطئ راح تصير مشكلة
روبن:شنو يعني تريدين ابقه ساكت لحد ما يدمرني هذا الغبي اذا عرف الملك الجبير راح ياخذ العرش مني
مادلين:لهذا السبب اكلك اهدئ ولا تتسرع خل نفكر....
ايان "
لم اتحدث مع تينا منذو ذالك اليوم كنت اتجنب رؤيتها وكانت اماندا تشك في شيء بيني وبين تينا قمت بتشويش افكاري لكي لا تعلم اماندا عن الذي حصل
اماندا:حبيبي شبيك
ايان:ماكو شي
اماندا:لعد ليش احس اكو شي ضامه عليه
ايان:مثل شنو
اماندا:ما ادري بس تصرفاتك غريبة احسك متغير
ايان:ليش
اماندا:انت بعد ما تحبني
ايان:معقول ما احبج
اماندا:لعد ليش ناسيني
ايان:اني انساج شلون انتي حياتي
اماندا:لعد ليش احسك ضايج
ايان:ضايج مو منج حياتي بس افكر شلون ناخذ هذيج البشرية
اماندا:اي صح لازم ناخذها
ايان:باجر من تروح تينا تشوفها راح تحاول تقنعها تجي هنا
اماندا:دير بالك تره موعد اقتراب القمر قريب
ايان:اي لازم اخذها قبل ما يجي هذا اليوم
اماندا:هسة عوفك من هذا الموضوع وكول انت ما اشتاقيتلي
ايان:شلون ما اشتاقيتلج انتي حياتي اكو واحد ما يشتاق لحياته
اماندا:اموت عليك من تحجي هيج كلام
ايان:عندي بعد كلام اقوه منه
اماندا:خليني اسمع لعد
قمت برميها على الاريكه فتحت زرار قميصي واقتربت منها وقبلت شفتاها نزولاً إلى رقبتها.....
تينا "
اصبحت الساعة الخامسة مساء ولم اسمع صوت احد منها ولا يمكنني النزول لانني لا استطيع النظر بعين ايان بعد الذي حصل اشعر بالخجل من الذي فعلنا كما انا غبية لماذا استسلمت له هكذا وفجاة سمعت صوت تكسري في الاسفل
تينا:شنو صاير خل اروح اشوف
فتحت الباب وخرجت قبل نزولي من السلم رأيت من بعيد منظر فضيع بين ايان و اماندا عدت الى غرفتي بسرعة واقفلت الباب وقفت خلفه ابكي
تينا:ليش تبجين ياغبية طبعاً يصير هذا الشي بينهم هي غير حبيبه شنو انتي صدكتي هو يحبج انتي مجرد ضيفه هنا وكم يوم وترحين واللي صار بينكم جانت غلطة لازم تنسين الموضوع
رميت نفسي على السرير وخلدت الى النوم
دانيال"
عندما وصلت الى منزل كارلا سمعت صوتها تتشاجر معه الطائرة
كارلا:لك انت غبي
الطير:لا تصرخين عليه شعليه اني
كارلا:مو انت وكعتها
الطير:بالغلط وكعت مني
طرقت الباب لكي اوقف ذلك الشجار افتحت كارلا الباب
كارلا:دانيال
دانيال:شكو صوتكم عالي
كارلا:كله بسبب هذا الغبي
الطير:لا تغلطين عليه كدام الامير
كارلا:ليش بله تضوج حضرتك
الطير:اني روح احسن
ترك الغرفة وخرج من الشباك
دانيال:هههههههههههه يا مسكين الله يعينه عليج
كارلا:خلي يولي شعجب اجيت
دانيال:شنو ما ترديني اجي
كارلا:لا بالعكس اصلا ارتاح من اشوفك
وضعت بيدي على وجنتيها
دانيال:شبيهتج هم حلوة هيج مثلج
نظرت لي بغضب
كارلا:ليش تسأل عليه
دانيال:شبيج بس سؤال انتي مو تكولين تشبهني
كارلا:اي لدرجة من احجي وياهه عبالك جاي احجي وياه نفسي
دانيال:واني من احجي وياج عبالك جاي احجي وياه كلودي
كارلا:كلودي شنو جابها على بالك
ذهبت لكي اجلس على الاريكة لتأتي كارلا وتجلس بجانبي
كارلا:شبيك حبيبي
دانيال:اليوم حجينا اني و اوسكار عليها كارلا:لا تحجون بهذا الموضوع وانتو تدرون هذا الشي يعذبكم
دانيال:هاي اختي ما اكدر انساهه راح وهي جانت مفكرة اني ضايج منها بسبب اللي صار بس اني جنت مسامحها
امسكت بيدي
كارلا:وهي جانت تعرف بهذا الشي تدري بيك انت تحبها ومستحيل تزعل منها
دانيال:مشتاق اشوفها
كارلا:كلودي جانت تشبهني تكدر تشوفها بعيوني
دانيال:لا ما اكدر لان انتي حبيبتي وما اكدر اشوف اختي بعيونج
كارلا:لا تسوي هيج بنفسك جاي تعذبني
اقتربت وحاوطتني بين ذراعيها
دانيال:خليج يمي كارلا
كارلا:اني يمك حياتي مراح اعوفك....
وفي اليوم التالي كانت اليكساندرا في غرفتها تقوم بتجهيز نفسها للذهاب مع اليكس لرؤية تينا ارتدت ملابسها وجلست على السرير تنتظر وصول اليكس الذي كان يجلس خلفها على الكرسي وهي لم تكن منتبها إليه
اليكس:خلصتي
التفت بفزع لترى يجلس خلفها
اليكساندرا:انت شوكت اجيت
اليكس:قبل شوي
اليكساندرا:شلون دخلت بدون ما انتبه عليك
اليكس:دخلت من الكنتور
رفعت حاجبها
اليكساندرا:شنو
اليكس:لا تستغربين اذا طلعتج من جوة الجربايه
اليكساندرا:شنو
اليكس:هنا ماكو شي مستحيل كلشي ممكن
اليكساندرا:اها
اليكس:خلصتي يله امشي نروح
اليكساندرا:راح نطلع هسة
اليكس:اي لازم نطلع هسة
خرجنا من الغرفة ورأينا جينيفر
جينيفر:ها راح ترحون
اليكس:اي
جينيفر:تريد اجي وياك
اليكس:لا ماكو داعي خليج انتي هنا
جينيفر:اخاف يصير شي
اليكس:لا تخافين
نظرت إلي
جينيفر:شلون راح تروحون
اليكس:مشي
جينيفر:بس هيج خطر عليها تمشي بين الشياطين
اليكس:اني موجود مراح يصير عليها شي
اشعرت بالخوف من كلامهم امسك اليكس
اليكس: بيدي لا تخافين اني يمج سحبت يدي منه
جينيفر:يله روحوا
اليكس:امشي...
ذهبوا الى المكان الذي كانوا ايان وتينا ينتظرون وصلهم وهم يجلسون على الصخور كانت تينا تتجنب الحديث معه
ايان:مو شكلهم تأخروا
تينا:ما ادري
ايان:يعني الطريق من عالم الشياطين لهنا ساعتين مشي يعني راح يتأخرون
تينا:اذا يتأخرون ليش طلبت نجي من وكت
ايان:حتى احجي وياج
تينا:تحجي وياي بخصوص شنو
ايان:بخصوص اللي صار اني...
قبل أن يكمل قاطعته
تينا:لا تكول شي اساساً الموضوع نسيته اني
ايان:ليش تحجين وياي هيج
تينا:شلون يعني
ايان:بعصبية جاي تحجين
تينا:طبعاً احجي بعصبية لان اللي صار غلط ومجان لازم يصير
ايان:بس اني ادري انتي ليش ضايجه لان شفتيني البارحة وياه اماندا
نظرت إليه
تينا:ليش حتى اضوج اساساً هذا الشي عادي غير حبيبتك هي
ايان:يعني انتي ما ضايجه من هذا الموضوع ؟
تينا:لا ماضايجه وما يهمني
استغل ايان قربها منه ليقبلها من شفتيها ولكنها دفعته لتصفعه كف على وجهه
تينا:دير بالك تعيدها بعد هذيج المرة وسكتت بعد مراح اسكت افتهمت ايان:شبيج انتي ليش تتصرفين هيج وياي اني ادري بيج انتي معجبه بيه
تينا:لا مو معجبه بيك ولا اريدك تتقرب مني افتهمت
ايان:شبيج تينا
تينا:وخر مني
كانوا يتشاجران صوت عالي حتى وصلوا اليكساندرا واليكس وسمعوا اصواتهم
اليكساندرا:تينا
التفتت اليها ابتسمت وركضت عليها و احتضنتها
تينا:اليكساندرا
ابتعدت عنها
اليكساندرا:شلونج شخبارج
تينا:بخير وانتي
اليكساندرا:تمام
تينا:شبيج شكو
همست لها
اليكساندرا:اني جاي اتعذب هناك ما اكدر اتحمل بعد
تينا:شكو جاي يسويلج شي هذا
اليكساندرا:بعدين نحجي بهذا الموضوع هسة اجيت اكلج جهزي نفسج راح نطلع منا بعد يومين بالاحتفال الهالويين مالتهم
تينا:بس اني ايان راح يطلعني
اليكساندرا:شوكت
تينا: ما ادري ما كال شوكت
اليكساندرا:لازم تجهزين نفسج تطلعين وياي بعد يومين لازم نطلع من هذا المكان اني بعد مستحيل ابقه هنا يم هذا الشيطان اللي اخذ مني شرفي
تينا:شو
