روز:الطفل خطر عليج
اماندا:شنو
روز:لان هو بشريه وانتي جسمج مو جسم عادي حتى يتقبل الحمل
اماندا:يعني
روز:يعني لازم تحول مصاص الدماء لان متكدرين لا تنزلين الطفل ولا تعوفينه
اماندا:وشلون
روز:عن طريق ايان لازم تاخذين قوته
اماندا:اها افتهمت...
العودة الى الحاضر
كنت احاول أن استغل ايان لكي انقذ نفسي ولكن حدث ما لم أتوقعه فجأة دفعني ايان بقوة لكي ابتعد عنه
ايان:وخري مني
اماندا:هاي شبيك ايان
ايان:كلتلج ما اريدج انتي ما تفتهمين
اماندا:بس اني احبك
ايان:واني بعد ما احبج ولا اريدج تبقين هنا
اماندا:يعني
ايان:،يعني تاخذين غراضج وتطلعين برا منا
اماندا:تطردني
ايان:اي بعد ما اريدج هنا روح اطلعي من حياتي
اماندا:طيب اني رايحه بس مو بهاي السهولة راح تكدر تخلص مني ايان
ايان:ما يهمني اي شي بس روحي
نهضت من الارض ارتديت فستاني وخرجت من المنزل....
اما من جانب جينيفر لاتزال تبحث عن اليكساندرا التي اختفت هكذا فجأة و اختفائها يثير فضول الجميع.....
جاءت مادلين تركض باتجاه جينيفر
مادلين:اها شنو الاخبار لكيتيها
جينيفر:لا
مادلين:شلون يعني لا وين راحت
جينيفر:ما ادري وين الكل جاي يدور عليها بس بدون فائدة
مادلين:،اجه واحد من حرس الحاكم حتى ياخذها وبابا مايعرف شنو يكله نهزمت من بينه راح تصير مصيبه
جينيفر:خلي احسن
مادلين:شنو
جينيفر:طبعاً احسن لان انتو ما فكرتوا اذا كعد اليكس وعرف بالي تردون فعله راح يقضي عليكم
مادلين:انتي شنو جاي تخوفين باليكس بعد مستحيل اليكس يكعد
جينيفر:وانتي شبيج تحجين وكأنج واثقة كلامج
مادلين:طبعاً لان ماكو امل
جينيفر:وطبعاً انتي فرحانه بهذا الوضع
مادلين:وليش حتى ما افرح على الاقل راح يصير كل شي لي بعد ما يموت اليكس
جينيفر:انت مخبله تفكرين بموت اخوج كله على مو مصلحتج
مادلين:اني مصلحتي عندي اهم شي لا اخويه ولا غيره يكدر يخرب مصلحتي عليه
جينيفر:انتي كلشي تردينه هو القوة مالتج
مادلين:طبعاً لان كلشي من حقي اني
جينيفر:بس متوصل انج تكتلين اخوج
مادلين:هذا اخويه بس بالاسم
جينيفر:لهل درجه تكرهينه
مادلين:اكرهه لان كلشي مو زين بحياتي بسببه اخذ مني كلشي اي شي اريده يجي ياخذه مني على الجاهز واني ابقه اتفرج عليه لازم الكل يعرف اني موجودة واكدر اسوي اشياء احسن من اليكس بهواي
جينيفر:انتي صايره تخوفين
مادلين:لان اريد حقي
جينيفر:تردين حقج اخذي بس مو بهاي الطريقة
مادلين:اني رايحه احجي وياه بابا
اصبحت جينيفر تخاف على اليكس من الكره الذي بداخل مادلين له انها تكره بشدة وتغار منه والغيرة هذه اخطر شيء في الانسان عندما تشعل الغير بين شخصين يصبح كل شي مباح ... ذهبت جينيفر الى غرفة اليكس فتحت الباب ودخلت كان نائماً على السرير ولا تزال حالته كما هي اقتربت منه وجلست بجانبه وامسكت بيده
جينيفر:اكعد اليكس اكعد حبيبي
اصبحت تنظر حولها
جينيفر:محتاجتك يمي لا تروح وتفرحهم بالي يردونه اليكس كلها تريد تتخلص منك لا تخليهم ينجحون بخططهم اكعد اليكس لا تعوفني وتروح اني محتاجتك يمي انت الوحيد اللي احس بيه يحميني هنا محد يكدر يحميني غيرك اكعد اليكس ..
مادلين "
ذهبت لكي اتحدث مع ابي
روبن:اها شنو الاخبار
مادلين:ماكو محد لكاها
نهض من مكانه وتحدث معي بغضب
روبن:شنو يعني ما لكيتوها انتو جاي تلعبون عليه
مادلين:اختفت دورت عليها شكد بس ماكو
روبن:ميفيدني ماكو اني مجاي اللعب وياكم عندكم فرصة 24 ساعة اذا ما لكيتوها راح يصير شي ما يعجبكم
مادلين:حاضر
روبن:يله روحي
خرجت من الغرفة واصبحت افكر اين ممكن أن تكون ذهبت تلك الغبية ياالهي ماذا افعل الان...
تينا"
تينا:شنو انت جاي شنو تحجي شلون يعني اختفت
دانيال:ماكو الكل جاي يدور عليها بس بدون فائدة محد يدري وين راحت
تينا:كتلوها اكيد كتلوها
دانيال:اهدي لا طبعاً
تينا:اذا لا لعد وين راحت شنو سويتوا بيها ياربي دخيلك
جلست على الاريكة وصرت ابكي وثم جلست استفانيا بجانبي وضعت يدها على كتفي
استفانيا:اهدي حبيبتي اكيد ما بيها شي لا تخافين عليها
تينا:شلون ما اخاف عليها وهي بهاي الجزيرة الزفت والله وحده يعلم شلون حالتها هسة لو شنو سوو بيها
استفانيا:اكيد ما بيها شي لا تخافين
نهضت واقتربت من دانيال
تينا:الله يخليك سوي شي لازم تلكاها وتجيبها بخير
دانيال:اكيد راح اجيبها بس اهدي
تينا:اني مراح اطلع منا من غير اليكساندرا
دانيال:شنو
تينا:اي مراح اطلع منا قبل ما اشوف اليكساندرا وتجي وياي
دانيال:بس يمكن نتأخر وانتي لازم تطلعين
تينا :مراح اطلع من هذا المكان الوحدي لازم تلكون اليكساندا...
حاول الجميع اقناعي في الذهاب من هنا ولكنني كنت ارفض وبشدة الخروج من هذا المكان من غير اليكساندا التي لم يعرف مكانها لحد الان ...
اخبر روبن حارس الحاكم بفقد اليكساندا عن القصر وغضب الحاكم كثيراً عندما علم بهروب اليكساندا طلب الحاكم من رجالة البحث عنها وليس الحاكم الوحدي الذي خاب أمله من اخذ اليكساندرا ايضاً روت عاد خاب الأمال لانه لم يتمكن من اخذ اليكساندا الذي قد اختفت فجأة ولا احد يعلم اين مكانها او من الشخص الذي اخذها...
كانت مادلين تتحدث مع والدها وفجأة سمعت صوت قد صدمها كثيراً
جينيفر:بــــابــــــا مادليـــــــــن تعالــــــــــوا
اليكـــــــــس كعـــــــــد وينكـــــــــم
مادلين:شو
روبن:سمعتي اليكس كعد
ذهب روبن بسرعة لرؤية اليكس اما مادلين لاتزال مصدومة من الخبر
مادلين:اليكس كعد مستحيل لا لااااا
اصبحت مادلين تكسر كل شي حولها كانت غاضبه جداً دخلت روز على صوت التكسير
روز:شكو شبيج
مادلين:لج سمعتي اليكس كعد
روز:اي سمعت بس اهدي شوي ميصير الجاي تسوينه
مادلين:لج شلون اهدى وخرب كل شي خططت له
روز:العصبية مراح تفيدج بشي انتي لازم تهدين وتفكرين
مادلين:بشنو افكر اذا كل شي خرب
روز:لا ما خرب بس فكري بالاول لان طول ما انتي عصبية مراح تستفادين شي
جلست على الاريكة واصبحت تتنفس بعمق
روز:اي هيج احسن لازم تهدين حتى تفكرين زين
مادلين:كلشي جنت مخططة اسوي خرب هسة
روز:لا ما خرب شي
مادلين:شنو يعني
روز:افهمج....
اما من جانب اليكس عندما تستيقظ طلب رؤية اليكساندا توتر الجميع ولا يعلمون ماذا يقولون له اصبحوا ينظرون إلى بعضهم البعض
اليكس:شبيكم ليش تباوعن عليه هيج سئلتكم وين اليكساندا
جينيفر:بصراحة اليكس...
اليكس:شكو وين اليكساندا
اراد النهوض وامسكت به جينيفر
جينيفر:اخي اهدى شوي لا تتحرك انت تعبان هسة
اليكس:جاي اكلج اليكساندا وين؟
جينيفر:هو ...هو
اليكس بعصبية:احجـــــــــي
ارتبك الجميع من عصبية اليكس
اليكس:ليش محد يحجي جاي اكلكم اليكساندا وين ؟
روبن:اختفت
اليكس:شنو؟
روبن:اي اختفت محد يعرف وين مكانها نهض اليكس من السرير وتهجم على والده ودفعة الى الحائط وكان يحاول قتله
جينيفر:اليكس
اليكس:احجي وين وديتها
روبن:اليكس انت تخبلت شلون تتصرف وياي هيج
اليكس:جاي اكلك اليكساندا وين لا اشوفك شلون يصير الخبال
-مولاي اهدى شوي
اليكس:وخر انت لحد يتدخل
نظر إليه بغضب
اليكس:اخر مرة اسئلك اليكساندا وين
جينيفر:محد يعرف شي عنها صدكني
اليكس:شنو يعني ما تعرفون ليش هي مو جانت عدكم
جينيفر:اي بس اختفت ومحد يدري وين صدكني محد يدري وين مكانها
اليكس:اذا سويت لها شي اكتلك بابا سمعت اكتلـــــــــك
امسكت جينيفر باليكس وطلبت منه أن يهدى قليلاً
جينيفر:اليكس بعدك مرض اهدى شوي
اليكس:سمعتني اذا مسوي بيها شي راح اكتلك صدكني مراح ارحمك
جينيفر:امشي خل نطلع برا
امسكت جينيفر به وخرجوا الى الخارج وثم دخلت مادلين
مادلين:شكو بابا شبيه اليكس
روبن:اول ما كعد هجم عليه السافل
مادلين:كله على مودها شفت بابا صدكت هسة بكلامي هذا يحبها هو بالبداية وهيج سوه لعد بعدين شنو ممكن يسوي
روبن: راح ادمرها اله بسيطة هسة يشوف شنو راح اسوي بحبيبة كلبه
مادلين:شلون يتجرأ عقاب ويرفع صوته عليك هذا كله بسببها
روبن:بسيطة اليكس اني اعلمك
خرج اليكس مع جينيفر وذهبوا الى منزل كارلا لكي يتحدثون معها وعندما وصلوا وجدوا دانيال واوسكار هناك
كارلا:هاي شنو كله على مود اليكساندا هاي اول مرة الخير والشر يجتمعون على مود شي
اليكس:اني اجيب حتى اعرف وين مكان اليكساندا
دانيال:واحنا هم
كارلا:واني بشنو اساعدكم
اوسكار:انتي ساحرة وتكدرين تعرفين وين مكانها
كارلا:شنو
دانيال:اي لازم نعرف وين راحت اليكساندا لوهي بخير لو لا
اوسكار:من ناحية بخير فهي اكيد بخير
اليكس:شلون عرفت بله
اوسكار:لان لو صاير عليها شي جان بين بكارلا
جينيفر:صح كارلا مابيها شي هسة معناتها اليكساندا بخير
دانيال:بس يجوز هي هسة بخطر وبأي وقت ممكن يصير عليها شي
اوسكار:لازم تسوين سحر حتى تشوفين مكانها او منو اخذها
دانيال:لا ماكو داعي للسحر
اوسكار:ليش
دانيال:انت نسيت السحر الكبير الخطر على كارلا
أوسكار:صح بس
كارلا:لا لازم نسوي حتى نعرف وين راحت اليكساندا
دانيال:كلتلج لا خلص
كارلا:بس احنا ميصير نبقه هنا البنيه يجوز صاير عليها شي لازم نحاول ننقذها
دانيال:اسمعيني كارلا
كارلا:انت سمعني يجوز صاير عليها شي واذا ماتت اني راح اموت بس اذا نقذتها اني راح اعيش
امسكت بيده
كارلا:ادري انت خايف عليه بس لا تخاف حبيبي اني مراح اعوفك بسرعة و اروح خليني انقذها وانقذ نفسي
وفجأة انطرق الباب وذهبت جينيفر لكي تفتح الباب وعندما فتحت الباب تفاجئة برؤية استفانيا ومعها فتاة
جينيفر:استفانيا ؟
استفانيا:انتي شتسوين هنا
جينيفر:هو اني لازم اسئلج هذا السؤال وبعدين منو هاي شكلها بشريه بس لا
استفانيا:اي هي تينا صديقة اليكساندا
تينا:وين اخذتوا اليكساندا
جينيفر:اهدي شوي شبيج عصبية
تينا:كله بسببكم اذا صار عليها شي
جينيفر:لا تتهدين على الفاضي لان مراح تسوين شي وبعدين احنا هم جاي ندور عليها
كارلا:شكو منو اجه
دخلت تينا الى المنزل وتفاجئة برؤية كارلا لانها تشبه اليكساندا كثيراً
دانيال:انتو شتسوون هنا شلون اجيتوا
استفانيا:اصرت تينا تجي حتى تعرف اخبار اليكساندا
اوسكار:انتي تخبلتي شلون تخليها تطلع
تينا:لا هي معليها اني اصريت حتى تاخذني
دانيال:انتي شلون تجين انتي مو تدرين المكان هنا خطر
تينا:ما كدرت ابقه انتظر بمكاني لازم اطمئن على صديقتي
كارلا:هسة مو مهم الحجي لازم نعرف وين مكان اليكساندا
دانيال:اي
كارلا:هسة اريد منكم غراض تجيبوهن لي
اوسكار:شنو تردين
كارلا:اول شي اريد مكان مفتوح حتى اكدر اشتغل على راحتي
استفانيا:الحديقة الجبيرة احسن شي
اوسكار:اي هذا مكان جبير
كارلا:تمام لعد امشوا هنا
ذهب الجميع الى الحديقة الكبيرة و رسمة كارلا دائرة كبيرة جداً
كارلا:هسة اريد منكم تجيبون عشبة
اوسكار:اني راح اجيبها
ذهب اوسكار لكي يبحث عن العشبه وذهبت معه جينيفر ايضاً
كارلا:واريد طين حر
استفانيا:اني راح اشوف تعالي تينا وياي
تينا:يله
ذهبت تينا مع استفانيا
كارلا:هسة اليكس اريد منك تجيب شي من غراض اليكساندا
اليكس:شنو
كارلا:شبيك صافن انت
اليكس:ماكو شي شنو تردين
كارلا:تجيب غراض من اليكساندا لازم عندك شي يخصها
اليكس:راح اروح اشوف واجي
كارلا:تمام بس بسرعة ارجع
ذهب اليكس الى القصر لكي يجلب شيئاً يخص اليكساندا ....
اما تينا كانت تساعد استفانيا في اخذ الطين وفجأة سمعت صوت ايان
ايان:تينا
رفعت راسها ورأيته امامها وكان متفاجئاً برؤية تينا هنا نهضت ورادت الذهاب ولكنه امسك بيها لكي يتحدث معها
تينا:انت شتسوي هد يدي
ايان:انتي شتسوين هنا
تينا:وانت شعليك عوفني
ايان:اني مو اخذتج عند دانيال ليش رجعتي
تينا:كلتلك عوفني
استفانيا:ايان
التفت إليها
ايان:شنو جاي يصير هنا
استفانيا:انت شتسوي هنا
ايان:انتو الي شتسوون هنا
استفانيا:كارلا جاي تسوي سحر حتى تعرف وين مكان اليكساندا
ايان:بعدكم ما لكيتوها
استفانيا:لا والله لحد هسة ندور
سحبت تينا يدها منه وطلبت من استفانيا العودة
تينا:يله نرجع اني اخذت هواي
استفانيا:بس هذا ما يكفي لازم ناخذ بعد اسمعي انتي ابقي هنا واني راح دور بعد
تينا:اني جايه وياج
اردات الذهاب ولكن امسك بها ايان ونظر الى استفانيا
ايان:روحي دوري وهي راح تنتظرج هنا فهمت استفانيا ماذا كان يريد منها ايان وابتسمت له وذهبت لكي تتركهم يتحدثون....
اما من جانب اوسكار كان يبحث عن العشبه ولم يجد شيئاً بسبب جينيفر التي كانت تتشاجر معه
اوسكار:كله بسببج البومة ما لكينه شي
جينيفر:واني شعليه اذا انت ما تعرف تدور زين
اوسكار:اني اذكر العشب جان هنا وين اختفه
جينيفر:اكيد اختفه من شكلك
اوسكار:انتي جاي تتعاركين ومجاي تدورين
جينيفر: ما تكول شلون ندور بهذا المكان
اوسكار:لان هي موجودة هنا لازم نبقه هنا ندور
جينيفر:اوف تعبت ما اكدر بعد
اوسكار:انت شكو اجيتي اذا ما بيج فايده
وفجأة تعثرت قدمها وامسكت بيده لكي لا تسقط في الحفرة وسحبته معها وسقطوا مع بعض بداخل الحفرة
اوسكار:وخري مني
عندما ابعدها نظر إلى كاحلها كانت تنزف بشدة وكانت تبكي من شدة الألم
اوسكار:لج تعورتي
جينيفر:اي كله بسببك
اوسكار:واني شعليه
جينيفر:شكد تتعارك وبسببك وكعت بالحفرة
اوسكار:اني شكو انتي خبله ما تعرفين تمشين وبعدين من كلج تجريني وياج للحفرة
جينيفر:اني لزمت بيك عبالي مراح اوكع بس وكعت
اوسكار:وهسة شلون راح نطلع منا
جينيفر:ما ادري بس اني لازم اطلع لان راح اموت من الوجع
اوسكار:لازم تتنظر احد يساعدنه وهذا المكان ضيق يعني ما نكدر نطير منا
جينيفر:يعني راح ننتظر هنا هسة
اوسكار:ماكو غير هذا الحل
جينيفر:واذا ما اجه احد
اوسكار:وكتها راح اكتلج واخلص منج حتى تسكتين شلعتي كلبي بالاسئله مالتج اسكتي
جينيفر:اوف....
تينا "
ايان:شلونج تينا
تينا:بخير
ايان:ليش تحجين وياي بهاي الطريقة
تينا:لعد شلون تريد احجي وياك
ايان:اني ادري جرحتج هواي بس اني هسة تغيرت
تينا:تغيرت او لا شعليه اني هذا لنفسك مو الي
ايان:يعني اني بعد ما اهمج
تينا:لا ولا تعنيني اي شي وكل اللي اريد هو اطلع منا حتى بعد ما اشوفك بس منتظرة اليكساندا ومن بعدها مراح تشوفني ابدا
ايان:لهل درجه صرتي ما تريدني
تينا:اي شفت شكد صرت اكرهك
اصبح ينظر إلي
تينا:شبيك تباوع عليه هيج متفاجئ لان كلتلك اكرهك مستحيل ابقه احبك بعد كل شي
ايان:لا بس حقج اني ما الومج اذا كرهتيني
تينا:تمام لعد
تركته وذهبت اشعر بالحزن من نفسي لماذا تحدث معه بهذه الطريقة انا ما زالت احبه ومازالت اريده ولكنني لا استطيع أن انسى الجرح الذي سببه لي لا استطيع مسامحته بدل من ارمي نفسي بحضنه اصبحت احدث معه ببرود وصلت الى استفانيا كانت تجلس بجانب الشجر ذهبت وجلست بجانبها
استفانيا:اها شنو صار
تحدث ببرود
تينا:مصار شي
استفانيا:شنو يعني مصار شي يعني ما تصالحتوا
تينا:ولا راح نتصالح
استفانيا:ليش
تينا:احسن
استفانيا:شنو احسن انتي تحبينه وهو يحبج لا تعذبيه وياج
تينا:ما اكدر انسى كل شي صار واسامحه هيج
استفانيا:ادري هذا الشي صعب عليج هو لعب بيج بس انتي لازم تنطيه فرصه
تينا:انطيته هواي فرص بس هو ضيعها واني بعد ما عندي شي انطيه خلص كلشي عندي اخذه مني
نهضت من الارض
تينا:يله امشي نرجع راح نتأخر عليهم
استفانيا:اي يله.....
دانيال"
دانيال:ما تحاولين تتراجعين عن قرارج
كارلا:هسة بعد ما وصلنا هنا انت تطلب مني اتراجع
دانيال:خايف عليج لان ادري اني شكد تتعبين من تسوين سحر الجبير
كارلا:وانت تدري اني ما اسوي هيج بس لما يكون اكو شي مهم وهسة احنا عدنا حالة مهمة يعني مضطرة لفعل هذا
وضعت يدها على وجنتاي
كارلا:وبعدين كلتلك لا تخاف عليه اني مستحيل اعوفك واروح راح ابقه يمك لحد ما انت تمل مني وتكلي روحي بعد ما اريدج
دانيال:مستحيل يجي يوم واكلج بيه روحي
كارلا:ماكو داعي تحجي لان ادري بيك ما تكدر تعيش بدوني تموت
رفع حاجبه
دانيال:لا والله
وضعت يداي على رقبته وابتسمت بدلع
كارلا:طبعاً تكدر تعيش بدوني ؟
دانيال:الصراحة لا
كارلا:هههههههه ادري ما تكدر تقاوم لا تحاول
دانيال:ولا اريد احاول اصلا
كارلا:احبك
اقتربت مني وقبلتني من شفتاي....
اما من جانب الكيس وصل الى القصر وذهب الى غرفته لكي يبحث عن شي يخص اليكساندا فتح الخزانه ووجد ملابسها التي كانت ترتديها عندما وصلت الى هنا اخذهن وخرج وعندما خرج صادف والده في طريقة
روبن:وين جنت انت وليش طالع مستعجل هيج
اليكس:هذا الشي يخصني اني ما يخص حضرتك
روبن:حاول تحجي وياي باحترام احسن لي ولك والا
اليكس:والا شنو انت ما تكدر تسوي شي
روبن:لا تحاول تتحداني وانت تدري اني شنو ممكن اسوي
اليكس:سوي الشي اللي يعجبك مراح يهمني
روبن:هيج صارت
اليكس:اي
تركه وذهب غضب روبن من تصرفات اليكس وكان يفكر في طريقة لكي يرد على تصرفاته تلك....
