وصل الجميع الى الحديقة ما عدا اوسكار وجينيفر
دانيال:لعد وين اوسكار
اليكس:وجينيفر ماكو
استفانيا:راحوا مع بعض
كارلا:ليش ما رجعوا لحد هسة
تينا:يمكن جاي يدورون
استفانيا:بس تأخروا هواي
اليكس:اني راح اروح ادور عليهم
دانيال:اني جاي وياك
فعلاً كلام كارلا هذه اول مره يجتمع الخير والشر في شيء ذهب اليكس للبحث عنهم بداخل الغابه ام دانيال كان يبحث عنهم في الخارج استمروا في البحث طويلاً ولم يجدوا شيء وقد حل الظلام عليهم وعادوا إلى الحديقة
كارلا:اها
اليكس:ماكو
استفانيا:وين راحوا بديت اخاف اني
دانيال:اخاف صار شي عليهم
اليكس:شي مثل شنو
دانيال:ما ادري بس اكيد صار شي والا جان وصلوا من زمان
تينا:وصارت الدنيا ليل هسة
اليكس:اي منكدر ندور عليها
استفانيا:احنا جاي ندور على اليكساندا انوب نختفي احنا
دانيال:راح شنسوي هسة
كارلا:صارت ظلمة ما نكدر ندور عليهم هسة....
كانت جينيفر تشعر بالخوف ليست بسبب الظلام انما من كلام اوسكار الذي كان يثير خوفها ولكنها تحاول أن لا تبين له خوفها
اوسكار:صارت الدنيا ليل وهسة راح تجي الذئاب تاكلنا بهذا المكان
جينيفر:بله سخافة اصلا ماكو ذئب
اوسكار:وانتي شمدريج ماكو يجوز اكو
جينيفر:هسة اكو او لا شعليه اني
اوسكار: يعني انتي ما خايفه هسة
جينيفر:طبعاً لا ليش حتى اخاف
اوسكار:بس ما ادري ليش احسن بيج خايفه
جينيفر:لا يعني ابدا ما خايفه بس انت يمكن خايف
وفجأة صرخ اوسكار صوت عالي فزعت جينيفر من صراخه و احتضنته بقوة واصبح يضحك عليها وثم ابتعدت عنه ونظرت إليه بغضب
جينيفر:شنو هاي السخافه لعندك
كان يضحك عليه بهستيريا وضربته على قدميه بقوة
اوسكار:او هاي ليش ضربتيني
جينيفر:تستاهل لان انت واحد وقح وتافه
اوسكار:ردت اشوف شكلج وانتي خايفه فضيفه ههههههههههه
جينيفر:هاهاها غبي انت واحد
قبل أن تكمل جملتها وضع يداه على شفتها لكي يمنعها من الكلام وهمس في اذنيها
اوسكار:اسكت يمكن شفت ذيب
ابعدت يده عنها
جينيفر:كلتلك كافي تصرفاتك التافهه
اوسكار:لج مجاي جذب عليج شفته والله
ارادت ان تتحدث ولكن ظهر الذئب امامها صدمها كثيراً
جينيفر:هاي شنو
اوسكار:ذيب
جينيفر:راح ياكلنا
اوسكار:والله اتمنى ياكلج حتى اخلص منج بس اسكتي شلعتي كلبي
اصبحت ترتجف من الخوف وكان الذئب ينظر إليهم وفجأه ابتعد عنهم وذهب
اوسكار:هذا وين راح
جينيفر:يمكن عافنه وراح
اوسكار:غريبه
جينيفر:ليش غريبه
وفجأة سقط حبل عليهم من الاعلى رفعوا راسهم وجودا الحبل في فم الذئب
جينيفر:هاي شنو
اوسكار:يمكن يريد يساعدني
جينيفر:او يجوز يريد يطلعنا حتى ياكلنا اوسكار:،مو مهم بس المهم نطلع منا
جينيفر:شو
اوسكار:بالنسبة لي راح اطلع انتي ابقي هنا اذا تردين
تمسك اوسكار بالحبل وصعد إلى الاعلى وايضاً تمسكت جينيفر في الحبل وصعدت معه وخروج مع بعض من تلك الحفرة واصبحوا ينظرون الى الذئب وفجأة تحول الذئب الى الانسان فتحوا عيونهم من الصدمة
مارك:مرحبا
امسكت جينيفر بيد اوسكار وكانت ترتجف واوسكار لا يزال مصدوم
مارك:اسف خوفتكم
اوسكار:منو انت وشلون دخلت على هاي الجزيرة
مارك:شرح طويل هسة اريد طلب منكم لان ساعدتكم
اوسكار:طلب شنو
نظر إلى جينيفر التي كانت خائفه وتمسك لقد أوسكار
مارك:و بالاصح منج انتي
جينيفر:مم مني ش... شتريد
مارك:اني اجيت هنا حتى اخذ اختي عدكم
جينيفر:اختك؟
مارك:اي اختي اليكساندا
اوسكار و جينيفر:شو
مارك:شكلكم تعرفونها
اوسكار:هو احنا وكعنا بالحفرة بسببها
مارك:ما افهمت
جينيفر:اختك مختفيه من البارحة والكل جاي يدور عليها
مارك:شنو
جينيفر:اي احنا نريد نرجعها على عالمكم بس هي اختفت ومحد يعرف مكانها
جلس على الأرض و وضع يداه على راسه وثم اقترب منه اوسكار وجلس بجانبه
اوسكار:لا تخاف راح نلكاها
مارك:اني اجيت هنا حتى اخذها وين راحت
جينيفر:لا تخاف عليها اكيد اختك بخير
مارك:ياربي
اوسكار:اهدى ولا تخاف عليها هسة تعال ويانه
مارك:لا راح ابقه هنا
جينيفر:وين تبقه هنا تعال ويانه
اوسكار:الكل موجودين تعال ويانه
نهضوا من الارض وذهبوا الى الحديقة الكبيرة
اوسكار:هاي شباب
دانيال:وين جنتوا انتو
اوسكار:ماكو بس جانت مشكله بسيطه وطلعنا منعا
تينا:مارك؟
مارك:تينا
ركضت عليه واحتضنته تفاجئ الجميع من هذا الموقف
دانيال:منو هذا
اوسكار :هذا مارك اخوه اليكساندا
اليكس:شو
جينيفر:اي صحيح
دانيال:شلون دخل هنا
اوسكار:ما ادري
ابتعد تينا عن مارك ونظرت إليه
تينا:انت شلون اجيت هنا شلون دخلت على هاي الجزيرة
مارك:قصة طويلة
اليكس:اي احجي خل نسمع شلون دخلت
مارك:منو هذول ....هاي شنو
نظر مارك الى كارلا
مارك:اليكساندا
كارلا:لحظة شوي اني مو اليكساندا اني شبيهته اختك
مارك:شو
تينا:اي مارك هاي كارلا شبيهة اليكساندا
مارك:زين اختي وين
اليكس:مو جاي نكول ما ندري وين راحت
مارك:منو هذا
تينا:هذا اليكس
مارك:اليكس؟
تينا:اي اليكساندا جانت عنده
نظر مارك الى اليكس بغضب
مارك:اختي وين شنو سويت بيها
اليكس:لا تباوع عليه بهاي الطريقة احسلك وبعدين اختك ما ادري بيها وين واحنا هسة جاي ندور عليها
مارك:اذا طلعت مسوي بيها شي مراح ارحمك
جينيفر:لا تهدد احسلك
مارك:اني اجيت حتى اخذ اختي
دانيال:اهدى واحنا هم جاي ندور عليها حتى نرجعها على عالمها
مارك:شلون ترجعها وهي ماكو
كارلا:انت شلون دخلت هنا احجي
جلس الجميع وسرد لهم مارك ما حدث معه وكيف اتستغل اماندا لكي يدخل الى هنا
اليكس:واو طلعت مو قليل انت
تينا:يعني اماندا هسة خالدة
مارك:اي
جينيفر:عفية عليك عجبتني تستاهل اماندا
اوسكار:بس هذا الشي غلط
مارك:اني جنت مجبور لان مجان عندي طريقة ادخل بيها للجزيرة غير هذا
كارلا:زين اكو شي ما افتهمته انت عفتها ورحت يعني شلون عرفت مكان الجزيرة يعني شلون كدرت تدخل علينا
مارك:اني من اخذت قوتها صارت ذاكرتها عندي يعني سحبت منها كل افكارها وبهيج عرفت شلون تدخل وتطلع على هاي الجزيرة
تينا:اها
مارك:وهسة اني ادري بشنو جاي تفكر
تينا:بشنو
مارك:هي جاي تستغل واحد حتى تكدر تاخذ قوته
كارلا:منو ايان
مارك:انتو تعرفوا
تينا:جاي تستغله شلون
مارك:يعني احتمال تكتله
تينا:شو؟
مارك:شبيج
تينا:تريد تكتل ايان
مارك:انتي تعرفينه
جينيفر:ايان حبيب تينا
مارك:شنو صار عندج حبيب لا ومصاص الدماء هم انتي تخبلتي
تينا:اني لازم اروح اشوف ايان
استفانيا:شبيج وين تشوفينه انتي
تينا:لازم اكله بشنو تفكر اماندا لازم يعرف
اليكس:اشتغلت الرومانسية الزايدة هنا
تينا:انت لا تدخل
نهضت تينا من مكانها
استفانيا:وين رايحه انتي
تينا:رايحه اشوف ايان
دانيال:انتي تخبلتي
تينا:ما اكدر ابقه هنا لازم اشوفه
كارلا:بس احنا نريد نطلعج منا
تينا:مراح اطلع منا لازم احجي وياه اني رايحه
ارادت الذهاب وامسكت بها استفانيا
استفانيا:اصبري شوي ما تكدرين ترحين الوحدج انتظري اني راح اجي وياج
تينا:تمام يله
ذهبت استفانيا مع تينا الرؤية ايان...
مارك:وهسة
كارلا:لازم نبدي نجهز للسحر
اصبحوا اليكس و جينيفر ينظرون الى بعضهم البعض
اوسكار:شكو
اليكس:اها لا
جينيفر:اني رايحه هسة اجي
اوسكار:وين
جينيفر:وانت شعليك
كارلا:بله مشاكلكم خلوني اشتغل هسة
ذهبت جينيفر وبدأت كارلا بعمل السحر
اما من جانب تينا وصلت الى القصر وطلبت من الحارس ان ينادي على ايان وبعد لحظات وصل ايان
ايان:تينا هاي انتي
كانت على وجهه ابتسامة كبيرة عندما راها امامه
تينا:مو اجيت حتى ارجع لك
عندما تحدث معه بتلك الطريقة اختفت تلك الابتسامة الجميلة التي كانت على وجهه
ايان:لعد
تينا:اني بس اجيت حتى احذرك من اماندا
ايان:اماندا؟
تينا:اماندا جاي تخطط تكتلك
ايان:شو ههههههه
تينا:ليش تضحك
ايان:مستحيل تسويها لان هاي وحدة جبانه
تينا:بس هي جاي تحاول على العموم اني اجيت حتى احذرك منها وبس
ايان:يعني انتي خفتي عليه
تينا:لا بس اني ما احب يصير شي على الشخص اللي ساعدني
ايان:شخص؟
تينا:اي
ايان:يعني اني بالنسبة لج شخص عادي تينا:اي لا اكثر ولا اقل
ايان:تمام
تينا:هسة صار لازم ارجع
ايان:براحتج
نظرت الى استفانيا وطلبت منها الذهاب تينا:يله نروح
استفانيا:يله امشي
ذهبت الى الحديقة الكبيرة وعندما وصلوا كانت كارلا لقد بدأت بالعمل السحر انصدمت تينا عنده رؤية كارلا قد تحول إلى امرأة كبيرة في السن وشكلها مخيف مثل الساحرات كان شعرها ابيض طويل واظافرها طويلة ومخيه جداً
تينا:هاي منو
استفانيا:بدأت بالسحر
تينا:ليش هيج صار شكلها
استفانيا: صارت بيها لعنه من الله كل ما تحاول تسوي السحر الكبير هيج يصير شكلها
تينا:صارت تخوف
استفانيا:هذا السحر خطر على حياتها وخصوصاً اذا جان الشخص اللي جاي تسوليه السحر بخطر راح تتعرض هي هم للخطر
تينا:يعني اذا اليكساندا بخطر هسة كارلا هم راح تتعرض للخطر
استفانيا:هذا الشي اكيد لان هي شبيهتها هذا اول شي وثاني شي جاي تسوي السحر على مودها
وفجأة اصبحت السماء ترعد بقوة
تينا:هاي شنو
استفانيا:اشتغل السحر
جلست كارلا بداخل الحفرة التي حفرتها واصبحت تتحدث بطريقة مخيفه وتصرخ صوت عالي انصدم الجميع
استفانيا:ياربي
تينا:شكو
استفانيا:اليكساندا بخطر هسة
تينا:ش شو
استفانيا:اي مدام كارلا صارت تصرخ معناتها اليكساندا بخطر وجاي تتوجع هسة
تينا:ياربي
دانيال:كارلا
تينا:وين مكان اليكساندا ما عرفت
اوسكار:كارلا وين مكان اليكساندا اذا عرفتي احجي
كانوا الجميع ينادي عليها ولكنها لا تستطيع التحدث كانت تصرخ من شدة الألم
استفانيا:كازلا
وفجأة اغمى عليها
دانيال:كـــــــــــارلا
ركض الجميع عليها وكانوا يحاولون ان يجعلوها تستيقظ
دانيال:كارلا حبيبتي شنو صارلج
استفانيا:كارلا ردي علينا كارلا
اوسكار جيبي ماي
استفانيا:ماشي
احضرت استفانيا المياه وضع عليها الماء لكي تستيقظ ولكن لا جدوى
تينا:اذا هي هيج صارت حالتها لعد اليكساندا شلون
اليكس:امشوا خل ناخذها للبيت بسرعة ماشي
دانيال:يله بسرعة
حملوها و اخذوها الى المنزل وضعوها على السرير
استفانيا:راح شنسوي هسة
دانيال:لازم تكعد كارلا لازم تكعد
اوسكار:اهدى اخي
استفانيا:شنسوي هسة راح تموت البنيه
دانيال:لا مستحيل كارلا تروح وتعوفني
تركهم وخرج دانيال المنزل
استفانيا:دانيال.... دانيال
اوسكار:عوفيه الوحدة
تينا:هيج صار بكارلا لعد اليكساندا شلون حالتها
مارك:اختي اذا صار عليها شي مراح اخلي احد بيكم عايش
استفانيا:ما نريد مشاكل خل نفكر شلون ننقذ كارلا لان باي لحظة ممكن تموت
اصبح الجميع يفكر وثم نهض اوسكار وخرج من المنزل لكي يبحث عن اخيها وصادف جينيفر في طريقة
جينيفر:شكو شبيك مستعجل
اوسكار:كارلا حالتها بخطر
جينيفر:عزة صدك ليش
اوسكار:اكيد بسبب السحر
جينيفر:راح اشوف شلونها
اردات الخروج الى المنزل ولكنه وقف امامها
جينيفر:شكو
اصبح ينظر إليه طويلاً
جينيفر:شبيك صافن عليه هيج وخر
اوسكار:اها اسف
تركتها وذهب وتفاجئة جينيفر من طريقة كلامة معها
جينيفر:كال اسف شعجب راح يموت
اصبح تضحك وخلت الى المنزل اما من جانب اوسكار وصل الى اخيه كان يجلس على الاعلى الجبل ويبكي اقترب منه وجلس بجانبه
اوسكار:اخي
نظر إليه دانيال وكانت الدموع تملأ عينيه
دانيال:اوسكار كارلا راح تموت شسوي
اوسكار:لا طبعاً مراح تموت شنو هذا الحجي
دانيال:حالتها كلش مو زينه شسوي يا اخي ارجوك ساعدني
صمت اوسكار قليلاً وثم قال
اوسكار:عندي الحل
دانيال:صدك
اوسكار:اي اخي
دانيال:شنو هو
اوسكار:لازم تطلع كارلا من اليكساندا
دانيال:شنو ؟
اوسكار:حسب مجاي نشوف حالة كارلا خطيرة هسة
دانيال:اي
اوسكار:معناتها اليكساندا هم حالتها خطيرة هسة ولازم تطلع كارلا منها حتى تعيش
دانيال:وشلون تطلع منها
اوسكار:لازم تتدخل روح ثانية غير اليكساندا على جسد كارلا
دانيال:صح بس من وين نجيب هاي الروح لازم اله شخص ميت تتدخل روحه بيها
اوسكار:اي صح وموجود هذا الشخص
التفت دانيال إليه
دانيال:منو
اوسكار:اني
دانيال:شنو؟
اوسكار:اي اخي
دانيال:اوسكار اني تعبانه هسة وما الي واهس للشقه مالتك
اوسكار:بس اني مجاي اشاقه وياك
دانيال انت طلبت مني المساعدة واني راح اساعدك
نهض دانيال من مكانه
دانيال:لا انت تخبلت روحي ارجع على القصر احسلك
اراد دانيال الذهاب ولكن اوسكار امسك بيده
اوسكار:اخي انتظر واسمعني شوي
دفعة دانيال بقوة
دانيال:شنو تريدني اسمع انت تخبلت روح كلتلك
اوسكار:لا مراح اروح لازم تسمع
دانيال:اوسكار اني ما ناقصني اللعب مالتك
اوسكار:بس اني مجاي العب يا اخي اني اجي احجي الصدك
دانيال:اوسكار
امسك بيده
اوسكار:اترجاك اخي اني بحياتي مسويت شي زين خليني اسوي هسة اترجاك لا ترحمني من مساعدتك انت جنت على طول تساعدني بدون مقابل خليني اردلك المساعدة
امسكه من وجنتيه
دانيال:اوسكار انت تدري شنو جاي تحجي تريد تساعدني على حسب حياتك
اوسكار:هذا اقل شي ممكن اقدمة لك انت ساعدتني بهواي اشياء وضحية على مودي هواي خليني اردلك التضحية
دانيال:لا مستحيل
جلس اوسكار على الأرض واصبح يبكي ويتوسل إليه
اوسكار:اخي اترجاك اختي كلودي ضحت بحياتها على مود حبها خليني اني هم اضحي بحياتي على مودك وعلى مودك حبك انت اخويه
دانيال:ليش.... ليش انت؟
اوسكار:لان انت اخويه الجبير وهذا اقل شي ممكن اقدمة لك
دانيال:اذا تروح اني مراح يبقه عندي احد
اوسكار:لا عندك استفانيا وكارلا هي راح تعوضك عن كل شي صدكني اني ادري اذا صار عليها شي انت مراح تتحمل ولا لحظة خليني اساعدك اخي
دانيال:لك ليش تريد تسوي هيج ليش
اوسكار:اني ماعندي شي بحياتي مهم بس انت عندك شي مهم وتخاف تخسره
كان دانيال ينظر إليه ويبكي ويتوسل إليه ويطلب منه أن يتراجع ولكن اوسكار كان مصر على قرارة
اوسكار:اخي وافق راح يخلص الوكت لازم ننقذ كارلا
دانيال:ما اكدر اخليك تموت ما اكدر
اوسكار:راح اكلك مثل ما كلتلي كلودي اني مراح اموت راح تشوفني على طول بكلبك
احتضنه بقوة واصبحوا يبكون مع بعض وبعد لحظات ابتعد اوسكار عنه ونظر في عينيه وقال
اوسكار:اخي قبل ما اروح اريد اعترف بشي
دانيال:كول ....
استفانيا:دانيال و اوسكار وين راحوا
تينا:اوسكار راح يحجي وياه دانيال بس يجون
جينيفر:وهسة راح شنسوي جاي يمر الوقت وحياة اليكساندا وكارلا بخطر
اليكس:اذا ما كعدت كارلا مراح نعرف وين مكان اليكساندا
تينا:وشلون راح تكعد
وفجأة انطرق الباب وذهبت تينا لكي تفتح الباب وتفاجئة برؤية دانيال يجلس خلف الباب ويبكي
تينا:دانيال شكو شبيك دانيال
لم يرد عليها كان يجلس على الارض ويبكي بصوت عالي
تينا:دانيال رد عليه شكو شبيك... وينكم تعالوا بسرعة
خرج الجميع إليه
استفانيا:دانيال شبيك دانيال شكو
جينيفر:شنو صار اوسكار وين
وفجأة ازاد في البكاء عندما سمعت باسم اوسكار
استفانيا:لك شنو خوفتني شبيك
جلست بجانبه ووضعت يدها على كتفه
استفانيا:اخي شبيك شنو صاير جاي تخوفني
دانيال:اخذي هاي
استفانيا:شنو هاي
دانيال:هذا رماد انطيه لكارلا حتى تكعد
استفانيا:رماد؟
دانيال:اي
جينيفر :رماد منو هذا وبعدين اوسكار وين؟
دانيال:هذا الرماد راح يخلي روح اليكساندا تطلع من كارلا
جينيفر بعصبية:جاي اكلك رماد منو هذا؟
استفانيا بعصبية:اوسكار وين احجي
دانيال:اوسكار راح هذا الرماد مالته
استفانيا:لا لا مستحيل لا لا .....اوسكار انت جاي تجذب عليه مو؟
استفانيا:رد عليه
جينيفر:شو؟
اليكس:شنو
تينا:رماد اوسكار شنو يعني هذا
استفانيا:انت جاي تجذب عليه صدك كول هذا جذب كول
دانيال:ضحه بحياته حتى ينقذ كارلا
استفانيا:على مود كارلا؟
نهضت استفانيا واصبحت تتحدث بغضب
استفانيا:ضحه بحياته حتى ينقذ حبيبتك ضحيت بأخوك على مود حبيبتك مراح سامحك دانيال تسمعني مراح سامحــــــــــك
تركهم وذهبت ولا يزال الجميع مصدوم من الذي حصل...
طلب دانيال من تينا بان تعطي هذا الرماد الى كارلا وتخلطه مع المياه وتعطيه لها لكي تشربه
دانيال:تينا شربي هذا الكارلا
تينا:تمام
ذهبت تينا الى الداخل بعد ربع ساعة خرجت لهم
اليكس:اها شنو الاخبار
تينا:كعدت بس
مارك:بس شنو
تينا:شكلها صار غريب يعني مو مثل قبل ما اعرف شبيها
جينيفر:طبعاً راح تتغير لان تحولت
تينا:تحولت؟
جينيفر:صرت من الملائكة هسة
مارك:شنو
دانيال:اي روح اوسكار دخلت عليها وغيرتها
جينيفر:يله اني رايحه
اليكس:وين
جينيفر:اريد امشي شوي
اليكس:اجي وياك
جينيفر:لا
تركتهم وذهبت وثم نهض دانيال واراد الذهاب ولكن امسكت به تينا
تينا:وين رايح ما تريد تشوف كارلا
دانيال:لا ما اريد
تينا:بس
تركهم وذهب وكان شكله حزين جداً
تينا:مسكين اخوه ضحه بحياته حتى ينقذ حبيبة اخوة
مارك:اي الله يساعدة
تينا:راح شنسوي هسة
اليكس:اني راح اروح وانتو ابقوا هنا يم كارلا
تينا:اي راح ابقه يمها اكيد اخاف تحتاج مساعدة
اليكس:يله اني رايح
حلق اليكس في السماء وذهب اما من جانب دانيال وصل الى الشاطئ وعندما هبط سمع صوت بكاء شخص اقترب الى ناحية الصوت ووجد جينيفر تجلس على الشاطئ وتبكي بصوت عالي اقترب منها وجلس بجانبها عندما رأته مسحت دموعها نظر إليها وقال
دانيال:تدرين شنو كلي اوسكار قبل ما يموت
جينيفر:شنو؟
دانيال:اعترف بحبه الج
جينيفر:شو
دانيال:اي
ازداد بكائها
دانيال:اوسكار جان يحبج بس مجان يريد يبين هذا الشي حتى لا ترجع تصير المشاكل مرة ثانية وجان خايف لا تصير نهايتج مثل كلودي ...والبارحة يله اعترف وطلب مني اكلج حقيقة مشاعرة الج
نظر لها كانت تبكي بألم شديد
دانيال:وعلى حسب مجاي اشوف بعيونج انتي هم حبيتيه
جينيفر:فعلاً اني احبه ومن زمان طويل قبل لا اليكس يحب كلودي بس.... ما جنت اكدر اروح واكله حقيقة مشاعري لان جنت مفكرة هو ميحبني ما جنت اريد تصير مشاكل ولان جان دائماً يسخر مني ماجنت ادري بيه يحبني
التفت إليه
جينيفر:بس لو فعلاً يحبني مجان عافني وراح اذا جان صدك يحبني ليش راح وعافني ليش ما انطاني فرصه ليش تخلى عني بسرعة ليش ما اجه وكال حقيقة مشاعرة ليش ما بين حبه ليش اختار الموت بدل مني ليش ...تعرف ليش لان هو فعلاً ما حبني ابدا مجان يحبني لو حبني صدك مجان تخلى عني وعافني
احتضنته واصبحت تبكي وكانت هذه اول مرة دانيال يحضن شخص من الشياطين ولكن الحزن الذي بداخلهم لقد جعلهم يفعلون اشياء ماكانوا يفعلونها.....
استيقظت كارلا وجدت تينا ومارك بجانبها كانت تشعر بألم في رأسها
تينا:كعدتي
كارلا:شنو صاير
مارك:كولي شنو ما صاير
كارلا:شنو قصدك
تينا:مو مهم ارتاحي هسة وبعدين نحجي
كارلا:اني ليش جاي احس بشي غريب بجسمي
لم يردون عليها اصبحوا ينظرون الى بعضهم البعض
كارلا:شبيكم انتو ليش واحد يباوع على الثانية شكو
مارك:انتي تعرضتي للخطر بسبب السحر
كارلا:اي وبعدين
تينا:وجان لازم احد ينقذج
كارلا:احد ينقذني شلون يعني
مارك:طلعوا اليكساندا منج
كارلا:شو شلون
تينا:دخلت روح ثانية بمكانها
كارلا:روح منو؟ دانيال وين؟
تينا:طلع دانيال
كارلا:طلع؟ وين راح وليش راح
مارك:ما يكدر يتحمل موت اخوة
كارلا:شنو اوسكار مات
مارك:اي ضحه بحياته على مودج
كارلا:لا مستحيل لا
مارك:وانتي هسة عايشة بفضل اوسكار روحه بداخلج هسة يعني من جماعة الملائكة صرتي
كارلا:شنو دانيال
نهضت بسرعة من السرير
تينا:وين
كارلا:اني لازم اروح اشوفه
تينا:انتي بعدج تعبانه وين رايحة
كارلا:دانيال هسة بحاجتي لازم اروح اشوفه
تينا:وين رايحه بعدج تعبانه
كارلا:كلتلج لازم اروح اشوفه وخري مني
تركتهم وذهبت لكي تبحث عن دانيال..
هي كانت تبحث عن دانيال اما من جانب اخر كان هناك شخص اخر يقف عند النافذة الغرفة وينظر إلى المناظر الخلابة التي حوله ويتحدث مع نفسه
اليكساندا:شوكت راح اطلع منا مليت واني محبوسه بهذا المكان حتى الطيور حرة اكثر مني
كانت تتحدث مع نفسها وتنظر من النافذة ولم تنتبه إلى الشخص الذي دخل إلى غرفتها و اقترب منها ووضع يداه على خصرها التفت مفزوعه لترى يقف خلفها ويبتسم لها
اليكساندا:اليكس
ابتسمت ورمت نفسها بحضنه
اليكساندا:اشتاقيتلك هواي ليش تأخرت عليه
ابتعد عنها ونظر إليها طبع قبلته على جبينها
اليكس:حياتي جنت مضطر اتأخر عليج حتى الكل يصدك موضوع غيابج ومحد يشك بيه
اليكساندا:انت كلتلي يومين واجي وهاي صارلك ثلاث ايام
اليكس:شنو الظاهر اشتاقيتيلي
اليكساندا:طبعاً ومليت طول الوكت كاعدة الوحدي
وفجاة انفتح الباب
روت:مليتي ليش لعد اني شنو هنا
دخول روت فجأة اثار الرعب في جسدها لترمي نفسها في حضنه.....
