كانت تعتقد بان الخطر قد زال ولكنها لا تعلم بانها في دائرة الخطر وكل ما يدور حولها كذبه
تينا "
خائفة من بقي هنا ولكن بوجود ذالك الشاب اشعر بأمان قليلاً وما زالت اريد الهرب من هذا المكان اشعر بملل لا أستطيع البقاء كثيراً في هذه الغرفة ولكن لا استطيع الخروج لانني بين ايدي مصاصين الدماء سمعت صوت الباب يطرق ذهبت لكي افتحه رأيت ايان يقف امامي ويرسم على وجهها ابتسامة لطيفة
ايان:صباح الخير
تينا:صباح النور
ايان:شلون جانت نومتج البارحة
تينا:تمام
ايان:اجيت حتى اكلج اذا تردين تعالي انزلي الفطور جاهز
تينا:شلون انزل او...
ايان:لا تخافين اني حجيت وياه اماندا وفهمتها ومراح تسويلج شي انتي بأمان تينا:ممكن سوال
ايان:اكيد تفضلي
تينا:انت ليش جاي تساعدني يعني شنو سبب مساعدتك الي ليش جاي تحميني
صمت قليلاً وثم قال
ايان:راح يجي يوم وتعرفين ليش هسة كل اللي اريد منج تطمنين ولا تخافين من شي طول ما اني يمج
تينا:بصراحة اني ما عندي حل ثاني غير الوثوق بيك
ايان:واني ما اريد منج شي بس هذا يله هسة امشي ننزل
تينا:ممكن طلب ثاني
ايان:اي تفضلي
تينا:اريد ملابس اني من البارحه بهاي الملابس ونسيت الجنطة مالتي بالطيارة ايان:انتظري راح اشوف اماندا عدها ملابس على قياسج
ذهب ايان وبعد ربع ساعه عاد وبيده ملابس
ايان:شوفي هاي الملابس تناسبج
تينا:شكراً
اخذتها واقفلت الباب وقمت بتغير ملابسي وخرجت وعندما فتحت الباب رأيته ينتظرني امام الباب عندما رآني ابتسم
ايان:تمام جنت خايف لا ملابس اماندا متجي عليج
تينا:لا مبيها شي
ايان:ننزل
تينا:اي
نزلنا إلى الاسفل كانت اماندا تجلس على طاولة الطعام عندما رأتني ابتسمت لي استغربت كثيراً من تلك الابتسامة البارحة كانت تريد قتلي واليوم تبتسم لي ياترى ماذا قال لها ايان لكي تغير رأيها بهذه السرعة اقتربت من الطاولة وجلست امامها
اماندا:اتمنى تكونين ماخايفه مني على التصرفي وياج البارحة بصراحة شرح لي ايان الموضوع وماكو داعي للخوف اني مراح سويلج شي
ابتسم لها
ايان:يله هسة خل ناكل ...اها صحيح تينا عندي الج خبر
تينا:شنو
ايان:عرفت انو اكو ابنيه بشريه من الركاب الطيارة عايشة
تينا:بنيه منو؟
ايان:لحد هسة ما عرفت شنو اسمها بس هي موجودة بعالم الشياطين
تينا:شياطين اعوذ بالله
ايان:لا تستغربين احنا هنا كل شي موجود بس الشي الغريب انو هي بعالم الشياطين وبعدها عايشة
تينا:ليش غريب اني هم موضوعي غريب بعالم مصاصين الدماء وبعدني عايشة
اصبحوا ينظرون الى بعضهم البعض
اماندا:انتي بعدج خايفه منا
تينا:اي طبعاً وجودي بينكم يخوفني
ايان:اكيد راح تخافين بين مصاصين الدماء ...
عالم الشياطين "
كانت اليكساندرا تشعر بالجوع لانها لم تتناول شيء منذو البارحة وكانت تخرج اصوات من بطنها بسبب الجوع
اليكس:انتي جوعانه
ابتسمت بخجل
اليكساندرا:اي من البارحة ما اكلت شي
اليكس:هسة راح اوصيلهم يسولج اكل
اليكساندرا:لا ما اريد
اليكس:ليش انت مو جوعانه
اليكساندرا:انتو تاكلون لحم بشر يعني راح تجيب انسان اكله
اليكس:ههههههه لا تخافين مراح اجيب انسان تاكلينه
تركها وخرج ليحضر لها الطعام وبعد لحظات دخل وهو يحمل بيده الطعام
اليكساندرا:هاي شنو
اليكس:هذا الاكل الي تاكلونه انتو البشر اليكساندرا:من وين
اليكس:هذا سحر
اليكساندرا:او
وضع الاكل امامها وجلست على السرير تتناول الطعام
اليكس:على ما تخلصين اكل راح اروح هسة اجي
خرج اليكس وبقيت اليكساندرا تتناول الطعام وفجأة دخل لها شخص من الحائط فزعت لتصراخ خوفاً
-انتي منو؟
اليكساندرا:انتي الي منو
-واو انتي البشرية اللي الكل يحجي عليها
مدت يدها لي
-اني اسمي جينيفر اخت اليكس الصغيري
اليكساندرا:يعني انتي شيطانه
جينيفر:اصغر شيطانه هنا
نظرت إليها جيداً
جينيفر:بس انتي كولش حلو بصراحة اليكس عنده حق يعوفج وما ياكل
تراجعت اليكساندرا الى الخلف
جينيفر:لا تخافين اني مراح سويلج شي تكدرين تعتبريني صديقتج تعالي كملي الاكل مالتج
امسكت بيدها لكي تجلس
جينيفر :اكلي لا تخافين انتي خفتي لان دخلت عليج من الحائط اني ردت اليكس بس اجيت لكيتج هنا صحيح هو وين
اليكساندرا:طلع هسة يجي
وفجأة دخل اليكس وكان متفاجئاً برؤية جينيفر مع اليكساندرا
اليكس:انتي شتسوي هنا
جينيفر:اجيت حتى اشوف حبيبة اخويه اليكس:غير تحجين قبل ما تدخلين
جينيفر:انت خايف عليه مني برأي تخاف عليها منك مو مني
اليكس:وهسة شنو تردين
جينيفر:عندي موضوع
اليكس:شنو
جينيفر:من معلوماتي الخاصة عرفة اكو بشرية عايشة بعالم مصاصين الدماء
اليكساندرا:شنو
جينيفر:اي محبوسة بالقصر الملكي واسمها تينا
اليكساندرا:تينا هاي صديقتي
اليكس:صديقتج
تركت الاكل واصبحت تبكي
اليكساندرا:اي صديقتي اكيد راح يسوون بيها شي
جينيفر:لا تخافين ما بيها شي
اليكساندرا:لازم اروح اشوفها
اليكس:شنو
اليكساندرا:اي لازم اروح هناك خليني اروح
اليكس:انتي خبله ميصير اخذج هنا خطر عليج
اليكساندرا:معليه اني لازم اروح اشوفها
اليكس:تمام اني راح اشوف حل بس اهدي هسة وكملي اكل
اليكساندرا:ما اريد اكل شي
اليكس:ميصير لازم تاكلين شي
جينيفر:اني راح احاول احل الموضوع
اليكس:شلون
جينيفر:راح اروح على عالم مصاصين الدماء واحجي وياهم
اليكس:اكيد هذا الحقير مراح يساعدنا
جينيفر:خل نحاول ونشوف مراح نخسر شي
اليكس:ماشي بس ديري بالج على نفسي
جينيفر:اوكي باي
ظهرت جينيفر أجنحتها لتطير وتذهب الى عالم مصاصين الدماء عندما وصلت وقفت عنده حدود بين عالم الشياطين والعالم مصاصين الدماء ليظهر لها احدى رجال ايان
-اميرة الشياطين الصغيرة شتسوي هنا
جينيفر:وين الامير ايان
-شنو تردين منه
جينيفر:اريده بموضوع روح خلي يجي
-اني ما اخذ الاوامر منج
جينيفر:اسمعي اني ما اجيت هنا حتى اتعارك روح صيح الامير ايان وبس
ايان:شكو
التفت وجدت ايان يقف امامي
ايان:انتي شتسوي هنا
جينيفر:اجيت حتى اشوفك مشتاقتلك
ايان:هاهاهاها حلوة شتسوين
جينيفر:اليكس يريدك بموضوع
ايان:وليش ما اجه خايف
جينيفر:اي خايف منك هاهاهاها بله ما تتعارك احسلك انتظرني الساعة بالخمسة يم الحديقة الجبيرة
ايان:اكو اوامر ثانية
جينيفر:لحد هسة لا باي
حلقت في السماء لتعود الى عالمها هبط على غرفة اليكس الذي كان مشغول في تقبيل اليكساندرا لتهبط امامهم
جينيفر:او شكلي اجيت بوكت مو مناسب
اليكس:انتي غبية اكو واحد يجي هيج
جينيفر:اسفه بس مجانت ادري بيك مشغول بس كملو اني اروح واجي بعدين
اليكساندرا:لا انتظري شنو الاخبار
جينيفر:اي حجيت وياه امير مصاصين الدماء واتفقنا اليوم الساعة بالخمسة يشوفك بالحديقة حتى تتفقون
اليكساندرا:اجي وياكم
اليكس:لا انتي لازم تبقين هنا
اليكساندرا:لا لازم اجي وياكم
اليكس:وين تجين اني بس راح اشوفه حتى نتفق على مكان نحجي بيه وبعدين اخذج
اليكساندرا:ماشي ...
الساحرة كارلا "
كنت اجلس في عرفتي افكر في طريقة للتحدث معه لكي انقذ تلك البشرية ولكن كيف يمكنني الوصول إليه
وفجأة سمعت صوت باب نهضت لكي افتح الباب ورأيته يقف امامي ويرسم على وجهه تلك الابتسامة التي اعشقها
كارلا:هاي انت
-اي اني اجيت اشوفج لان مشتاقلج انتي اشتاقيتلي
كارلا:هسة جنت افكر بيك
-بشنو
كارلا:تعال ادخل خل نحجي جوه
دخلنا الى المنزل وجلس على الاريكة
-بشنو جنتي تفكرين بيه
كارلا:راح تستغرب من الكلام هذا بس عندي موضوع اريد احجي وياك
-شنو كولي
كارلا:اكو بشرية بعالم الشياطين
-شنو؟
كارلا:اي البارحة شفتها
-بشرية هناك شتسوي وشلون وصلت
كارلا:ما ادري
-عايشة لو لا
كارلا:بعدها عايشة يم الامير اليكس
-لازم نطلعها ونرجعها
كارلا:اي هي طلبت مساعدتي وانت لازم تساعدها حتى اني اعيش
-ليش انتي شعليج
كارلا:لان هاي البشرية شبيهتي واذا صار عليها راح يصير عليه هم
-لازم نطلعها
كارلا:اي بس شلون
-وانطيني وكت افكر بالموضوع....
ايان "
اماندا:وين جنت
ايان:رحت اشوف جينيفر
اماندا:جينيفر الاميرة الشيطانية شتسوي هنا
ايان:اجتي تكول اليكس يريد يحجي وياي
اماندا:بخصوص شنو
ايان:ماادري اروح واشوف شنو الموضوع
اماندا:تريد اجي وياك
ايان:ماكو داعي اساساً الموضوع يخص هاي البشرية يمكن
اماندا:لازم ناخذ هذيج البشرية اللي عدهم
ايان:اي طبعاً بس لازم نشوف طريقة نكدر ناخذها
تينا:تاخذون منو ؟
التفتنا لنجد تينا تقف خلفنا....
مادلين "
رايت اخي اليكس يخرج من غرفته برفقة جينيفر
مادلين:وين رايحين
جينيفر:مشوار
مادلين:شنو هذا المشوار
اليكس:رايحيي...
قبل أن يتكلم امسكت جينيفر بيده
جينيفر:اخي راح نتأخر امشي هسة
اليكس:اي صح اختي اشوفج بعدين
اظهروا أجنحتهم وذهبوا استغليت فرصة خرج اليكس ودخلت إلى اليكساندرا كانت تجلس على السرير تفاجئت بدخولي
مادلين:شلونج اليوم
اليكساندرا:تمام
اقتربت وجلست بجانبها على السرير
مادلين:بصراحة انتي شجاعة لان طولتي مع اليكس هو بالعادة ماكو انسانه تبقه وياه اكثر من ويوم بس انتي صارلج يومين هنا يعني هذا الشي زين اليكس بدا يحبج
اليكساندرا:ليش زين هو الحب مو ممنوع عدكم
مادلين:صح ممنوع بس اليكس يكدر يدافع عن حبه
اليكساندرا:اذا يكدر يدافع لعد شلون هذيج ماتت
مادلين:قصدج كلودي
اليكساندرا:اي هي مو جانت حبيبته وماتت
مادلين:كلودي بابا ما كتلها بس بسبب الحب اساساً هذا الشي جان وسيلة حتى يكتلها
اليكساندرا:وسيلة
مادلين:اكو هناك دافع اكبر خلته يكتلها لان هي من عالم الملائكة اكبر اعداء لنا هنا
اليكساندرا:ملائكة
مادلين:اي من جماعة الخير واحنا الشر والخير والشر ميصير يتجمعون مع بعض واليكس من حبها خالف قوانين الشياطين وهي خالفت قوانين الملائكة لهذا السبب جانت لازم تموت بس انتي مختلفه عنها انتي بشرية يعني بيج الخير والشر تكدرين تحبين اليكس
اليكساندرا:بس اني ما اريد احبه لان هو شيطان ومستحيل احب شيطان
مادلين:ليش هذا الشي عادي
اليكساندرا:لا مو عادي مستحيل انسان يرتبط وياه شيطان
لا استطيع اقناع تلك الغبية يجب عليها ان تحب اليكس لكي استطيع تدميره بشكل كامل سوف التخلص منك اليكس مهما كلفني هذا الامر....
تينا"
خرجت من غرفتي ونزلت الى الاسفل رأيت ايان يتحدث مع اماندا عن شيء لا افهمة
تينا:شنو الموضوع
ايان:لا تشغلين الج مشكلة بسيطة وجاي احاول احلها
اماندا:اي صح لا تخافين ماكو شي
نظرت اماندا الى ايان
اماندا:حبيبي انت مو تريد تروح
ايان:اي تأخرت
اماندا:تمام اذا صار شي بلغني
ايان:اكيد
خرج ايان من المنزل وبقينا انا و اماندا بصراحة لا اشعر بأمان معها لانها احيانا تنظر لي بطريقة غريبة ومخيفة احيانا اشعر بانها سوف تمص دمي
اماندا:لا تخافين مراح سويلج شي اني انطيتج وعد
نظرت إليها بصدمة من اين فهمت ما قلته
اماندا:انتي مستغربه شلون عرفت الي جاي يدور براسج
لم ارد عليها مازلت متفاجئة من اين فهمت كلامي
اماندا:احنا مصاصين الدماء عدنا حاسة الشم الدماء البشر وقرات الافكار يعني اني هسة جاي اقرا افكارج
تينا:مستحيل
اماندا:ماكو شي مستحيل بعالمنا هذا كل شي ممكن...
اليكس "
وصلنا الى تلك الحديقة انا واختي جينيفر واصبحنا ننتظر وصول ايان امير مصاصين الدماء وبعد نصف ساعة وصل ايان
ايان:خير طلبت تشوفي شتريد
اليكس:بصراحة اني اكره اشوف وجهك بس مضطر
ايان:وشنو الشي اللي خليك تضطر تجي تشوفني
اليكس:البشرية اللي عندك
ايان:اي بشرية
اليكس:لا تصير غبي عليه اني ادري انت عندك بشرية بالقصر مالتك وادري شنو تريد تسوي بيها
نظر لي بسخرية
ايان:لا
اليكس:مو بس انت تعرف تقرا الافكار اني هم اعرف شنو براسك من غير ما اقرا افكارك لا تنسى اني شيطان ومو اي شيطان امير الشياطين
ايان:انت تريد البشرية لان صديقتها تريد تشوفها
اليكس:خوش تعرف تقرا الافكار زين
ايان:ممنوع
اليكس:شنو
ايان:مثل ما سمعت
جينيفر:ايان احنا مجاي نطلب منك شي صعب نريد البنيه تروح تشوف صديقتها
ايان:ادري وهذا الشي ممنوع عندي
اليكس:اني جاي احجي وياك زين لا تخليني احجي بطريقتي
ايان:ما تهمني طريقتك شتسوي سوي
اردت ان اضربه ولكن امسكت جينيفر بيدي
جينيفر:اليكس اهدى خلينه نتفاهم بدون مشاكل
ايان:ماكو مشاكل كلت ممنوع يعني ممنوع
جينيفر:زين ليش
ايان:هذا الموضوع يخصني
اليكس:انت خايف لا اروح احجيلها شنو راح تسوي بيها
ايان:طبعاً ما تكدر
اليكس:لا اذا اريد اكدر وعندي الف طريقة ممكن اخليها تعرف انت تريد تمص دمها بيوم اكتمال القمر حتى ترجع بشري مو صحيح....
خرج ذالك الشخص من كارلا وكان يفكر بإنقاذ اليكساندرا من بين ايدي الشياطين حلق في السماء ليذهب إلى عالم الملائكة ليهبط في قصر
-هلو اخي شوكت رجعت
-قبل شوي
-وين جنت
-رحت مشوار
-كارلا مو
-اي رحت اشوفها
-دانيال هذا الشي اللي جاي تسوي غلط شوكت تفهم
دانيال:مو بيدي احبها
-وانت ما لكيت غير هاي الشيطانه تحبها وهواي بنات من الملائكة يردونك ليش الا هاي
دانيال:ما اريد احد غيرها
-امرك عجيب انت شنو اخبار استفانيا
دانيال:بخير ما قبلت تجي وياي
-ليش
دانيال:تكول اريد ارتاح شوي
-تمام
دانيال:عندي موضوع مهم
-شنو
دانيال:اكو بشرية بعالم الشياطين
-شنو
دانيال:اي عد اليكس
-اوف اكيد ماتت
دانيال:لا بعدها عايشة
-معقول عد الشياطين وعايشة غريبة
دانيال:اني مثلك هم مستغرب شلون بعدها عايشة عدهم لازم نرجعها على عالمها
-زين شلون
دانيال:ما ادري محتار
-عندي طريقة ولو اكرها هاي الطريقة بس مضطر
دانيال:شنو
-بعدين اكلك....
اليكساندرا "
اصبحت الساعة السابعة مساء ولم يعد احد منهم ترى ماذا حدث معهم هل وافق ذالك الشخص على رؤيه تينا علي رؤيتها لكي نتفق على الهروب معاً من هذا المكان لا اتحمل البقاء مع هؤلاء الشياطين كما اكرههم واكره نفسي لوجودي هنا في هذا المكان المقرف اكره اليكس واكره نفسي حين يقترب مني ويحاول لمسي وتقبيلي اشعر بإشمزاز من نفسي ياالهي اخرجني من هذا الجحيم...
