ملاحظة (كل ما يدور في الرواية من احداث هو من خيال الكاتب لا اكثر )
هل تؤمنون بوجود الشياطين ومصاصين الدماء وسحر وكل تلك الاشياء المخيفة بالنسبة لي انا لا اؤمن بهذي الاشياء انها مجرد كذبة كنا نسمعها من اهلنا في الصغر لكي يجعلونا نخاف من هذه الاشياء وهذا ما كانت اعتقده وافكر به طوال حياتي ولا اصدق بوجود الوحش في عالمنا انها مجرد كذبه لا محل لها من الصح....
اسمي أليكساندر ابلغ من العمر 25 سنة اعمل لدى شركة مضيفة طيران جويه اعيش في رومانيا اسكن مع امي واخي الكبير مارك معضم أوقاتي في العمل عملي يتطلب مني السفر كثيراً ولذلك لا اقضي اوقات كثيره مع عائلتي ذهبت الى جميع الدول العربية والغربية رأيت جميع انحاء العالم على الرغم من هذا كله لا اشعر بالسعادة دائماً اشعر بانه هناك شيئاً ما ينقصني في حياتي ولكن ما هو هذا الشيء وهل سأجده في يوم من الايام هذا ما سوف تريني إياه الايام.....
في يوم من الايام كنت احتفل بعيد مولد صديقتي المقربه ستيلا مع اصدقائي المقربين وعندما انتهت الحفله عدت للمنزل مع صديقتي أوصلتني وذهبت كانت الساعة تشير الى 2:00 صباحاً كنت ثمله جدا ولا استطيع السير كنت اشعر بالدوار واقوم بالغناء بصوت عالي استيقظ الجميع على صوتي خرجت امي من غرفتها وكانت غاضبة جداً
جانا:هاي شنو جايه سكرانه
أليكساندر:اي مع انو اني ما شربت هواي بس اربع ودخت
رفعت حاجبها
جانا:لا والله
ابتسمت لها وقمت بهز رأسي بنعم
مارك:هاي شنو شبيكم
رفعت راسي ورايت اخي يقف امامي في اعلى السلم وكان يفرك بعينيه بسبب النعاس ابتسمت له ورفعت يدي
أليكسندر:هـــــــــاي
ابتسم رفع يده
مارك:هــــايــــــات
جانا:تعال شوف اختك اجتي للبيت وهي سكرانه وحتى ما تكدر تمشي
أليكسندر:اوف ماما لا تزعجيني بمحاضرتج اليومية
اشارت الى اخي بيدي لكي يأتي ويساعدني على الذهب الى غرفتي
أليكسندرا:تعال ساعدني
اقترب مني وحملني بين ذراعين نظرت إليه
أليكسندرا:عفية عليك سبايدرمان
ابتسم لي واتجه بي الى غرفتي وضعني على السرير و وضع الغطاء علي اقترب مني وضع قبله على وجنتاي وقال
مارك:نحجي باجر يا مشاكسة
وبعدها تركني وخرجت من الغرفة
علاقتي مع اخي جميلة جداً نحن نحب بعضنا ونحترم بعض عندما توفى والدي هو الذي إعتنى بي ولم يحسسني بغياب ابي على العكس تصرفات امي الغريبة معي لا زالت تعتبرني طفله وكل ما افعله في حياتي خطأ لم تفهم بانني كبرت واصبحت فتاة ناضجة واعلم ماهو الصح والخطأ......
وفي الصباح استيقظت على صداع شديد في رأسي كان يؤلمني كثيراً نهضت من السرير ونزلت الى الاسفل لعلي أجد دواء يخفف الوجع عندما دخلت إلى المطبخ رأيت امي كانت تعد لنا الفطور
أليكساندرا:صباح الخير ماما
جانا:صباح النور
أليكساندرا:راسي يوجعني اريد علاج يخفف الوجع
جانا:طبعاً جاي يوجعج راسج غير بسبب الشرب
أليكساندرا:اوف ماما رجاءاً
فتحت خزانة الدواء واخذت الدواء وخرجت من المطبخ رأيت اخي يشاهد التلفاز في غرفة المعيشة ذهبت وجلست بجانبه
أليكساندرا:صباحو
مارك:صباح النور شلونج اليوم
أليكساندرا:جان وجع خفيف بس امك زودت الوجع
مارك:ههههههههه شبيج غير تخاف عليج
أليكساندرا:اي بس اني مو صغيرة اني بنت جبيرة واعرف الصح من الغلط واعرف انتبه على نفسي زين
مارك:حتى لو صرتي جبيرة لازم تخاف عليج
اليكساندا:اني عايشه اكثر حياتي الوحدي ومع هذا اعرف شلون انتبه على نفسي يعني ماكو داعي تخاف عليه
مارك:هي من تحجي على مود مصلحتج
أليكساندرا:واني اعرف مصلحتي وين
جانا:يله تعالوا الاكل جاهز
مارك:كومي خل ناكل
نهضنا وجلسنا على الطاولة
مارك:شكل الاكل يشهي
اليكساندرا:اي صح
اصبحنا نتناول الفطور وعندما انتهيت ذهبت الى غرفتي غيرت ملابسي وخرجت من المنزل اتجهت الى منزل ستيلا طرقت الباب وفتحت لي والدتها
أليكساندرا:هاي
مونا:صباحو حبيبتي
أليكساندرا:وين ستيلا
مونا:بالغرفه مالتها
ذهبت الى الاعلى عندما وصلت الى غرفة ستيلا طرقت الباب ودخلت كانت تجلس على الاريكة وبيدها كتاب
ستيلا:هلو
أليكساندرا:هلو بيج
ستيلا:شلون جانت حفله البارحة
أليكساندرا:اسكتي يمعوده بسببح حصلت رزاله من ماما
ستيلا:يله عادي هي هاي اول مرة
أليكساندرا:هههههههههه
نظرت الى الكتاب الذي بيها
أليكساندرا:جاي شنو تقرين
ستيلا:جزيرة الشياطين كتاب كلش حلو
أليكساندرا:جزيرة الشياطين
ابتسمت بسخرية
أليكساندرا:اوف شنو هاي
ستيلا:يحجي عن الشياطين والجن وهاي الوحوش
أليكساندرا:انتي تصدكين بهاي الاشياء؟
ستيلا:اي طبعاً اصدك
أليكساندرا: من كل عقلج تصدكين بهاي خرافه
ستيلا:لا مو خرافات هاي حقيقة الجن والشياطين موجوين وهم الهم عالمهم الخاص
أليكساندرا:مستحيل تكون هاي الخرافات صحيح هذول مجرد قصص جانوا اهلنا يحجوهن
ستيلا:حسب الي قريته فعلاً همه موجودين وبحياتنا هم
أليكساندرا:لا هذا موجود بخيالج بس.. على العموم هسة عوفي قصصج التافهه هاي وكومي
ستيلا:وين
أليكساندرا:نطلع نتمشى باجر راح اسافر ولازم افتر شوية
ستيلا:صدك نسيت موضوع السفر
أليكساندرا:اي لعد دكومي
غيرت ستيلا ملابسها وخرجنا من المنزل كنا نسير في الطريق ورأيت امرأة عجوز كانت تحلس على الارض وتقول لنا بانها تقرأ المستقبل وطلبت منها ستيلا برؤية مستقبلنا ولكنني رفضت ذلك
أليكساندرا:ما اريد لا تقرين شي
ستيلا:لج هاي شبيج تعالي خل نشوف راح شيصير بالمستقبل
نظرت إليها بغضب
أليكساندرا:لج انتي حماره هاي وحده دجاله تضحك عليج من وين راح تعرف مستقبل
نظرت الي تلك العجوز
العجوز:اني مو دجاله واكدر اشوف مستقبل اذا تردين تعالي خل اشوفج مستقبلج
أليكساندرا:ما اريد اسمع خرافاتج اني مو غبية مثل هاي اللي تصدك بالجذب مالتكم
العجوز:بس اني مو جذابه
أليكساندرا:لا انتي جذابه ماكو احد يعرف المستقبل بس رب العالمين انتي رب العالمين بطلوا هاي التصرفات تضحكون على الناس بيها
امسكت ستيلا من يدها واكملنا السير
ستيلا:انتي شكد غبية شلون تحجي هيج وياهه
أليكساندرا:احسن تستاهل حتى بعد ما تحذب على الناس
ستيلا:هسة راح تغضب عليج وتسوي بيج شي
أليكساندرا:لا والله ضحكتين هاي العجوز تسوي بيه شي هسة خل تسوي شي زين لنفسها بالبداية
لم اكن اعلم بانه ما قالته ستيلا ممكن ان يتحقق في يوم من الايام وهذا ماكنت لا اريد تصديقه لانني لا اؤمن بتلك الاشياء لا احد يعلم ماهو مستقبلنا غير الله وكل تلك الاشياء مجرد كذبه لا يوجد في عالمنا مكان للشياطين و الارواح وكل تلك الاشياء المخيفه ..
وفي اليوم التالي جهزت حقيبتي وجهزت نفسي للسفر ودعت عائلتي وذهبت للمطار الى مكان عملي
ألكساندرا:صباح الخير
ستيلا:صباح النور وين تأخرتي طيارتكم راح تطلع
أليكساندرا:يمعوده ازدحام اليوم ما اعرف شنو القصة
ستيلا:هي هاي شوارع روما شنو الجديد بالموضوع
-النداء الاخيرة الى جميع الركاب المتجهين إلى مدينة اسبانيا نرجوا منهم الصعود ستقلع الطائرة بعد خمسة دقائق أليكساندرا:عزة هاي طيارتي
ستيلا:يله روحي تأخرتي لا يسوون مشكله
أليكساندرا:مع السلامه
ستيلا:توصلين بالسلامة حبي
ودعتها وذهبت بسرعة صعدت على متن الطائرة وبعد دقيقتين اقلعت الطائرة
تينا:ليش تأخرتي صارلنا شكد ننتظر
أليكساندرا:اسفه بس الطريقة جان ازدحام وما اكدر اوصل بسرعة
تينا:اخذي الاكل للركاب
أليكساندرا:ماشي
اخذت الطعام واتجهت الى الركاب وقمت بتوزيع الطعام عليهم وفجأة سمعت صوت شخص
-لو سمحتي
التفت إلى الخلف ورأيت شاب يجلس في المقعد الخلفي اقتربت منه وابتسمت له كان شاب وسيم جداً
أليكساندرا:تفضل
-اريد عصير البرتقال لو سمحتي
أليكساندرا:اكيد
ذهبت احضرت له العصير عدت ولكن لم اجده في المقعد اصبحت التفت حولي
تينا:أليكساندرا
التفت إليها
تينا:شبيج
أليكساندرا:ماكو شي بس جبت عصير للشخص اللي جان كاعد هنا وين راح
تينا:يمكن راح للحمام عوفي العصير هنا ومن يرجع راح يشربه
أليكساندرا:تمام
وضعت العصير على الطاولة وعدت إلى المكاني وبعد نصف ساعة اخذت الطعام وذهبت الى كابتن طائرة
أليكساندرا:كابتن هذا الاكل
جين:هسة اني بحال اكل خل اشوف شنو علي المصيبة
أليكساندرا:خير شكو
جين:ما ادري بس صار شي بالطيارة
أليكساندرا:شنو
جين:الاجهزة مجاي تشتغل جاي تشكل
أليكساندرا بصدمة:شنو
جين:لا تخلين احد من الركاب ينتبه للموضوع ما اريد تصير مشك....
وقبل أن يكمل كلامه اهتزت الطائرة بقوة
أليكساندرا:اااااه هاي شنو
جين:ياربي وكف الجهاز التحكم
أليكساندرا:شنو
وفجأة سقطت الطائرة بنا حاولت ان امسك بشيء لكي لا اسقط على الارض وكنت اسمع صراخ وبكاء الناس شعرت بالخوف قلت لنفسي بانه هذه هي لحظة موتي انضرب راسي بشيء وبعدها فقدت والوعي ولم اعد اشعر بشيء....
استيقظت انا اشعر بألم شديد في جميع انحاء جسدي لا استطيع التنفس فتحت عيني ولم اكن استطيع رؤية شيء بسبب الظلام كنت احاول النهوض امسكت في المقعد الذي امامي لكي يساعدني على الوقوف كانت جثث الركاب على الارض ولا استطيع المشي بسببهم خرجت من داخل الطائرة ولم ارى شيئاً سوى الظلام
أليكساندرا:هاي وين اني
اصبحت التفت حولي لا اجد شيء صرت اصرخ بالاعلى صوتي لعلي أجد احد يساعدني
أليكساندرا:وينــــــــــــكم يا نـــــــــــاس يالعالــــــــــــم اكو احد يساعدنــــــــــــي تعالوا ساعدونــــــــــــي
كنت اصرخ كثيراً لقد تعب صوتي من الصراخ لم يأتي احد لكي يساعدوني قررت أن اسير لعلي أجد شيئاً ما يساعدني كان الظلام قوي وكنت بصعوبة احاول السير وفجأة سمعت أصوات غريبة من بعيد ربما هناك احد يساعدني اكملت طريقي باتجاه تلك الاصوات وعندما اقتربت رأيت نار مشتعلة
أليكساندرا:لازم اكو احد بهذا المخيم ممكن يساعدني
اقتربت من المخيم وعندما وصلت لم اجد احد في المكان وكانوا يضعون شيء على النار يبدوا بانه كان احد هنا اصبحت التفت حولي لم اجد شيء فجأة لمحت شيء غريب مرمي على الارض اقترب أكثر لكي ارى ما هذا وعندما اقتربت فتحت عيني على وسعها من الذي رأيته
أليكساندرا:ياربي دخيلك هاي شنو
كانت يد انسان مرميه على الارض التفت إلى اللحم الذي على النار
ألكساندرا:هاي جسم انسان... ياربي
اصبحت ارتعش من الخوف ولا استطيع الوقوف على قدمي كان جميع انحاء جسدي يرتعش
أليكساندرا:لازم اطلع من هذا المكان بسرعة
عندما التفت انصدمت بالذي رأيته امامي كانوا اربعه اشخاص يقفون خلفي أشكالهم مخيفة و أوجههم مريعه لديهم قرون وذيل ليسوا من البشر
أليكساندرا:ااااااااااه
صرخت بأعلى صوتي من الخوف وبعدها فقدت الوعي ولم اشعر شيء
رجل 1/ هاي بشريه
رجل 2/اي خوش وجبه اجتي
رجل 1/ وعدها جسم يخبل
اقتربوا منها اكثر واصبحوا يلمسون جسدها ولديهم رغبة قوي في تناول جسدها
رجل3/ صدك عندك حق جسمها يخبل يستاهل الاكل اليوم راح نشبع اكل
رجل2/ اني اقترح ناكلها وهي عايشة يصير الطعم اطيب
رجل4/ لا اني اكول نشويها احسن
رجل 1/ بس اني عندي اقتراح غير
التفتوا إليه
رجل4/ شنو اقتراحك؟
رجل1/ننطيها للاميرة مادلين
رجل3/ شنو انت غبي شلون تريد تضيع علينا وجبه طيبه مثل هاي
رجل1/ لك اسمع زين اذا نطينه هاي البشرية للعائلة الملكية راح ناخذ مكافئة
رجل2/ ميصير تروح علينا هاي البشريه
رجل 1/ المكافئة احسن وبعدين ممنوع ناكل لحم بشريه عايشه من غير علم العائلة الملكية والا راح يحاسبونه
رجل2/ ماشي يله اخذوها لعد
اخذوا هؤلاء الأشخاص ألكساندرا وذهبوا بها إلى قصر الملكي وكانت ألكساندرا لا تزال فاقده الوعي ولم تعلم ما يدور حولها ادخلوها الى القصر
الحارس:هاي شنو
رجل2/ اريد اشوف الاميرة مادلين
الحارس:انتظر لحظة
ذهب إلى الداخل وبعد لحظات خرج
الحارس:يله اتفضلوا
دخلوا إلى القاعة كانت الاميرة مادلين تجلس على الكرسي الملكي اقترب منها احدهم لكي يتحدث إليها
رجل 2/ مولاتي الاميره عدنا الج هدية
مادلين:هدية شنو
رجل1/ لكينه بشرية هنا بعالمنا
استغربت الاميرة من الذي سمعته
مادلين:شنو؟
رجل4/ اي نعم مولاتي وهاي هي موجودة
التفت مادلين لترى أليكساندرا بين يديهم نهضت من الكرسي واقتربت منها
مادلين:هاي شنو مجاي اصدك اللي جاي تشوفه بعيني
نظرت إليهم
مادلين:انتو متأكدين هاي بشرية
رجل 1/ نعم مولاتي
مادلين:مستحيل هذا الشي يكون صحيح
رجل 4/ اكو شي مولاتي
مادلين:اها ماكو شي روز ....روز
روز:نعم مولاتي
مادلين:عوفوا البشرية هنا روز انطيهم مكافئة وطلعيهم
رجل1/شكراً مولاتي
مادلين:انتظروا دقيقة
رجل3/نعم
مادلين:ما اريد اي احد يدري موضوع البشرية هاي مفهوم
رجال:اكيد
خرجوا جميعاً وبقيت أليكساندرا مع تلك الاميرة اقتربت مادلين من ألكساندرا واصبحت تتأمل ملامح وجهها وتنظر إليها بخبث و أليكساندرا لا تزال فاقده الرعي
مادلين:انتي اجيتي بوكتج راح احقق بيج احلامي كلها
وفجأة تحركت أليكساندرا يبدوا بانها بدأت تستعد وعيها...
أليكساندرا "
لا استطع التحرك اشعر بانه هناك شيء يمنعني من الحركه فتحت عيني لاجد شخص يقف امامي فزعة خوفاً كانت تقف امامي مرأة شكلها مخيف ولديها قرون وذيل طويل وكانت ملابسها غريبة ومخيفه مرسوم عليها جمجمة اصبحت انظر إليها بخوف اصبحت اتحدث مع نفسي
أليكساندرا:منو هذول وشنو راح يسوون بيه
مادلين:انتي شلون اجيتي هنا
لم ارد عليها كنت اشعر بالخوف
مادلين:روز.... روز
روز:نعم مولاتي
مادلين:ما اريد احد يدري بيها وخصوصاً بابا
روز:اكيد مولاتي راح شتسوين بيها هاي مادلين:هاي راح تكون اداة انتقامي
روز:مولاتي عوفي الانتقام مايفيد وخل ناكلها احسن
عندما سمعت كلام تلك الفتاة ازداد بكائي
مادلين:غبية ....وانتي شكو تبجين وبعدين انتي شلون اجيتي هنا
روز:اعتقد هاي وحدة من هذول البشر الاغبياء سوت سحر اسود حتى تجي هنا.. تعرفين مولاتي
مادلين:شنو
روز:هاي البشريه تشبه كلودي
مادلين:واني على مود هذا السبب اريدها هاي البشرية لان شبيهة كلودي
روز:راح شتسوي بيها
ابتسمت بخبث لها
مادلين:وين أليكس
روز:بالجناح الخاص مالته
مادلين:تمام اسمعيني زين اريدج تنفذين شكو شي اكلج عليه
روز:شنو.....
مادلين "
ذهبت لكي ابحث عنه كانت هناك ضجة كبيرة في الخارج لان الجميع كانوا يحتفلوا بعيد مولد اخي الاصغر ألكيس امير الشياطين اتجهت الى جناح اخي ورأيت احد الشيطانات تخرج من غرفته وكانت ملابسها مبعثرة يبدوا بانها كانت تمارس الجنس معه رسمت على وجهي ملامح الغضب ودخلت إلى جناحه كان مدد على السرير ومعه شيطانه وكانوا يقبلون بعضهم ولم ينتبهوا لي ضربت الباب بيدي وابتعد عنها ونظر إلي
أليكس:اختي هاي انتي
اشارت اليها بان تخرج من الغرفة نهضت من السرير وخرجت
مادلين:شنو هاي التصرفات أليكس
أليكس:اختي يوم عيد ميلادي و مسموح لي اسوي اي شي ومحد يكدر يمنعني
مادلين:بس لا تنسى انت مو شيطان عادي حتى تجيب اي وحدة تعجبك انت امير الشياطين يعني لازم تنتبه على تصرفاتك
أليكس:اوكي تمام
مادلين:وهسة كوم وياي
أليكس:وين
مادلين:أحضر تلك هدية بمناسبة عيد ميلادك
ألكيس:انتي مو انطيتيني هديتج
مادلين:لا شنو هذا البيت التافهه عندي لك شي احسن
أليكس:بس تعبان هسة
مادلين:من تشوف الهدية راح يروح التعب
نهض من السرير بملل وذهبوا الى الجناح الملكي وكان أليكس يسير بشكل بطيئ وبملل ولكن اختفاء ذالك الملل وتحول إلى صدمة حين رأى اليكس تلك الفتاة تجلس على السرير وهي مرتدية تلك الملابس الجميلة والمثيره...
اليكس:هاي شنو
مادلين:هاي هديتك عجبتك
لا يزال مصدوم وينظر إليها وكانت الفتاة خائفة وترتجف
اليكس:هاي بشريه
مادلين:اي بشريه وتشبه كلودي
اليكس:شلون اجتي هنا
مادلين:بصراحة ما ادري بس اكيد سوت سحر وهاي الاشياء اليعتقدون بيها البشر
اليكس:وليش نطيتيني هاي البشرية لان تشبه كلودي
اقتربت منه وهمست في اذنيه
مادلين:لان هاي البشريه اخت كلودي
اليكس:شنو
مادلين:اي بس هي ما تعرف
اليكس:شو
مادلين:موضوع طويل بعدين نحجي بيه هسة شنو رأيك بيها
اليكس:بشنو
مادلين:انت مو جنت تريد تاكل لحم بشر من قبل وهاي نطيتك اللحم ومو اي لحم
غمزت له وابتسم لي وهتز ذيله يمينا وشمالا
اليكس:شكراً اختي الحبيبة
مادلين:بالعافية استمتع بالاكل باي ..
خرجت مادلين من الغرفة وبقى اليكس برفقة اليكساندرا بمفردهم وكانت خائفة منه وجسمها يرتعش اصبح اليكس يقترب منها وهي كانت تبتعد عنها الى أن اصطدام جسدها بالحائط نظر إليها وابتسم
اليكس:متكدرين تنهزمين مني ياحلوه
جلس اليكس على السرير واقترب منها اما هي فكانت تبكي لانها خائفة منه
اليكس:ليش تبجين انتي خايفه اها وبعدين انتي شنو اسمج
لم نكن تستطيع التحدث وكأنه لسانها قد انقطع عن الكلام
اليكس:شكلج يخبل وجسمج مغري بهاي الملابس عندي رغبة انام وياج مو اكلج
ازداد الخوف بداخلها
اليكس:لا تخافين ياحلوة... انتي شنو اسمج احجي لا تبجين شنو اسمج
اليكساندرا:ال... اليكس
اليكس:اها
اليكساندرا:اليكساندرا
اليكس:او اسمج اليكساندرا اكول ليش عندي رغبة قوية بيج اسمج يكمل اسمي اني اسمي اليكس
اليكساندرا:ارجوك خليني اطلع منا
اليكس:وين تطلعين
اليكساندرا:اريد ارجع للبيت
اليكس:انتي شلون اجيتي على عالمنا
اليكساندرا:شنو عالمكم
اليكس:اي انتي بعالم الشياطين شتسوي اجيتي هنا
اليكساندرا بعصبية:عالم الشياطين شنو
اليكس:اي انتي بعالم الشياطين
اليكساندرا:لا تجذب عليه
اليكس:اني احب الجذب بس هسة مجاي اجذب عليج
اليكساندرا:اني ما اؤمن بهاي الاشياء
اليكس:بس احنا موجودين وانتي هسة بجزيرة الشياطين
اليكساندرا:شنو
اليكس:اي انتي اجيتي على عالمي من حسن حضي يعني ما رحتي على عالم مصاصين الدماء او الملائكة بس هذول اهون بهواي من عالم الوحوش اخطر مكان هو عالم الوحوش
اليكساندرا:انت جاي شنو تحجي خليني روحي
نهضت من السرير وارادت ان تهرب ولكنه امسك بقدميها وسحبها إليه
اليكس:وين تردين ترحين ياحلوة عبالج دخلول الحمام مثل خروجه
اليكساندرا:عوفني الله يخليك خليني اروح
اليكس:الله يخليني ههههههههه احنا ما نؤمن بهاي المعتقدات مالتكم
اليكساندرا:زين خليني اروح
اليكس:اذا طلعتي منا راح ياكلوج الشياطين انتي هنا بأمان يمي
اليكساندرا:اني مصدك بيكم مصدك بوجودكم
اليكس:بس لازم تصدكين لان هاي،حقيقة
اليكساندرا:خليني اطلع عفية
اليكس:انتي هديتي ممنوع ترحين منا وهسة كافي حجي وتعالي خل نتمتع شوي
وضعها على السرير ارادت ان تهرب ولكنه حاوطها بجسده الضخم لكي لا تستطيع الهرب لم تكن ثواني بل أجزاء من الثانية حتى قبلها من شفتيها أرادت أن تدفعه ولكن لا تستطيع فهو وشيطان اقوى منها بملايين المرات جعلها تستلقي ليقبل رقبتها ويضع عليها اثار تقبيله لها
اليكساندرا:كافي اترجاك عوفني
هي كانت تبكي وتتوسل إليه ان يتركها ولكنه لم يستمع إليها الوحش عندما يدخل في شهوته لا يستطيع أحد إيقافه بعدها نهض وخلع ملابسه امامها صرخت ووضعت يدها على عينيها
اليكساندرا:انت راح شتسوي بيه عوفني اروح
امسك بوجهها لكي تنظر إليه
اليكس:اسمعيني ياحلوة عنادج هذا مراح يفيدج المفروض تفرحين بدل ما اكلج واعذبج منحتج الشرف تقضين ليله وياي
اليكساندرا بصراخ:وخر مني
اليكس:اشش لا تصرخين هنا الشياطين يثيرون من يسمعون صراخ البشر
اليكساندرا:لا تسويلي شي اترجاك
اليكس:لا تخافين مراح اذيج
اليكساندرا:وخر مني لا تتقرب مني لااااااااا
كانت اليكساندرا تصرخ تتوسل إليه ان يتركها ولكن لا جدوى من ذالك لان الوحش عندما يصطاد الفريسته لا يستطيع يتركيها كانت تتألم وتصرخ بصوت عالي لدرجة ان مادلين و خادمتها روز قد سمعوا صراخها
روز:شكله اليكس بدأ بالاكل البشريه سمعتي صوتها تتوجع من الاكل
ابتسمت مادلين بخبث
مادلين:بس هذا الصوت مو تعذيب من الاكل
روز:لعد؟
مادلين:شكله اليكس ما كدر يقاوم رغبته بيها
روز:شو
مادلين:خطتي جاي تنجح
روز:شلون
مادلين:لازم اليكس يحب البشرية هاي
روز:شنو هذا الشي مستحيل ممنوع
مادلين:ولان ممنوع اني اريده يصير
نظرت إليها
مادلين:ارفعي صوت الموسيقى لا احد يسمع صوتها
روز:تمام
ليس اليكساندرا الوحيد التي وقعت في هذا الجحيم بل هناك شخص آخر قد وقع ولكن في حجيم اخر...
تينا "
فتحت عيني وكنت اشعر بوجع شديد في رأسي وتذكرت ما حدث وسقوط الطائرة نظرت حولي كان المكان مظلم جداً ومخيف في نفس الوقت تمسكت بشيء لكي انهض عندما نهضت من الارض رأيت يدي تمسك بجسد انسان ميت فزعت وابعدت يدي بسرعة كنت خائفة جداً كان المكان مظلم وجميع من حولي اموات ولا توجد أي بقعة الضوء لكي تساعدني على رؤية شي وفجأة سمعت أصوات قادمة من خارج الطائرة
تينا:يمكن اجو ناس يساعدوني
اردت الخروج ولكن تعثرت أقدامي بإحدى الجثث التي حولي وسقطت على الأرض قبل أن انهض دخلوا إلى الطائرة واصبحوا يفعلوا شيء بالجثث وكنت اسمع أصوات غريبة منهم ازداد خوفي ولم اتحرك من مكاني بقيت ممددة على الارض وانا اضع يدي على فمني كنت اشعر بالرعب ماذا يفعلون هؤلاء الأشخاص
رجل1/صارلنا شكد ما شايفين الدم
رجل2/وهاي اجه الدم وبدل الواحد عشرة
رجل3/بس ياريت اكو احد عايش بيهم لان دم العايشين اطيب
رجل 1/ اي صح بس شنسوي هذا احسن من ماكو
رجل3/انتو ابقوا هنا واني راح ابلغهم
رجل2/ ماشي
رجل3/بس مو تخلصوا دم الموجودين كله الامير ما يقبل
رجل1/ماشي روح بسرعة
فتحت عيني على وسعها واصبحت ارتعش
تينا في نفسها:مصاصين الدماء هذول مصاصين الدماء ياربي دخيلك
كانوا يمتصون دماء الجميع و يقتربون مني كثيراً لا استطيع التحرك من مكاني ان تحركت سيكتشفون الأمري....
في اين مصيبة وقعت بها؟ وماذا سيحدث لها أن اكتشفوا امرها؟ هل ستنجو تينا من وحوش مصاصين الدماء؟ ام مصيرها سيكون اسوء من اليكساندرا ......
