My Ex's Proposal

Chapter 41: Her Love

CHAPTER 41

>JESSICA<

Halos mawalan ako ng dugo dahil sa napanood kong interview ni Fiona. How can she do that? She's so good at making up stories. Sunud-sunod ang pagtunog na nanggagaling sa cellphone ko kaya kinuha ko iyon para tignan. Notifications iyon mula sa Instagram at Twitter, mayroon ding mga messages at missed calls akong natatanggap mula sa ilang kaibigan at kakilala. Pinagmasdan ko ang cellphone na wala pa rin humpay sa pagtunog at pagtanggap ng kung anu-anong notifications, gusto ko na itong ibato dahil sa sobrang ingay at dahil na rin sa mga nababasa kong hate comments at tweets.

Dahil sa hindi ko na kinaya ay agad ko itong pinatay, para na rin maka-iwas ako sa stress na dala ng pangbabash sa akin ng mga taong judgmental. Ni hindi manlang nila ako binibigyan ngpagkakataon para ibigay ang side ko.

"This is too much!" Sigaw ko dala na rin ng stress. Hindi ko alam kung paano nagagawa ni Fiona na gumawa ng kung anu-anong kwento. Oo, totoo naman siya sa sinabi niyang ginagamit ko lang si David, but the rest? Malay ko kung saang panaginip niya 'yan nakuha!

"Don't worry, I'll talk to the press. I'll fix this." Saad ni David na nasa kabilang dulo lang ng sofa na inuupuan ko ngayon. "I'll them the truth." Ramdam ko naman ang pag-aalala niya tungkol sa nangyayari. Pero kaya niya bang sabihin sa lahat ang totoo? Lahat ng iyon?

Biglang tumunog ang doorbell, walang tigil na para bang hindi na makakapaghintay ng isa pang segundo ang taong pumipindot nito. Akmang tatayo ako para sana pagbuksan ito ng pigilan ako ni David.

"Stay here. Ako na bahala, it could be the media, you shouldn't talk to them until you think you're ready." Nagmamadali siyang nagtungo palabas, habang ako ay nakaupo pa rin at halos pagpawisan na sa sobrang kaba. Paano nga kung may media sa labas para kuhaan din ako ng interview? Pero bago pa ako tuluyang maparanoid ay may isang boses na umalingawngaw papasok ng bahay.

"Jess, where are you?" Lumingon ako sa direksyon kung saan ito nanggaling, at hinintay na makapasok hanggang sala.

Nang tuluyan itong makarating sa sala ay doon ko nakumpirma na tama ang hinala ko na si Janelle ito, habang nakasunod naman sa kanya si David.

"Have you seen the news about you?" Nag-aalalang tanong niya, tumango ako bilang sagot.

"I already expected it."

"Mom is so worried, hindi mo raw sinasagot ang mga tawag at texts niya!" I have no idea that Mom is one of those who are trying to reach me out. "Masama ang pakiramdam ni Mom, kaya ako na lang ang pumunta dito para tignan kung ayos lang ba ang kalagayan mo." Parang tinusok ang puso ko ng marinig iyon. 'Di ko tuloy maiwasan na mag-alala, ayoko naman na magkasakit si Mommy nang dahil lang sa akin.

"Tell her I'm okay, iniiwasan ko lang talaga na hawakan ang phone ko dahil na rin kung anu-ano ang nakikita at nababasa ko ngayon na hindi maganda tungkol sa akin." Paliwanag ko.

"Nakita mo na rin ba ang interview ni Fiona?" Kung kanina ay medyo tumataas ang tono ng boses niya, ngayon ay mas kalmado na ito.

"Oo, kakatapos ko lang mapanood."

"I don't believe her statement, halata naman na umaarte lang. What actually happened yesterday?" Umupo siya sa kulay puting armchair na nasa kaliwang bahagi ng sofa na inuupuan ko. "Tell me everything." Utos niya kaya naman sinimulan ko nang ikwento sa kanya ng buo, walang labis, walang kulang. Sinabi ko ang dahilan kung bakit ko sinampal si Fiona. Si Janelle naman ay tahimik lamang na nakikinig sa akin.

"Inaasahan ko na namang mangyayari 'to. Lalo na't nalaman ni Fiona totoo tungkol sa relasyon namin ni David. Kung nagawa nga niya noon na paulit-ulit akong siraan, hindi na nakapagtataka pa itong huling ginawa niya."