50

5.5K 113 1

بواسطة qqtttyy3

بقلم qqtttyy3

أمه بحنيه : الله لايحرمني أشوفك تلعب مع عيالك ..
وليد من بين التعب أبتسم : أمين .. ويطول بعمرك بعد ..
أمه : هاه يايمه .. ماهداك الله ورضيت أروح اخطب لك ..
وليد : الشور شورك ..وعلى أيدك .
أمه انجنت مي مصدقه : صدق يمه .. يعني أخطبك لك خلاص .. قل بس انت من تبي .. ونا العصر تلقاني ببيت اهلها . أقولك .. وش رايك بأمل بنت خالتك .. والله ان كلها حلا وماعليها
وليد رفع حاجب مستغرب : أمل ؟! .. وش اللي غير رايك .. مو ذيك المره ناويه تخطبين لي وحده ثانيه
أمه : تقصد أخت سلطان .. .! ؟! .. لايايمه .. هذيكي طلعت مخطوبه وتبي تملك قريب ..
للحضه .. حس وليد بشعور سيئ ..وشيئ يشبه شعله أمل انطفت .. حاول مايبين اهتمامه ..وسوى نفسه طبيعي جدا .. .. الله يوفقها ويستر عليها .. لاكن أمل يايمه .. طلعيها من راسك .. الله يرضى عليكي
أمه : يايمه ليش أمل بنت خالتك ومن لحمك ودمك وكلها حلا ومانقصها شيئ ..
وليد : مو القصد .. وعلا الحلا ماهمني .. ولاكن أمل وغيرها من بنات خالتي غلاهم بغلا ريم ومها ..
يعني حسبة خواتي ..
أمه : على راحتك يايمه .. والشور شورك .. ولاكن قبل ماخطب لك ماقلت لي وش تبي مواصفاتها ..
وليد : البنت يايمه مو بزينها .. بأخلاقها .. دور لي علا بنت الحلال اللي تعجبك وترضين عليها
وساعتها أأكد لك انها تبي تعجبني وبرضى انا عليها ..
أمه :من يومي وناأقول تعبي بخلفتك ماراحت سدى .. (عسى الله يسعد ياولدي ويفتح لك أبواب السعد وينولك يايمه كل ماتشتهي من هالدنيا .. ) قل امين ..
وليد : أبتسم امين .. جو بها اللحضه .. ريماس وفيصل .. وبيدينهم أيس كريم ..ونسوا سالفة الماء
يوم شافوا أمهم مها اعطتهم هالايس كريم ..
ضحك وليد يوم شافهم نسوا سالفته .. وقالهم كنه معصب .. والمويا وين ..
فيصل وريماس وتوهم يتذكرون ايييييييييييييييييييييييييييييييييييي نسينا .. ورجعوا يركضون يجيبون ..
دخل ياسر بها اللحضه عليهم وتوه راجع من البر ..وحالته مبهذله .. والهم كاسي وجهه
وكأن اللي يشوفه يقسم أنه مو ياسر .. وجه ذابل ..وعيون مرهقه .. ودقنه كله شعر ..أي انه مهمل روحه جدا
انتبه وليد لدخول اخوه .. وناظره مستغرب : وعليكم السلام ..
ياسر .. التفت لأمه .. يمه انا صاعد أنام .. على الساعه سبع دقوا علي وقوموني .. سلام .. ومشى وتركهم ..
وليد رجع ألتفت لأمه : وشفيه بعد هذا .. ..وشب حالته مقلوبه ؟!
أمه :وحالها متضايق من اللي قاعده تشوفه بس مابيدينها حيله : لاحول ولاقوة الا بالله .. وش الجديد يايمه .. من يوم مابنت خالتك منال انخطبت ..وافقت على غيره
وهو جان جنونه .. ويدخل ويطلع بنفس الحال .. حتى الاكل مايذوقه ..
وليد :انجن هذا .. عشان واحده ماتبيه .. يضيع عمره كذا ..
امه : وش تسوي فيه .. ومين يسمع ..
وليد وقف . أنا اللحين بروح أشوف وش فيه .. مي حاله اللي هو فيها
أمه : أي والله يايمه .. عين العقل .. رح كلمه يمكن يسمع لك ..
وليد .. سكت .. الله يعين .. ومشى متجه لغرفه ياسر ..
وصل لعندها ولقى الباب مفتوح .. وياسر ... قاعد على أحد الكنبات الموجوده بغرفته بملل ومسند راسه بتعب ..
طق وليد الباب بشويش ودخل على طول ..
ياسر بعد مارفع عيونه وشاف وليد .. زاد اكتئابه وكأن داخله شحنه كره وغضب وده يفرغها بوليد ..
كان حاقد .. ومقهور على الحلم اللي ضضاع بين يوم وليله والسبب .. وليد .. اللي أجل زواجه ..
وترتب على هذا .. تأجل زواج ياسر .. والنتيجه ضياع اللي يحبها من يدينه ..
ياسر رد من طرف خشمه : أهلا ..
وليد أنتبه للنبره والأسلوب اللي قاعد يكلمه فيه .. واللي ماأعجبته أبد .. وحس أن الوضع مو طبيعي وفي شيئ ..
قعد مقابله بالكنبه اللي امامه .. وحنى ظهره وشبك يدينه .. وركز بنظرته على ياسر :
وليد : .. شلون البر معك ..
ياسر ببرود : تمام ..
وليد بعتب : .. وشفيك ترد من طرف خشمك .
ياسر بملل : والله هذا أسلوبي عاد ..
تأكد هنا وليد .. من الحاله اللي واصل لها أخوه .. وقال يبيه يقول كل اللي بقلبه ..
أنت : انت ماتشوف نفسك .. وش اللي قالب حالك ؟
ياسر : أبد سلامتك .. بس بركات وجودك بحياتي ..ياأخوي
وليد رفع حاجب : وش قصدك ؟!
ياسر بنرفزه أظن المقصد واظح .. مايحتاج تفسير ..
وليد وكأنه فهم : اللحين تبي تقولي كل اللي صاير فيك ..عشان بنت تركتك وخذت غيرك
ياسر : هي ماتركتني بأرادتها تركتني بعد مملت من الانتظار اللي ذبحها ..
وليد بحكمه : لوكانت تبيك ياياسر كان صبرت لك العمر كله ..
ياسر : لاتحاول تقنعني بحجه باهته .. البنت بقد ماأناأبيها متأكد انها تبيني ..
ولاكن ماأقول الا حسبي الله على اللي كان السبب
وليد : سكت .. قاعد تتحسب على أخوك
ياسر بعصبيه : لوكنت خطبت وفسحت المجال لي .. كان تغير الحال ..وأمدى منال كانت من نصيبي
وليد : أنت يأنجنيت ياصار لعقلك شيئ ..أصحى
ياسر : ياليتني انجنيت ..على الأقل لاراح عقلي برتاح من التفكير ..
وليد : : هذا النصيب ياخوي ..ولو ربي كاتب لك أياها .. كان هي من نصيبك اللحين
ياسر : لاتقعد تكذب على روحك بها الكلام ..حتى تبري ساحتك ..كل الحق عليك ..
وذنبي بتظل شايله ليوم الدين ..
وليد : واضح انك بديت ماتحط لكلامك حدود .. امشيئ أفضل لي ..
ياسر : أكيد تبي تقوم .. تبي تروح وماتبي تسمع كلام اكثر ..لأن تأنيب الضمير اللي داخلك أقوى
وليد :انا أذا كنت أبي أقوم وماأبي أسمع فهو عشان شيئ واحد .. الا وهو عشان ماتطيح الأخوه من عيني
ياسر : لو كنت تعرف بحق وش احساس الأخوه .. ماكان عملت اللي عملت فيني
وليد حس ان ياسر بدى يتمادى بالكلام .. وماحب يرادده لأنه مقدر الظغط اللي قاعد يعيش اخوه
واللي يخليه مو مسؤل عن كلامه .. وليد بعد ماحاول يمسك أعصابه وماينفعل
: ماهمني وش قلت ..ولايش تفكيرك .. وكلامك اللي قلته انا متأكد بعد وقت تبي تصحى
وتندم عليه .. ولاكن شيئ واحد قبل ما اطلع بقوله .. تأكد أن المره بداله عشر .. بس الأخو ماتلقاه بكل وقت ..
صون كلمتك قبل ماتطلعها : وساعتها .. نادني حتى تتفاهم معي .. وطلع وترك اخوه ..

/
/