(مســـــكـ كتفي وهو يهمس .. {تراني في غيابكـ صمتـ }

31

 في غيابك صمت/ كامله

.. دخل بها الوقت أبو سلطان ومن وراه سلطان اللي جو بوقت واحد .. وسلموا..
ابو سلطان بما انه كان تعبان وجيعان قرر ان يقلط على السفره بدون حتى مايبدل ملابسه 
بعكسه سلطان اللي كالعاده يستحيييل يرتاح قبل مايغير بدلت الضباط اللي عليه ..
دخل سلطان وكان راح يصعد .. وريم الفتت انتباهه وهي واقفه جنب الدرج .. صار يتأملها بنظرات
ريم أستغربت منها وعجزت تفهم مغزاها .,..
سلطان ناداها تصعد وراه .. ومشى .. 
ريم دق قلبها بها اللحضه : .. من نظرته ومن صوته ..!!ماتدري ليش خايفه تروح له ..
قررت تكسر تساؤلاتها وتوترها وتروح لعنده وتعرف وش يبي فيها .. دخلت الجناح بهدوء 
لقته واقف ... 
ناظرت له بعيون كلها أستفهام .. ريم : بغيتني ؟
سلطان ناظر لها من فوق لتحت وقال مستنكر .. عاجبك هاللي لابستيه .. !!
ريم رجع قلبها يدق .. ناظرت لبسها من فوق لتحت مستغربه ..مي بالعاده يعلق على لبسها وينقده 
ريم بعدها مستغربه ..!! وشفي .. عادي هذا لبسي 
سلطان : عاجبك وجهك الأصفر يعني وصحتك حتى تلبسين هاللبس .. روحي بدليه بسرعه وأنزلي 
ريم : رجعت حطت عينها بعيونه وأفكارها صارت تسترسل وتسأل نفسها أسئله تطرح نفسها بنفسها .. قالت بينها وبين نفسها 
هل ياترى هاللي قاعد يسويه فيها اهتمام نابع من حب وخوف .. ولا مجرد فرض سيطره .. خذاها هالتسائل لميناء ثاني وأبحرت بعيونه ..!
سلطان : استغرب من تركيز نظرتها له واللي مايدري أيش مقصدها فيها .. الشيئ الوحيد اللي كان يدري ومتأكد منه انها سرحانه بعيونه ..
ناداها يصحيها ..
سلطان : سلطان سمعتي وش كنت أقول ..ولا أعيد ..
ريم : أنتبهت لنفسها وكسرت سرحانها . ها .. الا سمعت .. بسسسس .. أناصحتي الحمد لله تعافت 
سلطان .. أنتي ماتعرفين مصلحة روحك .. روحي ألبسي ولاتناقشين ,. وتركها وراح يغسل بدون حتى مايجادلها اكثر 
ريم : رغم انها انها ماكانت تحب احد يملي عليها شيئ أو حتى يفرضه كانت هالمره العكس ....
ماحبت ترادده أكثر وخصوصا أنها تنازلت عن هالشيئ مقابل معاملته اللطيفه معها .. هذا شيئ أسعدها 
بينها وبين نفسها .. وقدم نفسه مقابل لتعامله معها.. 
سكتت ..وأتجهت للغرفه بكل هدوء .. لبست بنطلون رصاصي مع بلوزه سوداء أكمامها طويله .. ونزلت قبله .. 
بعد ماأجتمعت العائله كلها على السفره .. وكل منهم كان ساكت مشغول بأكلله ..
عدا ريم اللي كانت تتامل الصحن اللي قدامها ومي قادره تدخل لمعدتها شيئ ... قاعده تلعب بالملعقه كنها تاكل 
حتى ماينتبه لها أحد ويقعد يعطيها محاضرره .. .. شوي الاحست بصداع اتبعه دوخه أضفت سواد معتم على عيونها ... غمضت عيونها ورجعت فتحتها وصارت تناظر للي حولها بنظره ضبابيه ..حاولت تتماسك 
أكثر ورفعت كاس المويا تبي ترتشف ولو قطره .. ماقدرت قواها المنهكه تضبط مسكتها للكاس وطاح الكاس 
من أيدها على الأرض وانكسر .. الكل بعد ماكان هادي فزع من الصوت والتفت بعيونه لها .. 
رنا صرخت وقامت لعند ريم خايفه عليها .. والجميع ماكانوا أقل حال من رنا .. ..
حطت ريم أيدينها على راسها مي قادره تضبط نفسها والدوخه ماتركتها .. وباتت ماتحس بأحد 
رنا راحت لعند ريم بخوف .. ريم وش فيك ..وش اللي جاكي !!.
ريم ماردت سوى انها حطت ايدها بأيد رنا حتى تساعدها وتقوم ....
ابو سلطان بقلق : وشبك يابنيتي فيك شيئ ..تحسين بشيئ ..
ريم : وشوي يخف عنها الصداع وشوي يرجع لها ..قالت والحروف تطلع منها بصعوبه : مافيني شيئ 
ياخالي .. كل السالفه دوخه خفيفه اللحين تروح ..
سلطان قام من غداه وأستوقف رنا : خليها يارنا .. أنا أسمي صاعد اصعدها معي ..كملي غداكي انتي ..
رنا احترمت طلب سلطان واتركتها معه مع انها كانت خايفه عليها .... وكانت متأكده بينها وبين نفسها ان سلطان بيكون عينه عليها ويهتم فيها اكثر منها .. ..
سلطان حط ايده بأيد ريم ..وخلاها تتسند على كتفه ومشاها وماتركها الين ماوصلها لعند أقرب كنبه موجوده بجناحهم ..تركها وراح يجيب لها كاس مويا ..وساعدها حتى فيه .. لأن جسمها مازال مرهق ومافيه أي طاقه تمكنها من انها تقوم بأي مجهود 
..تركها وراح يجيب لها كاس مويا ..وساعدها حتى فيه .. لأن جسمها مازال مرهق ومافيه أي طاقه تمكنها من انها تقوم بأي مجهوود .
ريم بعد ماحست بالماء يسري بين عرووقها حست براحه مامثلها راحه .. حست انها بدت ترجع لتوازنها 
ورفعت عينها لسلطان وناظرته بأمتنان .. وقالت .. شكرا ..ادري تعبتك معي 
سلطان مارد عليها ... ومشى وتركها ..شوي الارجع وبين يدينه صحن فيه فطاير تفاح صغيره 
حط الصحن قدامها ..وراح للطواله فتح الدرج ..جاب كيس الادويه حقتها .. طلع الدواء المناسب 
وراح لعندها ..وقالها قبل مايعطيها ..: كوولي قبل اللي بالصحن ..حتى يقدر جسمك يتجاوب مع الدواء 
ريم : بس انا مالي نفس 
سلطان بحزم :موبكيفك .. كولي خلصيني لاتتعبيني معك 
ريم نفسها ماتواطن التفاح كله مابالكم الفطيره منه .. وفووق هذا نفسها بالأساس تلووع يعني شلون لو أكلته 
رجعت ناظرت لسلطان بترجي ... والله مالي نفس لاتجبرني ..
سلطان ريييييم .. بتاكلين ولاشلوون 
خافت ريم من نبرة صووته .. وكلت قطعه صغيره بس ..ومع أصرار سلطان خلاها تاكلهم كلهم وحده وحده 

ريم :ومعدتها شوي وتستفرغ من اللي اكلته .. حطت أيدها على بطنها وقالت .. كافي لكذا ..معدتي والله ماتتحمل ..
سلطان قال بفلسفه تناسب طبعه : اللي صار لك هذا نتيجه فقر دم حاد عندك .. والدووخه اللي تبعتها 
ردة فعل طبيعيه لمثل هالحاله ..انتهي لروحك زين ..لأن الدووخه يمكن ترجع لك أذا أستمريتي على كذا مهمله نفسك 
ريم ناظرت له مستغربه من الأسلوب الواثق اللي يتكلم فيه وقالت تمزح معه ولأول مره : أبتسمت ومن ثم قالت 
كل هالمعلوومات تطلع من ضابط 
سلطان رد لها الأبتسامه : ورد بأسلوب هادي .. كان المفرووض يكون هالأسلوب طالع من دكتوور 
لو اني مكمل دراستي بالطب .. ولاكن .. هذا الطمووح وهاذي الأقدار 
ريم بتعجب من اللي سمعته .. يعني تبي تقولي انك المفروض تكون دكتور 
سلطان : هز براسه يأكد كلامها ..ثم قال .. درست بالطب سنه كامله ولاكن بعدها ماقدرت أكمل لأن طموحي 
وشخصيتي تشووف نفسها بالأمنيه اكثر .. 
ريم : بتردد .. سلطان اقدر أسأل سؤال 
سلطان رفع حاجبه مستغرب .. أسألي 
ريم . بعد تفكيييير ... وش اللي خلاك تدخل الطب مع انه ماكان مناسب لك ولالشخصيتك وطموحك مثل ماقلت 
سلطان .. سكت وراح تفكيره للماضي القديم وذكرياته وأيامه ..و ثم قال .. أبوي .. عشان أبوي ومرضاة له .. هو اللي كان يحاول فيني ويدعمني أدخل الطب 
من دووون أي قسم ثاني .. وأنا أطعته ودست على نفسي بأول سنه وجربت .. وقلت بيني وبين نفسي لعلها خيره 
ودخلت الطب .. وحاولت أنسجم ولاكن للأسف فشلت .. طبعا ماأقصد الفشل الدراسي لأني من يومي كان عندي حب للعلم وللتطلع ..لاني تقريبا كنت غاووي دراسه .. يعني تقدرين تقولين فشلت بتقبل روحي لها المهنه .بس لاأكثر