(مســـــكـ كتفي وهو يهمس .. {تراني في غيابكـ صمتـ }

45

ومن بعدها قالت : لها الدرجه هان عليكي ياسر .. وتساهلتي بدوس قلبه 
منال : وقفت الدمعه بعينها وحاولت تخنقها حتى ماتبان .. مجرد ماينذكر أسمه يصرخ قلبها احبه 
والله احبه .. بس كافي وهالانسان مو لي .. قالت بعد ماشتت بنظراتها عن عيون ريم .. 
مازال غالي .ومستحيل انكر هالشيئ ..ولاكن مصير الأيام تنسيني حبه .. وأتعود على حياتي من دونه 
ريم : راح تندمين 
منال : راح اندم اكثر أذا ضاعت حياتي .. وتبددت سمعتي بلسان اللي ماعندهم قلب ..
ريم سكتت ..ماعاد لسانها قادر على الرد ..
ومنال كانت لاتقل عنها حال : .. منال بعد ماأستجمعت قواها .. ريم ..حنى بنات خاله واكثر من الخوات 
وماراح تتبدل علاقتنا ولاراح تنقص باللي صار ..صحيح 
ريم رغم ان قلبها كان شايل بالعتب على منال : حاولت بها اللحضات تشد على نفسها .. وقالت صحيح .. 
منال لاحظت على ريم اللي انقلبت فوق تحت .. حست انها قاسيه ومالها قلب صدق .. خسرت قلب ياسر .. وعلى حسب احساسها خايفه تخسر ريم معه .. ضاقت بها الأرض أكثر ..وقفت تبي تهرب : وقالت ..امشي خلينا نطلع ..البنات اللحين يفقدوننا ..
ريم : منال : خوالي كلهم يدرون مو ؟
منال بعد صمت ..أي ..
ريم .. وامي .. ؟
منال : الكل .. 
ريم : طيب اطلعي يامنال انا شوي ولاحقتك .. 
..منال تركتها على راحتها وطلعت ..وقعدت ريم لوحدها تفكر باللي قاعد يصير وتحاول تستوعب الموضوع اللي مازالت مي مصدقته أبدا ... خلاص ماعاد ياسر لمنال ومنال ماعادت لياسر 
طرى على بالها اخوها ياسر .. ياترى شلون حاله .. بعد ماعرف باللي صار .. 
أخر مره شافته فيها كان مروق وطبيعي .. ياترى شلون تقبل اللي صار .. 
الموضوع كبييييير .. كبييير فوق ماتقدر تتصور .. 
الموضوع موضوع حب وعشق سنين ..مي علاقه عابره مع الأيام تتبدد وتنسا جروحها بكل سهوله ؟؟!
ياويل قلبي عليك ياخوي .. ياترى وينك . وينها دنياك ؟! .. من وقت ما شافته .. ومقصره حيل بالسؤال عنه .. ولاكن السؤال مايكفي .. ياليتها اللحين تقدر تشوفه .. وتتكلم معاه وتعرف اللي فيه .. 
ياترى ضايق ولاأحواله مرتاحه .. ..مبسوط ولامتكدر .. 
خذتها الأسئله وأطلقت زفرة اه على هالدنيا اللي مالها امان وماتدري لبكرا أيش مقدمه لها 
دنيا غريبه والبشر اللي فيها أغرب .. تقلبك على أوجه غريبه وتوريك اللي بعدك ماحسبت له حساب ؟ وتذوقك من مرها أشكال .. واللي يصيب صاحبك اليوم .. لاتستغرب يصيبك بكرا ..!.! 
ضاق خلقها من الأفكار اللي شتت مزاجها ..وقفت تبي تطلع ..ولاكن مالها خلق تقابل ولاتشوف أحد بها اللحضات .. طرت على بالها جدتها هياء ..مافكرت كثير وشالت نفسها وراحت بخطوات هاديه لعند غرفة جدتها طقت الباب .بشويش ودخلت .. لقت جدتها هياء قاعده على سجادتها تصلي ..
جدتها .. السلام عليكم ورحمه الله ...... السلام عليكم ورحمه الله 
ريم : ومازالت واقفه .. تقبل الله .. 
جدتها أبتسمت .. منا ومنك .. تعالي أقعدي .. ليش واقفه ؟
ريم على طول راحت لعند جدتها . وقعدت جنبها 
ريم : جدتي ليش ماتنزلين تحت عند خالاتي .؟
جدتها : يايمه تحت أزعاج .. والأصوات تغث البال ... وأنا القعده تحت أساسا ماتجوز لي 
ريم : ليييش .. جدتي ترى والله خالاتي حبوبات ويوسعن الصدر .. وقعدتهم ترى تعجبك
جدتها : داريه والله .. خالاتك هذولي مافي مثلهن ماشاء الله عليهن .. يشرحن صدر الواحد 
بشوفه وجيهن قبل حتى ماتسمعين سوالفهن .. ولاكني يارويم .. خابرتني .انا ماأحب ألاألهدوء ..أنزلي أنتي لايفقدنتس بنات خالاتس ويصعدن لعندتس و يقلقن علي هدوئي ويلجن راسي ..
ريم : ماعليكي منهم خليهم .. هن لاحقه على شوفتهن لاكن انتي من وين وين أشوفك ..
جدتها : ونتي الصادقه ..أبد أقعدي جنبي ياروح جدتس .. 
ريم حست نفسها متضايقه للحضات .. ضاق خلقها من اللي صار مع اخوها ياسر بالذات .. حنت راسها 
وحطته بحضن جدتها .. وأنسدحت على جنب ..وجدتها صارت تمسح على شعرها .. 
ريم وهي مسنده راسها على رجل جدتها وناثره شعرها : جدتي .. 
جدتها : سمي .. 
ريم .. متضايقه .. 
جدتها : سم عليتس من الضيقه .. ماعاش من يضايقتس ونا عايشه .. قولي لي عنه بس مين ..
أمك ولاحدى اخوانتس ..
ريم أبتسمت لاهذا ولاهذا ..
جدتها ..اجل مين ..
ريم بضيق : من الدنيا ..
جدتها بخوف : وش اللي جايك منها ؟
ريم : بعد صمت : جدتي .. دريتي عن ياسر ..
جدتها وكانها فهمت : ايييييي قصدك عشان ألبنت اللي يبيها أنخطبت ..
ريم :أي ..
جدتها : عادي يايمه .. اليوم او بكرا يبي يزعل .. ومن بعده يمل و يطيب خاطره من ذكرها وينساها 
ريم : بس ياجدتي ... ياسر يحبها من يوم كان صغير ومعلق كل اماله عليها .. .. تخيلي بيوم وليله كذا 
تنخطب وتوافق على غيره .. شلون يبي يستوعب قلبه هالشيئ .. 
جدتها : تنهتتت .. .. يوم تذكرت حال نواف ولد اخوها اللي يشابه حال ياسر بها الوقت .. 
صعب تنسى تأنيب الضمير اللي حست فيه تجاهه يوم عشمته ببنت عمه اللي هي ريم ..وخلته يعلق اماله واحلامه عليها .. ومايتخيل غيرها زوجه .. وش كثر كانت تشوف بعيونه حماس لاجابت طاريها 
وتنتبه لفزته .. خلته يتعلق فيها من سوالفها عنها .. ومن كثر ماتتكلم عنها وعن شطانتها .. ومع هذا حبها 
من الأعماق .. وأنصدم وتحطمت احلامه يوم سمع انها رفضته .. وتزوجت غيره ..! 
سهت بحال نواف وتذكرته .. وريم انتبهت للحضات الصمت اللي كانت فيها جدتها 
ريم : جدتي ..معي ؟
جدتها : أييييييييييه بس .. معك يايمه معتس .
ريم : فزت على حيلها وعدلت قعدتها يوم سمعت صوت جدتها مال لنبرة الحزن وقالت بلهفه ..
جدتي وشبك ؟ .. 
جدتها :مابي شيئ يايمه .. بس تذكرت ولد عمتس نواف ..
ريم أستغربت وقالت : وش جابه على هالطاري !

جدتها : الا هو أساس هالطاري ..
ريم : مافهمتك .. شلون 
جدتها : تذكرت يايمه حاله عقب مانخطبتي .. وافقتي ..وسمع خبر زواجك .. حالته كانت ..أسوأ من الحال اللي شفت فيها اخوكي ياسر ..يوم عرف بالخبر .. 
ريم سكتت للحضه وهي تكره هالسالفه وتكره ذكراها ومن كل قلبها تتمنى تنساها قالت : ياجدتي قلت قبل هالمره ان هذا النصيب ..ونتي ادرى فيه ..
جدتها : أدري يايمه انه نصيب ..أنا مو قاهرني أنك تزوجتي وخذيتي غيره ..انا مو قاهرني وموجع قلبي غير أني أنا السبب اللي خليت فيه نواف يتعلق بك ..
ريم :بصدمه :أنتي !!
جدتها أي انا ..اناللي علقته بتس ودخلتك براسه .. وكنت أسولف له عنك ليل نهار .. .. ومن جنوني يايمه أني زدت الطين بله لما أعطيته صورتتس يشوفها .. 
ريم انجنت مي مصدقه : جدتي من جدك ..!! صورتي !!!!!!!!!!!!!!!
جدتها : أي صورتس .. كنت أظنتس له ومحدن ماخذك غيره ..ماكنت أحسب أن الدنيا لها احكامها 
وأن النصيب يمكن يتبدل بين يوم وليله ..
سكتت ريم مي مصدقه اللي سمتعه .. نواف نفسه .. شايف صورتها ..ولا فوق هذا يمكن تكون الصوره عنده الين اللحين 
ريم قالت بأندفاع لما تخيلت هالشيئ : جدتي وصورتي للحين عنده ..؟
جدتها سرحت وتذكرت موقفه يوم يجيها بعد ماسمع خبر خطبتها .. ويرجع الصوره لها : 
جدتها قالت : الصوره يايمه كانت عنده قبل ..وأنا اللي اعطيتها أياه بنفسي وأعذريني يارويم ..لاكن بعد ماسمع خبر زواجك .. هو جاني بنفسه وقلبه منكسر وقال وهو يمد لي الصوره :خوذي صورتها ماعادت لازمه لي اللحين ..والله يستر عليها ..
ريم ماكانت قادره ترد .. أنسان يحبها للدرجه اللي قالت عنها جدتها شيئ حلو ولاكن مخيب للأمال ..
يستحيل تنسى رسايله اللي كان يرسلها .. قبل .. ومستحيل تنسى الشعور الحلو اللي ينتابها لاقرتها 
وهذا اكبر دليل على أنه مشاعره لها كانت صادقه وخصوصا مثل ماهو متعارف أن اللي يطلع من القلب يدخل القلب بسرعه وهذا يثبت صدق حبه لما مشاعرها أستقبلت كلماته برحابه صدر .. 
ياترى لو كانت تدري عن حبه قبل ..كان رفضت سلطان .. وعاندت أمها وليد وافقت عليه .. !!
عرض نفسه بنفسه هالسؤال على أفكارها ورد أحساسها وضميرها يقول .. سلطان مالي عيني 
وهذا يكفي حتى لو كان الى الان شعوره تجاهي عادي وأكثر .. على الاقل كافيني أني بديت اتقبله كزوج وأرضى فيه بعيوبه .. ومحاسنه