(مســـــكـ كتفي وهو يهمس .. {تراني في غيابكـ صمتـ }

13

/
/
هناك بوسط زحمه الناس .. كان لحاله . ضايق مهموم .. والأفكار تتضارب من داخله 
ومي قادره ترسيه بمينا هادي .. كان مكتوم ومقهور .. ويحاول يلقى داخله الحل اللي يرضي ضميره 
ويريحه .. حاول يلقى تفسير مقنع للي يصير .. ويحاول يلقى اعذار تبري ساحتها 
فكر .. يطلقها .., وتراجع فورا عن هالفكره .. وحس أنها فكره متهوره ومجنونه 
صعب جدا يطاوعه قلبه وينفذها.. . فكر من ناحيه ثانيه بحل اكثر رويه ويناسب تصرفاته .. 
وتم يفكر فيه .. البنت يتيمه ومايبي يظلمها .. واذا كان مو عشانها عشان اهلها واخوها وليد ..
قرر انه يتناسى هالفكره حاليا .. ويترك هالسالفه للأيام تشرح نفسها بنفسها .. 
سعود رفيق دربه كان جنبه وقاعدين بالقهوه والشباب مالين الكراسي حوالينهم والأصوات طالعه ..
سعود كان متحمس مع مباراه برشلونه وريال مدريد ... وسعود مقهور من تقدم البرشا على الريال ..بهدف 
سعود وصوته طالع اول ماجاء هدف التعادل للريال صرخ بفرحه : ينصر دينك ياشيخ ..
سلطان صحاه صوت سعود اللي انطلق من الحماس .. 
والله انك فاضي .. اللحين انت جايبنا هنا عشان تتابعها ولاعشان نسولف ..
سعود ومو لم سلطان ابد .. ومتحمس مع المباراة عطها اياه .. شوتها يمين .. شمال .. قول ..
سلطان قام معصب ... تابعها لحالك انا قايم .. 
سعود ومبسوط هددددددددددف ..مايجيبها الا رجالها ..
سلطان كان يبي يمشي .. وسعود وقفه .. 
خلاص خلاص تعال يبن الحلال والله اطنشها تعال اقعد لاتفكها عاد ..
سلطان سكت شوي وثم قعد .. 
سعود : ياخي انت بعدك عصبي ماروقت ..الله يعين اللي تبي تاخذك .. 
سلطان : والله الله يعينني عليك انا .. اجل ماخذني من جمعه الشباب وجايبني هنا مقابل المباراة 
سعود : اللحين هذا جزاتي اللي ماخذك أبي أسألك وشفيك .. والله حالك مو عاجبني .. 
سلطان مستغرب : وش شايفني ..ماشي بالشارع مضيع لي شيئ ومنجن .. مابي الا العافيه ..
سعود بجديه : لاوالله خويي وعارفك .. ماتكون بها الحال الا أذا كان مشغلك شيئ .. وشيئ كبير بعد ..
سلطان أحترم حركه سعود ..ويوم عن يوم يثبت له هالادمي أن محد يفهمه غيره .. 
سلطان سكت شوي .. ثم قال ..والله مافيني شيئ .. هاليومين الشغل متعبني وزايد علي ..
هاذي كل مابالسالفه 
سعود : تبي تقنعني ان الشغل مشغلك حتى ونت معنا بوسط الشباب .. هذا والله لو اني ما اعرفك 
سلطان حس ان سعود لمس جرحه . وقرر يفصح عن اللي داخله وقال .. 
متسال .. 
سلطان بعد فترة صمت قصيره.. ياسعود .. وش الشيئ اللي تعتقد ان الرجال صعب يصفح عنه لاشافه من الانثى ..
سعود ومو فاهم شيئ .. الخيانه اكيد .. !!
سلطان : طيب خليني أسألك .. لو أنت انسان .. أفرض مثل خلينا نقول ا أنك شفت وحده واعجبت فيها 
وقررت تتزوجها .. وفجأه بيوم وليله .. يدق عليك واحد ويقول أنها كانت حبيبته ..؟! 
وش راح تكون ردة فعلك ..!
سعود ..وبعده مو فاهم : بعصب أكيييد ويمكن أتركها .. بس قبلها حرام أظلمها و بسأل عنها اكثر واتأكد من اللي سمعته .. وخصوصا لما أكون رايدها ومتمسك فيها والسالفه بتبقى سالفه عرض .. والبنت يمكن تكون مظلومه