(مســـــكـ كتفي وهو يهمس .. {تراني في غيابكـ صمتـ }

28

أما عند ريم .. فكانت شتات قلب مرمي ينبض داخل اعضائها ..ومو لاقي الراحه .. 
سلطان بعد ماوقف عند بوابه السوق ..مسك جواله ..دق على رقم معين ومده لريم تاخذه 
وقالها .. قولي لجدتي خليها تدق عليهم ويطلعون .. 
ريم خذت الجوال .. وقالت لها وسكروا ..
لحضات وكانوا ينتظرونهم .. شادن اللي حافظه سياره سلطان ومي مصدقه اليوم اللي تركبها فيه معه 
من يوم ماعرفت من جدتها ان سلطان رضى يجي ياخذهم قضت كل وقتها تدعج الكحل بعينها وتظبط المسكره ..واللثمه .. مشت تهادى بخصرها مع عباتها اللي كانت موضحه تقاسيمها وتمشي فيها بكل جرأه بوسط الشباب .. ومتوجهه للسياره والبنات معها ..
قربت للسياره أنتبهت للي راكبه مع سلطان ..توقعتها رنا 
دخلت :وقالت بمياعه وصوت ناعم : هاي ..
ريم وبينها وبين نفسها : هواء ينفخ بطنك ويريحني منك .. 
شادن : شلونك سلطان..
سلطان وشوي يذبحهم وحده وحده على اللي قاعد يشوفه .. نزل من السياره .. 
وهو مطنش الصوت اللي يسمعه وقالهم بصوت عالي .. كل وحده تعدل روحها وتغطي نفسها ..
أحسن ماتكملون يومكم كله بالسوق .. 
البنات .. كل وحده منهم احترمت نفسها وتغطت .. ومعهم شادن اللي من يومها تحب فيه كل شيئ 
حتى طبعه الصعب والغيور .. غطت عينها مبسوطه .. وسلطان سكر الباب وقال دقايق وراجع ..
شادن سوت روحها مغمى عليها عند البنات وقالت : اموت انا على الرجوله والهيبه 
هند : هههههه أص اخته عندك اللحين تسمعك 
شادن ضحكت : لارنو ..عارفه اللي بقلبي وماتزعل مو ..
ريم :هنا نطقت وقالت بأستخافاف .. تتمتم بينها وبين نفسها .. أن لم تستحي فأصنع ماشئت ..
شادن أنصدمت!! ريييم ..
ريم تستهبل : لاخيالها ..
سلطان بالوقت اللي غاب فيه راح لشلة شباب حس انهم موب صاحين .. فراح يشوف أيش سالفتهم 
بحكم طبيعه شغله كشرطي وهاذي أمانه برقبته توجب عليه تطهير أشكال الفساد من ديرته .. 
تاكد من اللي شافه وتطمن لماشافهم قاعدين يستهبلون .. ورجع للسياره سكر الباب ومشى ..!
بعد مانزل كل بنات عمامه ببيت أبو شادن .على حسب ماطلبوا ..ورجع سلطان وصل ريم للبيت ..
ريم : كانت تبي تنزل .. وسلطان نبهها لمانادها ..
ريم ألتفتت متضايقه تنتظره يتكلم ..!
سلطان : ريم ..أنا اللحين ماشيئ للبر ويمكن اقعد فيه اليوم وبكرا .. تبين أوديكي لبيت اهلك تنامين هناك ؟!
ريم : كانت تعبانه وفيها نوم وخصوصا انها ماشبعت نوم اليوم .. وماكان نفسها تقابل أهلها بها الحال
ريم :بضيق قالت .. لاماأبي .. بنام هنا اليوم .. 
سلطان على راحتك.. 
وريم : سكرت الباب ومشت ..
دخلت ريم باب الفله وطاحت الطرحه على أكتافها .. مرت من عند الحديقه المتوسطه ملحق الفله 
لقتهم قاعدين هناك .. كانت من قلبها تتمنى تمر ومحد ينتبه لوجودها لأنها مي طايقه تشوف احد ولا تتكلم مع احد بالدنيا هاذي كلها .. حاولت تستعجل بخطواتها .. حتى مسكت كفها مقبض باب الفله .. ومن سوء حظها لقت خالتها ام سلطان بوجهها .. خالتها ام سلطان : هلاوالله الريم ..جيتي 
ريم : هلابك ..أي هذاني جيت 
خالتها أم سلطان : زين اشوا جيتي بوقتك .. هاذي انا بقومهم للعشاء ..فكي عباتك وانزلي تعشي معنا 
ريم : لاياخالتي والله مالي نفس 
خالتها : أي مالي نفس شوفي نفسك ماأكلتي شيئ من قومتك ..حتى الغداء ماتغديتي زي الناس 
حلفت الا تمشين معي 
ريم وخلاص خاطرها طايب من كل شيئ ولا فيها نفس تاكل ولافيها نفس لغير شيئ 
ريم بترجي مسكت أيد خالتها : خالتي تكفين لاتحلفين وربي تعبانه ومالي نفس ..أذا تبين راحتي 
أتركيني اصعد أرتاح بغرفتي 
خالتها ناظرت وجه ريم وأنتبهت لملامحها المتعبه رحمت حالها وقررت ماتضغط عليها : خلاص بكيفك
مع اني والله كان نفسي تجين معنا
ريم : تسلمين..عن أذنك أنا صاعده ..وتركتها ومشت 
راحت ريم لغرفتها ورمت عباتها مع الطرحه على الكنبه ومن بعدها غيرت ملابسها اللي حستها بدت تضيق على نفسها ..لبست بجامه حرير ليلكي واسعه ومريحه تبي تريح جسدها وتخفف عليها 
حطت ريم راسها على المخده وماتبي الا شيئ واحد ..الا وهو ان الأفكار تخف عن راسها وتبعد عنهاولو للحضات حتى تقدر تنام ..ولاكن هيهات .. وكان الصراع داخلها أقوى..ما بين جفونها المرهقه واللي ماتبي غير النوم 
وبين أفكارها اللي كانت الحاجر المنيع ..اللي تحاصرها من كل اتجاه ..ولا النوم أصبح نومها ولا الحياة هي حياتها ..هم وغم ..وزهق ..وحياة من دون طعم.. أشتاقت لأشياء كثييره .. 
أشتاقت للضحكه اللي تنبع من فرحتها .. وأشتاقت لطعم الراحه 
أشتاقت للنسيان اللي تتمنى يمحي لها كل ماضيها .. كان نفسها القليل بس من جرعه النسيان 
حتى تقدر ترتاح وتنام .. شلون تقدر تناسى صوته..وصورته اللي صارت مثل الشبح مخيم عليها ياليتها تقدر تنسى او حتى تتناسى ..مضى عليها الوقت على هالحال والأرق ذبحها .. زوايا الغرفه ضاقت ذرع بها 
ومي راضيه تخفي صورته من خيالها اللي اتعبتها .. شالت الغطى عن وجهها وطالعت الساعه لقتها 1
.. وقت طويل مر عليها وراسها مو راضي يريحها وينام .. شالت نفسها ومسكت مخدتها بأيدها 
وماردها غير غرفه رنا .. طقت الباب بشويش ..
رنا كانت توها منتهيه من تبديل ملابسها .. واقفه ماسكه الريموت تبي تشغل التلفزيون اللي بغرفتها 
رنا : يمه ادخلي مايحتاج تطقين 
ريم فتحت الباب ودخلت بهدوء ..
رنا اول ماشافت ريم قالت مستغربه ..ريييم !!
ريم رسمت على ثغرها طرف ابتسامه : وقالت بهدوء ..وشبك انفجعتي ..والله لو انك شايفه جني 
رنا : ضحكت ثم قالت : لا الجني ارحم ..انتي ابليس 
ريم : ومي رايقه تضحك ..دخلت ومن ثم قالت ..مالي خلقك اسس 
رنا : وش عندنا طابه عليكي السكينه ..وبعدين تعالي على فكره وش عندك جايه وجايبه معك مخدتك 
ريم : اممم ..أبي انام عندك اليوم ..ممكن 
رنا رفعت حاجبها مستغربه ..وسلطان وين..
ريم : سلطان بالبر ويمكن مايرجع الا عقب بكرا ..
رنا : صرخت مي مصدقه ..لالا..جد بالله وراحت لعند ريم وضمتها بأقوى ماعندها وصارت تنط نط 
واخيرا .. بتسوينها وتسهرين معي .. يختي الله يكثر من طلعات بر سلطان قولي امين 
ريم ضحكت ..و ثم قالت : اللحين قولي لي وين بتنوميني 
رنا تمزح : اممم ..اسمعي ..تشوفين باب الغرفه هاذا تطلعين من عنده .. وتوقفين على طول وتحطين عند الباب وسادتك وتعينين خير وتنخمدين هناك 
ريم : عز الله تسوينها ياقليلة الخاتمه ..
رنا : هههههه امزح معك افا عليكي انتي أن ماشالك السرير تشيللك عيوني 
ريم ايوا كذا .. ونطت على سرير رنا ..حطت وسادتها ..وقالت : يالله اللحين تصبحين على خير 
رنا رفعت حاجبها : وين وين وين ..أي نوم واي كلام فاضي ..انا ماصدقت متى أخوي المحترم يتركك ونسهر انا وياكي للصبح ونقععد نسولف .. ماني مافي نوم قومي على حيلك 
ريم ناظرت لرنا بترجي : تكفين يارنا مالي خلق والله ..خليها بكرا بأذن الله 
رنا كانت ملاحظه ملامح ريم المقلوبه ..وماخفت عليها لمعة الضيق بعيونها .. من بداية اليوم كانت حاسه فيها شيئ .. واللحين تأكدت .. كان نفسها لو ريم تتكلم وتقول كل اللي بقلبها وتكسر الكتمان وتريح نفسها وتريحها هي بعد وترتاح 
: سكتت وأحترمت حالة ريم .. وقررت تتركها على راحتها مثل ماتحب وراحت أنسدحت جنب ريم 
وبقوا أثنيناتهم جنب بعض .. كل وحده نايمه على مخدتها ..والصوت الوحيد اللي كان موجود بالغرفه 
هو صوت الهواء ..و نسمات الخريف وهي تلعب بالستاير 
بعد وقت .. ريم غمضت أجفانها ..وهدت ..بهدوء الغرفه 
رنا بعد تردد .. ريم .. تحسبيني ما اعرفك اذا صار في شيئ مضايقك وتحاولين تخبينه وتمثلين كانك طبيعيه 
.. صدقيني تمثلين على العالم كله ولاتمثلين علي 
ريم كانت تسمع كلام رنا وماردت
رنا :قامت على حيلها .. ليش مارديتي ..
ريم بعد مافتحت عيونها اللي صارت تدور بأنحاء الغرفه متشتته مثل احساسها .. 
ريم : مافيني شيئ ..
رنا : طول عمرك عنييده وتحاولين تتهربين من الحقيقه دايم الدوم .. 
ريم : رنا ابي انام اتركيني 
رنا : ماراح اتركك الين ماتقولين لي عن اللي بقلبك .. ياريم والله حالك مو عاجبني تدرين أحيان احسك 
متضايقه وتمثلين علي انك مبسوطه .. احيان احسك ببعض اللحضات تعيسه وتدعين السعاده 
ادري تبين تتضايقين من كلامي ..ولاكن هاذي الحقيقه اللي اشوفها بعيونك ..وهاذي حقيقه احساسي اللي بدى يحس بتأنيب الضمير 
ريم بعد صمت وعلامة أستفهام بانت على ملامحها ؟.. وش اللي يخليكي تحسين بتأنيب الضمير ..أنتي وش علاقتك 
رنا سكتت وماتدري من وين تجيبها .. علاقتي فيها اني احس اني انا اللي وصلتك لها المرحله 
ريم .. مافهمتك 
رنا .. أنتي فاهمتني زين ..أناقصد سلطان ..اللي أنا كنت سبب من أسباب وجودكم مع بعض 
ريم .. وش جاب سيرة سلطان يارنا ..

رنا : لأن مافي سيره شخص تخليكي تتصايقين وتكتئبين الا سيرته .. 
أناحاسه بها الشيئ .. لاوالله الا متأكده .. مهما تحاولين تمثلين تبقيين ممثله فاشله قدامي ..