Unicode
"Before we can forgive one another, we have to understand one another"
"တစ်ယောက်နဲ့ တစ်ယောက် ခွင့်မလွှတ်နိုင်ခင် အရင် နားလည်ဖို့လိုအပ်တယ်"
Emma Goldman
"မလိုက်ဘူးကွာ... ငါလည်းဘယ်သူမှ မသိဘဲ အဲ့ဒီ Gathering ကို ဘာလို့လိုက်ရမှာလဲ" နေလင်းမြတ် မျက်စိကြီးမှိတ် ခေါင်းကြီးခါပြီး တွင်တွင် ငြင်းနေသော်လည်း ငြိမ်းချမ်း က ချီပြီး မခေါ်ထုတ်သွားရုံတမယ် ဆွဲခေါ်နေလေသည်။
"ဟေ့ရောင် မင်းကိုခေါ်နေတာ မဟုတ်ဘူး.. မင်းကားကို လိုချင်နေတာကွာ..."
အော်လည်းအော် ဆွဲလည်းဆွဲ ရုန်းရင်း ဆန်ခတ်ဖြစ်နေကြသော သူငယ်ချင်း နှစ်ယောက်ကို မင်းခန့်ထည်က ကုတင်ပေါ်တွင် ထိုင်ကာ အူနှိပ်ရယ်ရင်း ကြည့်နေလေသည်။
"မင်းတို့ Organized လုပ်တဲ့ Gathering ပဲ။ မင်းတို့ပိုက်ဆံနဲ့ ကားငှါးပြီး ပစ္စည်းသယ်ပေါ့။ ဘော မို့လို့ ငါ့လာ ကုန်းဆင်းနေတာလား" နေလင်းမြတ်က အော်ရင်း အတင်းတွန်းပြီး ထလိုက်တော့ ငြိမ်းချမ်းတစ်ယောက် ဖုတ်ခနဲ ကြမ်းပြင်ပေါ်ကျသွားသည်။
သို့ပေမယ့်လက်သွက်လှသော ငြိမ်းချမ်းက နေလင်းမြတ် ပုဆိုးအောက်နား စ ကို ခပ်တင်းတင်း ဆုပ်ကိုင်ပြီး "ဟေ့ကောင် ပို့မှာလား မပို့ဘူးလား။"ဟုခြိမ်းခြောက်လေသည်။
"ဟေ့ကောင် မပို့ဘူးကွာ။ ငါ့လာ မခြိမ်းခြောက်...." နေလင်းမြတ်စကားပင် မဆုံးလိုက် သကောင့်သား ငြိမ်းချမ်းက ပုဆိုးကို ဆတ်ခနဲဆွဲလိုက်ရာ ကြမ်းပြင်ပေါ်တွင် ပုဆိုးလေးက ပုံကျသွားလေသည်။
ထိုအချိန်တွင် နေလင်းမြတ် မင်းခန့်ထည်ကို ကြောက်လန့်တကြား လှမ်းကြည့်မိတော့ မင်းခန့်ထည်က ခေါင်းငုံ့ကာ မျက်နှာလွှဲ ထားလေသည်။ ပြီးတော့ ပါးလေးနှစ်ဖက်က နီရဲနေသလို.....
"ငိုးမ.. သေချင်ပြီလား.." နေလင်းမြတ် ပုဆိုးကိုပြန်ဆွဲတင်ဖို့လုပ်တော့ ငြိမ်းချမ်း က အတင်းပြန်ဆွဲထားရင်း " အဲဒါဆို လိုက်ပို့" ဟုအော်လေသည်။
YOU ARE READING
ရယူခြင်:မှ ဝေးရာဆီ (ရယူျခင္းမွ ေဝးရာဆီ)
Romantikပေးဆပ်ခြင်းဆိုတဲ့ အရာကို ငါက ကျစ်ကျစ်ပါအောင် ဆုပ်ကိုင်ထားတုန်းမှာ မင်းကတော့ ရယူခြင်းရဲ့ ဝေးရာကို ဆက်တိုက်သွားနေခဲ့တယ်... ဒါ့ကြောင့် ထင်ပါရဲ့.. တို့နှစ်ယောက် မဆုံနိုင်ခဲ့တာ.. ------------------------------------------------------------ ေပးဆပ္ျခင္းဆိ...