TOUCH ME AGAIN

Part 2.3

Lobo.

xxDeucexx

Pumasok kami sa gate ni Aling Lelay. She smiled when she saw the empty cart. Pagod na umupo si Dalisay doon sa monobloc na nakalagay sa may gate samantalang ako ay nag-obserba.

"Ubos na?" Dalisay smiled and nodded. Nagtama ang mga mata namin ni Dalisay pero inirapan nya lang ako. Napalunok ako.

Galit ba talaga sya sa akin?

"Ito na ang bayad mo, bukas ulit ha!" Aling Lelay said while she handed Dalisay money. Ngumiti muli si Dalisay at binilang ang pera na hawak nya. Pinagparte nya ito pagkatapos ay tumingin sa akin.

"50/50" Sambit nya sabay lahad sa akin ang ilang pirasong papel na binilang nya. Tinaasan ko sya ng kilay. Tinaasan din nya ako ng kilay. Sinamaan ko sya ng tingin, ganoon din ang ginawa nya sa akin.

"Hindi ko kailangan." Sabi ko. Nagkibit balikat sya na parang walang pakialam.

"Okay, more for me.." Aniya.

Nainis ako!

"Teka nga, galit ka ba sa akin?" Humarang ako sa dadaanan nya kaya huminto sya. Tumingala pa sya para magtama ang mga mata namin.

"Bakit naman ako magagalit sayo?" Nakairap na sabi nya.

"Eh bakit nga ba?" Tanong ko pabalik.

"Kung galit man ako, ano naman sayo? Wala pa ngang bente kwatro oras tayong magkakilala apektado ka agad." Akusa nya. Kung makipag-usap ang babaeng ito sa akin para bang ang tangkad tangkad nya.

"Ano? Affected ka?" Panghahamon nyang tanong.

"Hindi ah!" Sagot ko naman.

"Pwede ba, tanggalin mo sa imahinasyon mo na magkakagusto ako sayo dahil may nobyo na ako!" Nabigla ako sa kanyang sinabi, parang may katiting na kirot sa dibdib ko, hindi ko alam kung mula ba sa surot ng saging.

"Eh ano naman kung may boyfriend ka? Sa dating mong yan, hindi na ako magtataka kung magkagusto ka sa akin! Matang mapang-akit, katawang marikit--" panunuya ko sa kanya. Gusto kong matawa sa ekspresyon nya, para syang bata na natalo sa isang diskusyon.

Boyfriend pala! Ha! Buti may pumatol! Malamang bingi iyon dahil masyadong masakit sa tenga si Dalisay.

"Mas matipuno yon sayo, mas gwapo, mas matalino, mas---"

"Maniwala naman ako sayo! Hindi pa ipinapanganak ang tatalo sa kagwapuhan ko!" Pagmamayabang ko. She frowned harder, mukhang inis na inis na sya dahil namumula ang kanyang ilong.