A strange turn of fate brought them together...
Nailigtas ni Ayesha ang buhay ng casino owner na si Boris Javier. At bilang pagtanaw ng utang na loob, tutulungan siya nitong maipa-opera ang kanyang mga mata na nagkaroon ng diprensya sa isang akside...
Naramdaman ni Ayesha ang nagdaang tension sa katawan ni Boris nang yakapin niya ito.
"Self-defense ang ginawa mo," wika niya rito.
"Was it?" nagkaroon ng garalgal ang tinig nito.
Masuyo niyang nahagod ang likuran nito. Kaydaling sabihin na nauunawaan niya ito, na alam niya kung gaano kabigat ang dinadala nito. Subalit batid niyang walang salitang makapagpapagaan sa kalbaryong nagpapahirap dito.
"Pagkatapos ng nangyari kay Victor, hindi ba siya ipinahanap ng kanyang mga magulang?"
"That's what bugs me. Two weeks after the incident, Mrs. Loren Meneses left the country. Nang subukan kong kausapin si Mr. Meneses ay galit niya akong ipinagtabuyan. Mula rin noon ay hindi ko na sila tinangka pang kausapin. I kept myself busy. Bagay na hindi mahirap gawin dahil ng mga panahong 'yon ay fully operational na ang Polaris."
"You're not really a monster like you want everyone to believed."
"Ayesha—"
"Hindi mo sinikap maitayo ang Polaris dahil sa pansariling ambisyon. Itinayo mo ito as a sign of redemption. Tatlong foundation ang sinusuportahan ng Polaris na naglalayong maituwid ang landas ng lahat ng mga kabataang naging biktima ng droga. Hindi pa kabilang dito ang full-time scholarship program para sa mga mahihirap na mag-aaral, livelihood program for abused women, rehabilitasyon at tulong-pangkalusugan para sa mga mentally handicapped—the list is long. At lahat ng ito ay ginagawa mo sa tahimik na paraan."
"Sinabi sa'yo ni Luke?"
Umiling siya. "Napapakinggan ko lang ang pag-uusap nila ni Alex. At 'yong tungkol sa operasyon ko, I heard you asked for the best medical team to do the procedure."
"I owe it to you."
"Marahil. Pero simpleng medical assistance lamang ay malaking bagay na."
"Huwag kang magpinta ng imahe ng isang santo sa isipan mo, Ayesha. Baka ma-disappoint ka. I used and hurt so many people to achieve my goal."
"It's okay. Hindi ko naman pinangarap magka-boyfriend ng santo."
"N-nakapatay ako. Nakipagrelasyon ako sa mga babaing may-asawa para makapag-aral at makatikim ng ginhawa sa madaling paraan. At nang mangailangan ako ng karagdagang pondo para sa Polaris, ginamit ko ang naging relasyon ko sa kanila to extort some money."
"Sa magkakaparehong sitwasyon ay nagipit ka."
"Ayesha..."
"Hindi pa ba malinaw sa'yo? Mahal kita. Tanggap ko ang lahat-lahat sa'yo."
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
"Oh, God."
***
NABIBIKIG sa emosyong mahigpit na nayakap ni Boris si Ayesha. Noon ay nahiling niyang sana ay kayang hugasan ng ulan ang batik sa kanyang pagkatao upang maging karapat-dapat siya sa babaing minamahal. Ngunit hindi niya pala kailangan ng ulan, ang kailangan niya lamang ay isang taong tatanggap at magmamahal sa kanya sa kabila ng kanyang pangit na nakaraan.
