TOUCH ME AGAIN

Simula

"Dos. Late ka na naman!" Tsk, Dos.

What The F*ck?

Para saan pa at pinangalanan ako ng Deuce kung Dos rin lang pala ang itatawag nya sa akin?

Binaba ko ang backpack ko sa sofa, t*ngina. Papasok na lang may pabaon pang sermon mula kay Attorney Hades Montemayor The Great. The Best Lawyer in Asia, probably one of the best in the world, pero t*ngina lang, the worst father in the world ang gunggong.

"I am in a rush, Dad." Pagod ko syang tiningnan, nangangalumata pa sya at mukhang kakauwi pa lang mula sa trabaho, it's 8am WTF? Kaya nga ayokong mag-abogado, walang social life. Ibabagsak ko talaga ang Bar, makikita nya.

"Paano ka magiging abogado kung wala kang sense of time?" Here we go again, eh sino bang gustong mag-abogado dito? Hindi ako kumibo at inilabas ang librong hindi ko kakailanganin ngayong araw.

"Sabi ni Nita, alas tres ka na naman umuwi?" He continues. "Ilang litrong alak na naman ang nilaklak mo? I should sue Valkyrie or Gramercy for letting you in."

Seriously? Go ahead. Andyan naman ang House Manila at Pool Club.

"Baka hindi tayo nagkakaintindihan dito? Bar Exams at hindi Bar Drinking Session ang ipapasa mo!"

"Dad, I understand but I need to relax, pucha, ang hirap ng criminal law, kapag hindi pa ako uminom, baka hindi na ako abutin ng isang taon sa Law School." Pagdadahilan ko. Pabagsak kong ibinaba ang libro ko at kumunot ang noo  muli ni Daddy.

"Nagdadabog ka ba?"

"Hindi po Dad, napalakas lang." Naglakad ako patungo sa Key holder para kunin ang susi ng sasakyan ko. Ilang ulit kong hinalungkat, tiyak kong nilagay ko lang dito yun kagabi. Lasing ako pero nandito lang yon.

"Ito ba ang hinahanap mo?" Napalingon ako kay Daddy na winawagayway ang susi ng Camaro ko. I groaned. T*ngina paano naman ako papasok nyan?!

"I think I am spoiling you too much."

Spoiling? Wow ha. Spoiled pa ako sa lagay na to. Kulang na lang lagyan ako ng tracker sa paa. I got that Camaro when I passed Business Law, it's not that he gave it for free!

"Dad, I am running late, paano ako papasok?"

"Commute! Your month allowance is equivalent to a year's allowance of a normal student. You know what? I shouldn't be treating you a special student, nagiging abnormal ka tuloy."

Napahilamos ako sa mukha ko. Buti pa si Tres, nakukuha ang lahat ng gusto. He wanted to master business, he was able to do it, Ate Unah is a doctor too. Talaga bang kapag nasa gitna, ikaw ang less favored? Ang malas naman!

"Fine. Im leaving Dad!" Kinuha ko ang bag ko at hindi ko na sya tiningan. Paksyet talaga tong buhay na to. Paano ba magcommute?!

Naglakad ako patungong highway, buses are passing pero hindi ko alam kung alin ang papapuntang Law School. Pag ako nainis, hindi na talaga makikita ang anino ko sa Law School na yon.

Tumingin ako sa paligid, MRT Station. Alam ko may malapit din na train station sa Unibersidad de San Miguel, but what do they call that f*cking station? Kahit hindi ako sigurado, naglakad pa din ako. I really have no idea what I am doing.

"Boss, paano ba sumakay dito?" I asked the guard who is currently inspecting my bag.

"Sasakay ka lang sa Bagon." Pilosopo nyang sabi sa akin na napapangiti. Nagsalubong ang kilay ko. I hate it when people uses their sacrastic tone to me, it angers me. Kinuha ko ang wallet ko at naglabas ako ng isang libo.

"Paano sumakay ng tren? Pupunta ako sa Unibersidad de San Miguel at hindi ako marunong sumakay, kung sasagutin mo ang tanong ko bibigyan kita ng isang libo, kung hindi mo ako sasagutin, kakasuhan kita, abogado ang tatay ko."