-----
Hinanap ko ang hustisya
sa kurot ng asin
at tambak ng malamig na kanin
ng hapunan;
sa lunok ng laway na almusal;
sa dalawang basong tubig na tanghalian.Wala.
Hinanap ko ang hustisya
sa warak na bubongat gunit na dingding;
sa sahig na butas
at pilay na mesa;
sa malamig na papag na pinanawan
ng anak, ama at ina;sa lambong ng pighati
ng buong kabahayan.Wala.
Hinanap ko ang hustisya
sa limang numerong kabayaran
tuwing kinsenas, katapusan;
sa barya at papel
na dumadaan
sa makalyong palad
at payat na katawan;
sa masakit kong uloat pula kong mga matang
tamad nang magmulat sa pag-uumaga
at pikit nang bumabagtas sa daansa pag-uwi sa hatinggabi
mula sa mas nakamamatay
na kabuhayan.
Wala.
Hinanap ko ang hustisya
sa gitna ng EDSA
kung saan natrapik
ang aking anibersaryo, hapunan,
pakikipagkita, pamamasyal,
pasensiya
at kaarawan;
sa sirit ng presyo ng gasolina
kung saan bumaba
ang aking mga paaat nakipaglaban
sa aspalto at rayuma;
sa taas ng presyo ng bigas at gataskung saan nanganib
ang aking sikmura
at umiyak ang aking sambahayan;
sa latag ng banig ng mga resetana pangarap bilhin
sa tuwing may karamdaman.Wala.
Hinanap ko ang hustisya
sa dilim ng eskinita
kung saan dinaklot ang aking dalagang mga taong kaluluwa'y
nakasangla sa droga
at hayok sa lamangpinagpasa-pasahan
hanggang kamatayan.
Wala.
Isinigaw ko ang hustisya
sa mga kapulungan;
ipinagmartsa sa mga liwasang-bayan;lumapit at nanikluhod
sa may-kapangyarihan;
umawit sa saliw ng lumang tugtugan
ng mga buwaya sa kalupaan;
at napagtawanan matapos talikuran.
Wala.
Hinanap ko ang hustisya
sa aking mga kamay.
Naroon. Naroon nga naman. #
YOU ARE READING
Art for Heartaches (Poems)
PoetryWhen we feel too much, we rhyme. | Poems in Filipino and English. Collection.