The Lustful Neighbor | R-18

Chapter Fifteen

"Yes! I said those words to you but I can't just leave you here crying all night. C'mon I will take you for a ride."

"Saan mo ko dadalhin?" Tanong ni Carlo. Bigla kasing hinatak ni Bullet ang kanyang kamay at nagsimulang maglakad papalayo sa may playground.

"I said I will take you for a ride. Don't you get it?" Wika ni Bullet.

"Naiintindihan ko yung sinabi mo sir pero ang gusto kong malaman kung saan lupalop na naman tayo mapupunta? Hindi ako nakapagpaalam sa mga magulang ko, baka mag-alala sila kung matagal akong mawawala sa bahay." Ang pangamba ni Carlo.

"Tch. Nakuha mong magmukmok dito sa playground in the middle of the night without them knowing and now you're telling me that you're worried na baka mag-alala sila? How ridiculous!" Bulalas ni Bullet. Pinilit ni Carlo na kalasin ang kamay niya sa mahigpit na pagkakahawak ni Bullet. "Oo na! Kasalanan ko na! Kasalanan ko na kasi nagmahal ako kaya ako nasasaktan. Kasalanan ko na kung bakit ako nagseselos. Kasalanan ko na kasi bakla ako at hindi ko kayang ibigay ang hinahanap ng karelasyon ko. Mayroon ka pa bang idadagdag?" Sarkastikong sabi ni Carlo.

Hinintay niya ang sasabihin ni Bullet ngunit nanatiling tahimik ito at nakatitig lamang sa kanya. Mas lalo nainis si Carlo sa ginagawa ng lalaki. Pakiwari niya ay palihim itong natutuwa sa nangyayari sa kanya ngayon. "Hindi ako sasama sa'yo." Ang matigas na pagkakasabi niya kay Bullet.

Ngunit tila naging bingi ito sa kanyang sinabi dahil muli siyang hinawakan ni Bullet sa kamay at kinaladkad pabalik. "Ano ba!? Nasasaktan ako." Wika ni Carlo. Huminto naman si Bullet at nilingon siya nito. "I'll give you two options. One is hahatakin kita papunta sa bahay ko dahil nandoon ang kotse na gagamitin natin or two, bubuhatin kita mula rito pabalik. You decide." Ang seryosong sabi ni Bullet. Nagtagisan ang kanilang mga mata na tila naghahamon kung sino ang unang bibigay. Wari'y nagpapakiramdaman kung sino ang unang susuko sa pagitan nilang dalawa.

"Okay. Maglalakad na ko." Ang tanging nasabi na lang ni Carlo bilang pagsuko sa determinadong si Bullet. Nagsimula na muli ang kanilang paglalakad pabalik sa kanilang bahay. Ilang bahay na lamang ang pagitan bago ang bahay ni Carlo ay muling huminto si Bullet sa paglalakad. "Oh bakit ka huminto?" Nagtatakang tanong ni Carlo. "Wait for me here. Ako na lang ang kukuha ng kotse. Huwag kang magtatangkang tumakas." Ang sabi ni Bullet. "Anong gagawin mo kapag tumakas ako aber?" Tila naghahamon na tanong ni Carlo sa kanya. Naging seryoso ang mukha ni Bullet. Lumapit ito sa kanya na halos hininga na lang ang pagitan. "I will kiss you if you try to escape from me." Wika niya. Hindi naman agad nakapagsalita si Carlo dulot ng pagkabigla. "I'll go ahead. Don't you dare to run, cookie virgin. I'm warning you." Banta ni Bullet pagkatapos ay umalis na ito papalayo sa kanya. Doon pa lamang nakahinga ng maluwag si Carlo. "Iba pala magseryoso yun, nakakatakot!" Ang wika niya sa kanyang sarili ng wala na ito sa paningin niya.

Ilang saglit lang ay huminto sa kanyang harapan ang kotse ni Bullet. Ibinaba nito ang kanyang bintana. "Get in." Utos niya. Wala naman nagawa si Carlo kundi pumasok sa loob ng kotse. Dahil sa sobrang kaba niya ay nahirapan siyang ikabit ang seat belt sa kanyang katawan. Napansin naman ito ni Bullet kaya lumapit ito sa kanya upang siya ay tulungan. "Let me help you with that." Wika niya. Halos hindi naman makahinga si Carlo dahil sa sobrang lapit ng mukha ni Bullet sa kanya. Lalo tuloy lumakas ang tibok ng kanyang puso sa kanyang dibdib. Nalalanghap din niya ang pabango na gamit nito, lalaking lalaki kahit nag-jogging ito kanina. "Ito siguro ang dahilan kung bakit maraming nahuhumaling dito." Wika ni Carlo habang nakapikit ang kanyang mga mata. Kahit anong pagtitimpi ay hindi niya mapigilan na hindi amuyin ang lalaki. "Smells good isn't it?" Tanong ni Bullet na kanina pa pala siya pinagmamasdan. "H-Ha? H-Hindi kay-ya. U-Umalis na nga tayo-o." Ang nauutal na sabi ni Carlo. Napangiti naman si Bullet sa naging reaksyon nito sa kanya. "As you wish."