រឿង:ម្ចាស់ក្លិនម្ចាស់ស្នេហ៍
និពន្ធដោយ:CHRISTIAN MOON-គ្រីស្ទាន ម៉ូន
«ខ្ញុំមិនអាចរៀបការជាមួយលោកបាននោះទេ ព្រោះខ្ញុំមានមនុស្សដែលខ្ញុំស្រលាញ់ហើយ»
«មានក៏មានទៅយើងមិនខ្វល់ សំខានអោយតែឯងបានខ្លាចមកជាប្រពន្ធរបស់យើង»
«លោកឯងឆ្កួតមែនទេ?»
«ត្រូវហើយយើងឆ្កួត តែយើងឆ្កួតព្រោះតែឯងនិងហើយ»ជេគពេលនេះគេអស់ពាក្យនិយាយជាមួយស៊ុងហ៊ុនហើយ បានត្រឹមស្ងាត់ខាំមាត់ខឹងនិងស៊ុងហ៊ុនតែម្នាក់ឯង។ ស៊ុងហ៊ុនឃើញជេគលេងតបតមកកាន់គេទៅហើយ គេក៏ដើរចាក់ចេញទៅ។
ចុះមកដល់ខាងក្រោមភ្លាម ស៊ុងហ៊ុនក៏បញ្ជាអោយជេហានយកឡានមកអោយគេ រួចក៏ដើរចូលទៅក្នុងឡាន ហើយក៏មិនភ្លេចដូចគ្នាគឺថាផ្តែផ្តាំអោយជេហានមើលជេគអោយបានល្អ ហាមអោយជេគទៅណាជាដាច់ខាត់ បើសិនជាជេគគេហ៊ានរត់ស៊ុងហ៊ុនក៏បានអោយជេហានដាក់ច្រវ៉ាក់ជេគទុកតែម្តង។
ជេហានអោនក្បាលទទួលបញ្ជាចៅហ្វាយ។រួចគេក៏ដើរចូលទៅខាងក្នុងបាត់ទៅ ចំណែកស៊ុងហ៊ុនវិញក៏បានបើកឡានចេញទៅយ៉ាងលឿនសម្តៅទៅកាន់ផ្ទះមនុស្សម្នាក់ដែលគេតែងតែហៅបងធំៗមិនដាច់ពីមាត់។
បើកឡានរាងយូរគួរសមពេលនេះ ស៊ុងហ៊ុនក៏បានមកដល់ផ្ទះដែលគេចង់មក នាយបើកឡានមកចត់នៅពីមុខផ្ទះ នេះមិនមែនហៅថាផ្ទះនោះទេហៅថាភូមិគ្រឹះទើបសម ព្រោះថាទីធ្លាទាំងមូលពិតជាធំខ្លាំងណាស់។
«លោកម្ចាស់អ្នកប្រុសតូចមករក»កូនចៅដែលបានឃើញស៊ុងហ៊ុនបើកឡានចូលមកក្នុងផ្ទះ គេក៏ប្រញាប់ប្រញាល់រត់ចូលមកប្រាប់ម្ចាស់ភូមិគ្រឹះយ៉ាងលឿន។
«យើងដឹងហើយ» ឆ្លើយតបទៅកូនចៅហើយអ្នកដែលមាននាមជាចៅហ្វាយក៏បានដើរចេញទៅខាងដោយមានកូនចៅជាច្រើនបានដើរតាមពីក្រោយគេ។
«មិចក៏យកកូនចៅមកច្រើនយ៉ាងនេះ ក្រែងផ្ទះមួយនេះគឺជាផ្ទះរបស់បងហី មិចក៏ត្រូវខ្លាច»
«អ្នកណាថាយើងខ្លាចឯង?ល្មមឈប់គិតខ្លះទៅថាអ្នកដទៃគេមិនស្មើនិងឯង»
