.
Chapter Eleven
"OUT WITH MY FOLKS to gather the men for our announcement. Enjoy yourself. Miss you
already. Love you. Your Benje-man"
Kinikilig na hinalikan ni Yuna ang nabasang note na iniwan para sa kanya ni Benjamin.
Pagkatapos ay nagmamadaling dinampot ang telepono para tawagan ang mga kaibigan. Inuna niya si
Miranda.
Pagkasagot nito sa tawag niya ay naunahan pa siya ni Miranda sa pagtili.
Kasalukuyan na nagbabakasyon sa probinsya ng mga lolo at lola niya si Miranda at ayon dito ay
sangkaterba ang naging manliligaw nito. May napupusuan na raw ito at balak ng sagutin.
Nagpalitan sila ng tili at balita tungkol sa kanilang mga lovelife.
Halos isang oras din siyang nakipag-telebabad sa mga kaibigan. Kung wala pang katulong na
kumatok para ipaalam sa kanyang inutusan ito ni Benjamin para personal siyang asikasuhin ay hindi pa
sana sila mahihinto sa kuwentuhan.
"Lisa, pwede mo ba kaming iwan ni Yuna?" tanong ni Valerie sa katulong nang makasalubong
nila ito habang naglilibot sa paligid ng mansion.
"P-Pero Miss, personal pong ibinilin sa akin ni Sir Benjamin na samahan ang fiancée niya at
personal na asikasuhin habang wala siya," katwiran ni Lisa, hindi umalis sa tabi ni Yuna.
"Lisa!—"
"It's okay Lisa," agap ni Yuna nang makitang akma itong pagbubuhatan ng kamay ni Valerie.
"But ma'am," nag-aalala siyang nilingon ng dalagang katulong na kahit na ilang oras pa lang
niyang nakakasama ay nakasundo na niya.
"It's okay," giit ni Yuna at pinilit itong iwan na sila ni Valerie. Sa huli ay walang nagawa si Lisa
kundi ang bantulot na lumayo.
"Hmph! I see. Kahit katulong ay mas pinakikinggan ka na kaysa sa aking ipinanganak na bahagi
ng pamilya," nakaismid na simula ni Valerie nang lubusan ng makalayo si Lisa.
"Ano'ng kailangan mo sa akin, Valerie?" mahinahong tanong ni Yuna, hindi pinansin ang harapharapan
nitong pagdeklara ng hindi pagtanggap sa kanya. "Kung narito ka para insultuhin na naman
ako tulad nang unang araw akong dumating ay alam mo sanang hindi 'yan tatalab sa akin. At kung
sakali namang gusto mong siraan si Benjamin o kaya naman ay sabihing hindi ko siya kilala, give it up.
I already know everything."
Tumalim ang pagkakatingin sa kanya ni Valerie pero sinikap nitong ngumiti. "Alam ko. Gusto ko
lang sanang itanong kung alam mo na rin bang ako ang unang minahal ni Benjamin?"
"That, too," maikli niyang sagot. "Kung iyan lang ang balak mong sabihin, please excuse me,
gusto ko nang ipagpatuloy ang ginagawa kasama si Lisa," aniya sabay talikod.
"Alam mo rin ba na dahil sa pagmamahal niya sa akin ay pinatay ni Benjamin ang lalaking
pinagseselosan niya?" Pahabol na tanong sa kanya ni Valerie.
YOU ARE READING
Romantic Love Stories
RomanceRomantic Love Stories 1. Ang Revenge ni Miss Panget 2. That Handsome Devil 3. Love At First Spark 4. When a Tomboy turns to a Pretty Girl