الخطيئة الثلاثون🕊️

15.6K 1.2K 506
                                    

خطيئة لاتغفر الغوث
بقلمي:اية الطائي
----------------------
مابيّة حَيل اخِذ نِفَس
ماعِندي واهِس للحَچي
مِن برّة تِلكاني ابتسِم
ومِن جوّة اطِك مِن البَچي
مابيّة اڪمِّل هالدَرُب
تعبَان خلوني انتچي

قراءه ممتعه🕊️
-----------------------
رواسن"التعب لملم بروحي انسان مااعرفه"

#مهم التصويت والتعليق بين الكومنتات بارت طويل اتفاعلوا+البارت الجاي اذا تريدوا باجر بدل السبت صعدوا التعليقات

رواسن:
اخر شي سمعت صوته كال
-منين هذا الدم

رفعت راسي شويه
-لج ليش هيج خشمج نازف شو شويه كومي وياي

صارت عيني على السجاده جان لونها على البيجي وصاير بيها طكعة دم شكبراتها ،مديت ايدي لخشمي معقوله هيج طاك هالكد

صُهيب-شو بله كومي غسلي خلي اقيس ضغطج

ماعرف شجاني جسمي وراسي حيل يأذيني دخلت للحمام غسلت وطلعت التفتت بأرجاء الغرفه ماموجود ماهتميت رحت تمشيت للفراش خليت راسي على المخده توني بديت اغفي وفزيت عليه جان يقيس ضغطي

باوعلي بأستغراب ورد سئل
-ليش هيج ضغطج مرتفع ماكله  شي مالح  ماخذه علاج؟

هزيت راسي لا وهو كضاها يتأفأف نزل للصيدليه يجيبلي علاج وايه جتي يمي خطيه مرعوبه

-مابيه شي والله شبيج

ايه-امانه مابيج شي

-هههه والله ماكو شي شبيج

ضلت كاعده يمي وهو ماطول ورجع اخذت العلاج شربت وكلت انام شويه علما يكعدوني

تقريبا ساعتين وكعدني جانوا محضرين نفسهم وينتضروني اكعد اخذت ملابسي سبحت وطلعت اكطع بشعري مالي واهس امشطه

صُهيب-كافي تعتين بي شبيج تخبلتي

باوعتله بنص عين ورجعت امشط بي والله هو سرح بس اني مخبله اعت بي عت اضوج منه حيل ثخين رغم موهواي طويل كملت تبديل وطلعنه

شفت الطريق بين بيتهم والفندق صار كلش طويل وبطني تمغص بيه حسبالك اني الي جاي يخطبوني بعد مده موقليله وكفنه كدام بيت كلش فخم وبمنطقه راقيه

مصطفى-يله نزلن موتجفصن وتفضحنه

فكيت حلكي مترين مصدومه

رواسن-دقيقه دقيقه تريدوني اني اروح اخطب وانتوا لعد!!

صُهيب-غير النسوان تروح بالأول !!

باوعتلهم مصدومه
-شبيكم اني شمعرفني اخطب ؟

ضلوا يقنعون بيه وعلي خو سوحل نفسه استسلمت للأمر الواقع ونزلنه دكينه الباب طبعا همه من البارحه منطين خبر نجيهم زيارة

خطيئة لاتغفر الغوث(الأصلية) حيث تعيش القصص. اكتشف الآن