خطيئة لاتغفر الغوث(الأصلية)

الخطيئة الثامنه عشر🕊️

خطيئة لاتغفر (الغوث)
بقلمي الكاتبه ايه الطائي

صُهيب.....
رحتلها وشفتها
وروح حضنت روح
الحقيقه وي الحلم وثنينهن طبكن
العيون استراحن هودن بالشوف
والكلوب التقن وبشوكنه احتركن

لـسمير صبيح♥️
حساباتي
التلي:-aya221a
الانستا:-ayosh_ayosh122
----------------------------------------
فتحت عيوني ورجعت غمضتها شفايفي ترجف واحس حلكي يبس

عرفت جتني نفس النوبه خله ايده ع ضهري يفرك بي واحس قطرات مي تنرش على وجهي

-ياااقوت شبيج جاوبيني يااقوت
سحبت نفس قوي ورجعت اباوعله
ياقوت:-م.. م... مي

ركض بسرعه جاب مي ورجع غسل وجهي وشربني

غمضت عيوني وبجيت بأستسلام
-افتح ايدي الله يخليك والله مجاي اكدر اتنفس

رفع ايده مسح على وجهي بس افر براسي اريده يوخر مااريد يلزمني حرااام يربي حررام

حازم:-ثواني ياقوته ثواني

فتح ايديه واني اناشغ

حازم:-هاهيه والله مامسويلج شي سكتي

-رجعني الله يخليك

زفر نفس قوي اتربع وكعد كدامي

حازم:-خلينه نزوج والله العضيم اخليج بعيوني

بلعت ريكي ساكته اترقب الهدوء الي هو عليه مااريد احجي شي واخليه يعصب عليه

حاولت اسايره بالكلام

-اذا رجعتني عادي نتزوج بس مو هيج حازم الله يخليك مو هيج

حرام عليك الي جاي تسوي اليحب مايأذي وانتَ جاي تأذيني والله كلبي راح يوكف من الخوف فدوه خليني ارجع

هز راسه وضحك ضميت ايدي لكلبي منها فرحانه ومنها خايفه خاف يغير رئيه

مديت ايدي جاي افتح رجلي وصاح بصوت عالي

-بس اخووووج ماراااح يقبل ماااراح يقبل

بلعت ريكي خايفه بس ارجف رجع عليه يهز بأكتافي

حازم:- نتزوج وبعدين ارجعج اخوووج ماينطيج واحد حقيرررر

افتر افتر بالغرفه وكل شويه يرجع يصيح ويغلط عليه

صارت عيني ع الطابوكه شلتها وخليتها بحظني حاظنتها وارجف لحظات تكتم الانفاس خوف ورهبه احس كلبي راح يطلع من مكانه هالكد مايدك حيل

ظل واكف بصف الشباك يدخن جكاره وره جكاره بهل أثناء احاول افك رجلي ومن يلتفت بسرعه ارجع طبيعي كأنوا ماكو شي

أخير شي كدرت افتحها مع اني ابدايه الأمر بس ماتتخيلون الفرحه الي اني بيها

عصرت الطابوكه بأيدي حيل وكمت امشي بأتجاهة الله يشهد عليه كل خطوه اخطيها تجاهة تسلب درجه من عافيتي