خطيئة لاتغفر الغوث(الأصلية)

الخطيئة الخمسون🕊️

خطيئة لاتغفر الغوث
بقلمي اية الطائي
--------------------
#وصلنه للبارتات النهائية ماتبقى الأ القليل للختام(6_7بارتات)ماضل الأ أيام معدوده ونودع اجمل قصة كتبتها بقلمي خطيئة لاتغفر الغوث🥺💔

"ماتلگاني بشخص ثاني وهذه اكبر هزايمك"....

حياة:
دنائة الشخص وحقارته وعدم مخافته من الله وتجرده من الأنسانيه ممكن تخلي يسوي أي شي بدون مايفكر بالعواقب...

وهيج جانت حياتي هواي صادفت ناس ماعدهم ذرة غيرة ومخافة من رب العالمين روحي صارت ترفرف جواه مثل طير مذبوح وهو ذاب كل حيله عليه

مد ايده يريد يرفع ثوبي وماعرف شلون صارت عيني على الكلاص مال مي سحبته ومن لوبان روحي رفعت ايدي وضربته على راسه...

وخر مني فاتح عينه بصدمه حسباله راح اسكت واخاف واطمطم اله عملته واني سويت العكس وصرت اصرخ وابجي ورغم ضربته رجع يسد بحلكي صاح بيه خلاني ارجف...

ابو محمد:لج والله محد راح يندم غيرج ياساقطة

دفعته حيل وطلعت ابجي منهارة وبأيدي لازمه صدر ثوبي الي شكه عليه..

ركظت بالممر وتلكوني كلهم صاعدين مرعوبين على صوت صريخي جُمان اول ماشافتني لطمت على وجها وشهكت مفزوعه من منظري...

ركظت ختلت وراها جسمي يرتعد مثل السعفه...

جُمان:ياصخام الصخمني ولج شبيج شنو هذا وضعج

بعدني اريد احجي توني فكيت حلكي واجاني كلامه اللاذع مثل خناجر نبت بصدري...طلع من الغرفه ضاغط على جرحه بأيده والدم معبي وجهة

الكل كان مصدوم واني انصدمت صدمت عمري منه شلون هيج بكل سهولة وبلا ضمير طعن بيه وبشرفي

ابو محمد:لج لزميها جُمان خويه لزميها هالعار وين تروح مني اليوم كلبه بنت الستين كلب تحاولين تغريني وتذبين تهمه براسي ولج تخسين انا ابن عكاب تريدين تلعبين عليه

بلعت ريكي بخوف موسعه عيني على كبرها احس لساني نعقد والله ماعرفت بوقتها شلون راح ابرئ نفسي من هاي التهم البشعه

جُمان:ابو محمد لاتخليني اطلع من ماعوني شهل حجي وبعدين أنتَ شصعدك لغرفتها

لزمت بثوب جمان ابجي واتوسلها بنضراتي المكسورة واترجاها تصدكني الي مااعرف شلون فجأه كدرت احجي وصرخت بي احاول انفي كلامه...

حياة:لاتجذب والله حرام هيج تسوي خاف ربك مو أنتَ الي حاولت تعتدي عليه ماوكف بعينك اني مرت ابن اخوك

اني حجيت هيج انقض عليه سحبني منهن من شعري وجُمان تحاول تاخذني بس مانكدر عليه خلاني على حافة الدرج يريد يدفعني ليجوه واني مختنكه بأيده حاسه روحي راح تطلع واسمع يصيحون عليه وهو يصيح..