الخطيئة الخامسه والعشرون🕊️

12.4K 921 419
                                    

شايف من يجـن كلـهـن
ولازم كــون تحملــهن
لا بــيـك التأجلـهـن
ولا بيك التخلصهن
⁦---------------------
مهم:صوتوا وعلقوا شكد ماتكدرون علقوا هواي لاهيج يضل تفاعلكم حتى انزل الكم من وكت،البارت الجاي السبت ساعه 11مساءا
------------------------------
إيه:-
اباوع لرواسن ضحكت هاي شبيها
رواسن-دوخري شويه يريد يدخل

خرب بروحي خرره عليه يابه من الفشله حتى نسيت وجع ضهري ومدري شلون طكيتها ركضه للغرفه واسمع رواسن تضحك من كل كلبها شكد جلبه اني اعلمج ماكلتلي هو ورايه

-صخاام اليصخمج ياايه تخزيتي نفضحتي يبووو

هيام-وسم خلينه نايمين لو اكوم اكطع النعل على راسج

ايه-دنامي الصخله خرب حظي صرت مضحكه هسه شلون اطلع والله بعد فلااطلع شني عمي اموت هنا بكرامتي اشرفلي

التفتت على عمه دخلت تنشف بوجها
حجت
جُمان-ها ولج وين جنتي كعدت مالكيتج لاانتِ ولارواسن وين موليات من الصباحيات

حرت شنو اجاوبها همزين دخلت رواسن نقذتني
رواسن-جنت اقره بره وهي طلعت وياي

جُمان-اي زين اليوم اريد الف جدر دولمه تعالن تساعدني

رواسن-
ركضت بستها وهي تضحك
كتلها
-اي جُمانواا علميني يصيبج اجر

ايه-هلاا هلاا هاي مني تريد تتعلم طبخ

رجعت شعري بغرور كتلها
رواسن-احمم وياج حضرت الطباخه رواسن لاتستخفين بقدراتي رجائا بيبي لالا مدااام

ايه-
ضربتها جُمان وسحلتها وياها شكد جلبه عود تقلد على صُهيب من يصيح مدام

-هفف هسه شلون شغله هاي اريد اطلع بس مستحيه
حجيتها بصوت عالي وماشوف غير ريام نطت بوجهي

ريام-اووي اووي احجي ولج اخويه اعترفلج مو

خزرتها اريد افلت منها وهي ماكو لزكت الا تعرف

ايه-احمم احمم شوفي اخوج المصون عرض عليه الزواج

وكعت بالكاع ميته ضحك اريد اسكتها ماكو فضحتني الزماله

ريام-خرب ابعرضكم شكد سريعين

ايه-انجبي لج شنو قصدج

ريام-عليج العباس اخويه شلونه هم غومااانسي هههههههههه

ايه-تف عليج والله انتِ ادبسز مثل اخوج ولي من وجهي

دنحجي ومنشوف غير اجانه نعل من هيام دائما تخليه يم راسها تكول يطرد الشيطان مدري منين جايبه هالخرافات

خليت وطلعت بره دخلت للمطبخ عمه كاعده تنكي الخضره ورواسن تثرم باللحم وكل شويه تشيل الي ثرمتهن وتصيح هيج عمه لو بعد خرب ابغيرتج تالي وكت رواسن تريد تتعلم

خطيئة لاتغفر الغوث(الأصلية) حيث تعيش القصص. اكتشف الآن