خطيئة لاتغفر الغوث(الأصلية)

مشاهد🕊️

خطيئة لاتغفر (الغوث)

مساء الخير....
شلونكم فستقات اليوم رجعت الكم بقصه جديدة راح تكون
اكثر من رائعه كل الي اطلبه منكم
دعمكم وتشجيعكم الي
وأن شاء الله أكون عند حسن ضنكم
-

------------------------------------------

🥀المشهد الأول 🥀
:-برئيج الحُسين يستقبل شخص لا يصلي ولا يصوم؟

ابتسمت ساحبه الدفتر كتبتله

:-"خلي توبتك تبدي من عند الحُسين"
اذا الله سبحانه وتعالى بعضمته مايرد مذنب فحاشى الحُسين يردك أو مايتقبلك.

نزل راسه مبتسم
:- مااندل القبلة ولاحتى اعرف اتوضه تعلميني؟

هزيت راسي بمعنى اي،كام وكف مادلي ايده
اشرتله بمعنى وين

:-يله كومي علميني

🥀المشهد الثاني 🥀
رواسن:- ضليت اتأفئف وماما كل شويه
صايحه بيه لان اتحرك.

شمس:-ياا ولج امي شويه ركدي خل اشيل
شعرج والله موتيني.

كملته الي ،بستها بخدهاواني اعتذر منها لان عذبتها
وهي كالعادة تضحك وتسامح بسرعه.

سمعت صوت بابا وهو يندهلي صرت طيارة هو دخل ركضت لحضنه شالني واني ابوس بوجهة.

صقر:-هلا بريحانة ابوها هلا بماي عيني هلا بالتارس
كليبي هلا برواسن الصقر هلااااا.

ضحكت بطفوليه وهو غامرني بحبه وحنانه،واحنه نضحك على ماما الي تباوعله صفح.

صقر:-ههههه لج شمالج شمسي بس لاغرتي.

ردت تحجي وتدلع عليه بصوتها الناعم الي يريح النفس.

شمس:-لا حبيبي بس شنو هاي رواسن الصقر شمالك جا اني شنو.

رد يجاوبها بكل لهفة وهو مركز بعينها وماخذها لحضنه.

:-انتِ شمس الصقر يابويه.

ضحكنه كلنه سوه واحنه نبوس خده وهو يصيح انه اموت ببنياتي.

🥀المشهد الثالث🥀
الساعه الثالثه عصرا في احد الجامعات العراقيه

وكفت لمن لمحته جاي من بعيد ضلت عيني متركزه عليه والضحكه ابد مافاركت وجهي واني اشوفه شلون يمشي بكل رزانه وهيبه طوله وازن الكاع

اختفت ابتسامتي لمجرد لمحت بنيه جتي تمشي سريع ارتدمت بي ضلت تتئسف منه ماعرف شنو حجه وياها وراحت.

شويه او وصل يمي ،كلبت وجهي عليه ماعرف بوقتها كلش ضجت مع انو ماصار شي يستاهل بس حيل ضجت هيج احس نار وشبت بكلبي .

:- شبيج سمسم ليش كالبه الوجه.

ولاكأنوا سمعته عفته ومشيت سرع خطواته ثواني وايده احتضنت ايدي.