خطيئة لاتغفر الغوث(الأصلية)

الخطيئة الثالثه والأربعون🕊️

خطيئة لاتغفر الغوث
بقلمي:اية الطائي
---------------------
‏-ابتسم رغم الجرح حسباله تهواه
وكلها اله اعداء ورايده تلسعه
وبقى يبجي بدمع وبحسره وهموم
أو وينه الينشف هالوكت دمعه
يكلبي هواي عزاز غدروك ولاتبقى محتار مامنهم منفعه

#عمري لاتنسون تصوتون للبارت وأكثر من 500تعليق حتى انزل الكم عكبه...

رواسن:
ابتسمت اباوع عليها تباوع للكل بذهول مصدومه من اعترافها على نفسها

كتفت ايدي لصدري وكملت كلامي بأبتسامه

-وهسه تأكدتوا من كلامي صح

كلها جانت مصدومه وماابدت اي ردت فعل الأ ان فزينه على صوت الراشدي الي ضربه الها عمو...

ابو علي:لج انتِ طا.....

راد يكملها وعلي وكف بوجه ماخلاه شاف ابوه يرجف واعصاب اخذه وطلع بره

تقدمت جمان تصيح عليها وتغلط ماخلت...التفتت على مصطفى صافن عليها اشرتله براسي بمعنى ميخالف مسح على وجهة وطلع بره شايطه روحه

اخذت إيه ودخلت للغرفه

رواسن:لزمي شويه شربي مي وأهدي ايه على كيفج اهدي وخليني احجي وياج

مديت ايدي رفعت راسها خشمها كله دم...زفرت نفس بحيرة وأشرت لعبير تنطيني كلينكس خليته على مكان النزف وتسطحت على الفراش عينها معلكه بالسكف ابد مانطقت ولو حرف واحد...

مر تقريب الربع ساعه هي على نفس حالتها مديت ايدي مسحت على شعرها احجي وياها بهدوء

رواسن:اعرف الي صار ابد موسهل عليج وصدكيني هالمره مجاي اعرف اواسيج لان يعجز اللسان عن النطق بهيج موقف

بس الي اعرفه انتِ قويه وراح تتخطين بسهوله...

شهكت حاظنه المخده لصدرها سحبتها لحظني بسرعه صارت تبجي وتحجي

إيه:امي لج رواسن هاي امي شلون انطاها كلبها هيج تأذيني والله صارلي ايام مانايمه وصرت اموت كدام عينها مارف كلبها شويه

حجيت بتردد
رواسن:اكعدي وياها وافهمي ليش هيج سوت مهما كان تبقى امج

إيه:اشش رواسن اشش لاتبرريلها غلطها

زفرت نفس بحيرة كتلها
-مامبرره اعوفج ترتاحين هسه

هزت راسها بأي عفتها وطلعت صار كبالي كاعد على الدرج يدخن باوعلي من فوك ليجوه يخزر بيه رجعتله الخزره ومشيت بدت اعصابي تتلف والصبر فاق حدوده...

أدم جوه عند عمه صعدت فوك اخذت ملابسي ودخلت للحمام
وكفت كدام المرايه اباوع لنفسي... لا مستحيل هاي رواسن شنو مسوي بيها المرض والقهر صايره كأنوا وحده عمرها 40سنه