الخطيئة الثامنه🕊️

16.7K 1K 446
                                    

#مساء العافيه
خطيئة لاتغفر ( الغوث)

#وحدي تعلمت ماريد عون انسان
تلويني المصايب وارجع الويها
عزة نفس جندي
من أعثر ارمي الروح
أكتلها ولاللأسر انطيها

#شرط التعليقات فوك ال300الأ ينزل بارت ثاني

حياة:-بعدني بصدمتي مامستوعبه كلشي فزينه على صوت ماما

غصون:-شنوووو شنوووو !!

بنفس الوقت التفتنه عليها تفتر بالممر تروح وتجي تفشر بكل انواع الفشار اخر شي كالت

غصون:-وطبكم ستين مرض الرضيتوا اولا الي براسي اسويه

سدت الجهاز وباوعتلنه

غصون:- شبيجننن امشن ولن من وجهي

ضلينه وحده صافنه بوجه الثانيه شبيها هاي !

كعدت بالغرفه وغدير راحت تجيب جهالها من الصاله ماطولت وجتي خلت ابنها وبنتها على المندر وكعدت

غدير:- الله يساعدج عليها خيه زايده قاطات عن قبل

حياة:-دنكت راسي ساكته

شويه وحجت تحاول تغيرلي جو بأي طريقه
غدير:- شو دكومي بدلي واخليلج شويه مكياج

باوعتلها بأستغراب متسائله

حياة:-ليش شكو منو راح يجي !هي مو كالت العصر يجون!

غدير:-لايحضي هو يجي العصر بس امه وخواته يجن هسه على الغده

عوجت حلكي ماعاجبني من عساهم لااجوا يربي شسوي ويحلون عني حتى خطة رواسن مافادت وياهم شهل لزكه ياالهي

كومتني وياها تطلع بالكلابيات الي عندي

غدير:- شو بالله تعالي هاي المارونيه تطلع تجنن عليج وعلي وشويه وياها مكياج خفيف

حياة:-يبوو والله مااريد هسه يكولن هاي مكيفه تريد رجل مستعجله على الزواج والنبي

غدير:- هههه لا لزمي يولي لبسيها وتعالي

طلعت بسرعه بدلت ورجعت وهي كعدت تمكيجني
كلش خفيف حتى مايبين حاطه شي كملتلي وهي طلعت للمطبخ تجهز علما يجون

كعدت على المندر حاضنه رجليه لصدري افكر شنو راح يصير وين راح توصل المواصيل بغصون

زين سؤال دائما يتردد بذهني يعني هاي هم تعتبر أم وتحت اقدامها الجنه ،وفرضا لو عارضتها وكسرت كلمتها هم ينحسب عقوق بالوالدين!

خطيئة لاتغفر الغوث(الأصلية) حيث تعيش القصص. اكتشف الآن