خطيئة لاتغفر الغوث(الأصلية)

الخطيئة الأولى🕊️

خطيئة لاتغفر (الغوث)

الحلقه#1"
بقلمي- ايه الطائي

تقول له.....
أنا لكِ ، كَرمشِ العين
لايسمحُ للغُبارِ أن يَدخل .

فيقول لها مبتسما
وانتِ وردةٍ
أنزرعـت في صـحراء قلبي
-----------------------------------------
حساباتي
التلي:-https://t.me/aya221a
الانستا:-ayosh_ayosh122
---------------------------------------

ديالى (ام البرتقال)

كاعده وسط مزرعتنه الجبيرة الهوى يضرب بوجهي يخلي خصلات شعري تتطاير فتحت عيني اسحب نفس وارد ازفره بعدني صافنه والتفتت على صوت شمس

باوعتلها واكفه متخصره الشمس عاكسه على لون عيونها العسليات زايدتهن جمال وجذابيه بس وين هي تخلي واحد يتمعن بجمالها وكفت فوك راسي تصيح

نجاة:-شبيج اتصيحين يعني ماتخلين واحد شويه يشتم هوه

شمس:-لا والله دكومي امي تريدج

هزيت راسي بأستسلام وين اكدرلها اني وهي مدللة البابا والماما مشيت وياها رجعنه للبيت

واشوف ازهار اختي الجبيرة لازمه السعفه مال شجره وتركض وره الهايشه طالعه من مكانها

عفتهن ودخلت مئيسه منهن هذني احلف عليهن رجل بجدارة

دخلت للديوانيه عزلتها وطلعت اساعد ماما اصلا بسرعه نكمل بيتنه صغير رغم بساطة حياتنه لكن عايشين افضل من غيرنه الف الحمد لله

دخلت للمطبخ اخذت الزلاطه من ايد امي وكعدتها خطيه هواي تتعب

سندت ضهرها على الحايط كوه تسحب النفس
-ها يمه خيرج

كامت تصرخ وتبجي هي هاي امي بس واحد يسئلها شبيج اتطكها بجيه دنكت راسي اضحك من جوه الجوه والله لو تلكفني هههههه

-اخخ يمه راسي اااخ وين هذني خواتج من غضب الله على راسهن كون

كملت الزلاطه وكمت غسلت وكعدت يم امي ادلك رجليها وهي لازمه راسها وتون

-كومي يمه كومي صيحي خواتج لايضلن يفرفرن بره الدنيا مو أمان لايجيتون علينه افراريه من غضب الله على راسك صدام

-عزززه عززه يمه سكتي تريدين يموتونه

عاطت بيه ماقابله
-دكومي من انعل ابوه كتل اخويه وابويه من سوده عليه كون يثرموهم اتثرم ويرجع حقكم يأهلي ياعيني سوده عليه