كاع داك البكا ديالها و الغوات مشى فاش شافتو ،حنات راسها تتلعب بيديها و تتشوف فيه بنص عين...جلس حداها و طبطب حداه بهدوء...
_ ماباغياش تجلسي ؟
هزات راسها بلا ..تنهد مستغفر الله و عاود كرر كلامو ...
_ جلسي احنين مانعاودش كلامي...
جلسات هاد المرة تتشوف بعويناتها الفازكين بالدموع ...سولها بنبرة هادية خلاتها ترتاح ...
_ غنهدرو شوية و المطلوب منك تسمعيني ..( هزات فيه عينيها تتسمع ) يعجبك تبقى مريم لوحدها فالبيت ؟ نت متعودة تنعسي لوحدك ! شنو وقع حتى بدلتي رأيك ؟
حنين ( غلباتها البكية ) لا مايعجبنيش ...
عبد الهادي ( باسها فراسها مزيرها لصدرو بحب ) مكانتك غالية و دموعك مابغيتش نشوفهم ! بغيتي نتقلق ( هزات راسها بلا و كمل ) حنين وحدة لي عندي فهاذ الدنيا ..ماعنديش بزاف منها .تكلمنا فهادشي من قبل عاقلة ! مريم مكانها معايا نت عندك بيتك و هي بيتها عندي هذا هو الزواج ...
حنين ( زيرات عليه تتدمع و عقلها مع كلامو الاول) كثار من مريام ؟
عبد الهادي ( ابتسم على عقلها ) أكثر من مريم ..
حنين ( تبسمات ) : لالة جورية مرة قالت فاش غتزوج بمريام غيكون عندي خوت حتى انا ..غتبغيني كثار منهم ؟
عبد الهادي ( بعد ليها الزغب فازك بالدموع مع عينيها ) مافيها شك ! و عن قريب ان شاء الله ...
حنين ( بقات تتفكر شحال فهدرتو تتحللها حتى تبسمات و قالت ) فوقاش غيكونو ؟ غتولي حتى هي عندها كرش منفوخة بحال خالتو جليلة ...
هز ليها راسو بالايجاب و عيونو دافية تيتمعنو فيها كي تبسمات ..
_ و فوقاش ؟
عبد الهادي : غدا ان شاء الله سولي مريم تجاوبك ..لازم تنعسي غدا عندك يوم طويل !
حنين ( عبسات ) مابغيتش نمشي ...
عبد الهادي ( قلبها جدية ) حتى مخلوق ماعندو القدرة يضرك و انا عايش . ماتخافيش اعتبريها كيف اي مدرسة ! الفرق كنتي كتقراي فمدرسة فيها عدد قليل و هاد المرة العكس ! لازم تولفي احنين ، البشر ماكيخلعش...
حنين ( زمات شفايفها بعدم رضى ) لا صوفيا قالت ديك المدرسة فيها بنادم مامربيش ...
عبد الهادي ( بحدة ) هاد الموضوع مافيه نقاش ...
قرمات حتى هي فاش دوا معاها بديك الطريقة الوحيد لي تيعرف يوضع حد للعناد ديالها تتخاف يتقلق عليها ووكدير ليه خاطرو بزز منها....تمتمات بين شفايفها و هي معبسة ..
عبد الهادي : قلتي شي حاجة !
حنين : لالا ماقلت والو ...
عبد الهادي : دابا شنو غديري ؟
حنين ( باستسلام و ملامحها معبسة ) غنعس ...
ВЫ ЧИТАЕТЕ
🍁قيد العراقي 🍁 (طور التنزيل )
Приключенияقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
