فتحات عينيها عليه على الصباح و ضحكات فاش لقاتو متكي حداها تيلعب ليها فشعرها ...درعاتو و بقات تتضحك حتى تغمضو عينيها ...
_ جييتي و ماشفتكش ابابا...وقتاش جيتي ..
تبسم تيعبرها بعينيه جاتو ضعافت ماشي كي خلاها ..
_ جيت البارح وقت كنت ناعسة
حنين ( غي تتضحك ) انا بقيت فايقة فايقة وشوية نعست و ماعرفت كيفاش صرى ...
عيد الهادي : مالك ابابا نقص وزنك كنتي مريضة ؟
حنين ( تتفشش عليه و تشكي عليه فرحانة و عاجبها الحال ) دابا شفيت... بابا ميمة جويرية منعاتني نسافر مع عمتي صفاء ..و عمتي جليلة غوتات عليا حيت هبطت بالبيجامة..مانبقاش هنا معاهم نمشي معاك انا مرة أخرى ماشي مريام ، نديرو النوبة انا و هي مرة هي و مرة انا...
عبد الهادي ( تيلعب ليها فشعرها تيحلل فهدرتها ) ان شاء الله نساليو الخدمة هاد الشهر و نسافرو أنا و انت...
حنين ( بحماس و براءة ) و نبقاو مسافرين شهر و نجيو هنا و عاد تسافرو نتا و مريام شهر و صافي ...
عبد الهادي ( بجدية ) مريم أكبر منك لازم تحتارميها ماشي صديقتك فنفس عمرك حتى تناديلها بمريم حافية.. اتفقنا ؟ ....
حنين ( بادب ) وخا....
دقاات لالة جويرية و قاليها عبد الهادي دخل عاد دخلات تعلمهم يهبطو يفطرو حيت سلمات عليه فالصباح مع الفجر تلاقاتو بالابتسامة البشوشة ديالها....خرج عبد الهادي مخليها تبدل لحنين و لبسات ليها كي ديما على ذوق لالة أصيلة حيت متحكمة ليها فكلشي فماكلتها فلباسها فقرايتها فوقت نعاسها وقت فياقها ، ممنوع تخرح من بيتها بالبيجامة ممنوع تهدر بصوت عالي وخاصة فاش تتكون تتدوي مع لي كبر منك...الجلاس بأصولو و الكلام حتى هو ..فاش كان عندها عشر سنين كانت تتحاول تطبق عليها القاعدة و لكن عقل حنين ماتيتقلبش هادشي لكن مع الوقت ولفات و ولات تعرف و عقلها يميز بلي هذا مننوع عليها و هذا لا ...لبسات ليها جويرية غوب سخونة فالغوز و مونطو بالريش و مشطات ليها شعرها و جمعاتو ليها مع قوي و كثيف تبارك الله عاطي العين ..بقات ساكتة تتدور فعينيها حتى سولاتها ببراءة ..
_ ميمة جويرية ممكن نسولك...
جويرية ( تتبسم ) سولي احبيبتي...
حنين : ابي منع عليا نقول سمية مريام حافية قال لازم عليا نحتارمها حيت كبر مني و ماشي قدي...و ماعرفتش شنو تقول ليها ..هي ماشي عمتي و ماشي خالتي و ماشي مراة خالي و لا مراة عمي و لا بنت خالتي و خالي و عمتي و عمي ...شنو نقول ليها...
جويرية تتصاوب ليها سالفها على كتافها وهي تتمعن فهدرتها بقات فيها ..حيت البنت مسكينة ماعندها فعقلها و ماتتعرف غي خالتي عمتي مراة خالي مراة عمتي غي لي مولفة عليهم فعائلتها لدرجة حتى لقب ماما ماقالتوش حيت ناسياه من بالها بقات ساكتة تتفكر حتى قالت ليها مبسمة....
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
