طلعات جويرية لبيت أصيلة ، دخلات بعد ماطلبات الاذن ...
_ بالصحة الحمام الالة أصيلة...
اصيلة جلسات رامية شعرها بهدوء : جلسي اجويرية و عاودي ليا شنو وقع....
حلسات جويرية حداها تتضحك : داكشي لي فبالك بلا ماتخافي منو الالة ، حنين تنشوفها مرتاحة لمريام و قريبة منها و حتى مريام مشاء الله عاقلة و رزينة و كثار دابا شفتها كي ولات محجبة واجتماعية على ماسمعت دايرة جمعية مع لالة فائزة و لالة حسناء لمحاربة الامية للنسا فالوسط القروي و سمعتهم تيهدو شي منحة مامنحة تتعطيها مريام لبعض العائلات فالبادية لي تيخرجو ولادهم من القراية من السادس حيت ماعندهمش المدراس يكملو تما و ماعندهم باش يكريو و يصرفو على راسهم و داكشي لي تتعطي الدولة ماتيكفيش و ماتيجيش لكلشي و انضمت ليها حتى صفاء و مراة سي ابراهيم ....
أصيلة ( بإعجاب ) شحال قلتي فعمرها...
جويرية : 32 سنة عليها قلت ليك بعقلها و رزينة توالم شخصية عبد الهادي مايكونش بيناتهم فرق عمر كبييير هو 38 و هي 32 مواتيين من ناحية العمر و المواصفات لي باغي عبد الهادي مالقاهاش فبنات عمامو غيلقاها فمريام و حتى الحاج مايقولش لا عليها الا شافها و عرفها ، جدها كان قاضي و جدها من الام ديالها كان سياسي ، سولت عليه سي محمد لقيتو تيعرفو غي قلت ليه العلوي رشيد عرفو ...عندها اخت بنت وحدة مزوجة لعاائلة متدينة و جوج خوتها الرجال عايشين فمراكش خوها محامي و خوها الصغير مزال كيقرا ...هي قرات الاقتصاد كملات الماستر و قلبات من داك المجال للمجال لي تترتاح فيه و من تما بدات من الصفر...
أصيلة ( عينيها دفاو ) قولي ليا عبد الهادي شافها شي مرة ؟
جويرية ( تتدور فعينيها ) و شنو غنقول ليك ، اليلة لي حضرات فيها حفلة حنين ماكانتش غتحضر...
أصيلة ( هزات حاجبها ) علاش ...
جويرية : على حساب عبد الهادي ( شافتها هزات حاجبها الاخر زربات قالت ) وقع بيناتهم واحد الموقف خلاها تحشم تلاقا بيه و لا تحضر لهنا ، وخا ماتتقول والو راها باينة ...
أصيلة ( باستغراب ) شنو وقع بيناهم ماقلتي ليا والو اجويرية...
جويرية : ماجابتهاش الفرصة ، كانت مع صفاء فالشمال راكي عاقلة فاش تعرضو لطموبيل صفاء قطاع الطرق تضربات مريام و حضر عبد الهادي و جابها معاه للفيلا و تتعرفي عبد الهادي وحدة غريبة ماتيبقاش معاها فالدار خرج مادخل حتى لليل و دخل لبيت صفاء كانت تما مريام و شافها يمكن تتبدل ماعرفتش شنو وقع بالضبط حيت مريام ماعاجبهاش الحال و خرجات تتبكي و تلوم صفاء , حسينا بالاحراج و ماعجبناش الحال حيت عمرها وقعات لينا الضيوف ديالنا مكرمين ...
أصيلة ( تتسمع بانتباه ) و شنو دار عبد الهادي...
جويرية : ماعرفتش و حتى واحد فينا مازعم يدوي معاه حيت الموقف تيحشم الصراحة و خلينا الموضوع بارد بلا مانسخنوه. .
ŞİMDİ OKUDUĞUN
🍁قيد العراقي 🍁 (طور التنزيل )
Maceraقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
