صفاء بهمس لجليلة : شنو عندها ماما ؟ شفتيها ...
جليلة : شي حاجة خاصة بينها و بين لالة جويرية يمكن ماديريش فبالك مواضيعهم كثار ...
صفاء : هههه مم يمكن...
جات فاتي بديك القفطان تتلوي و القالب غالب ، قلبات بعينيها تتسول على مريام فاش مالقاتهاش مشات كطير عند البنات و خواتاتها تتضحك ...
_ لا بلا مااتختارو شكون ...زيرو مريام هاد العام هي لي تغزل الكلام منها تحيد الحشمة من سي العراقي ههههههه
لطيفة ( تتضحك و تهز فراسها ) ماغاديش تعطيها التيساع ؟ ههههههه لاحولا ولاقوة الا بالله راه تتحشم والله ماديرها و كثار قدام مو و خوتو والله لا قالت شي حرف ...
فاتي ( بعناد و مكر ) والله حتى نزيروها اليوم , راه هي العروسة الجديدة ماكاين ماحسن منها غنقولها للبنات يعمرو الطباقي بالورد زاهية اليلة مع مراة العراقي ههههههه
سلوى : مريام راه تتعرف و لسانها حلو وخا تقول لا ماتنعرفش ماتيقوش ...
فاتي( ضحكات بحماس) الا ماعرفات مريام شكون يعرف ؟ انا ؟ انا غنمشي نقولها للالة حياة توجد الورد و نتوما كتبو الحروف نحطوهم فالطباقي ...
تافقو عليها البنات و خالاتها كاملين و الزعيمة ديالهم هي فاتي حتى هبطات مريام من الدروج مع حنين لابسة ليها قفطان بحال ديالها و طالقة ليها الشعر بتاج خفيف فراسها هابطة حشمانة تتبسم و تقيس التاج فراسها عاجبها الحال ..تلاقاتها لطيفة بالزغاريت و الصلاة على النبي ...
_ تبارك الله و الصلاة على النبي على عزبة العراقي...
تبسمات ليها حنين تتشمر على القفطان فرحانة بيه و و فرحو بيها كي العروسة ...اشمنك يامديح و يالورد تيترش و ختموها بالشطيح على اغنية مزال مانسيت الجلسة في فاس ...كانت مريام تتصفق بيديها و دندن مع اللحن وهي جالسة بابتسامة براقة حتى جات خالتها حفيظة نيضاتها ...
_ نوضي حتى نتي نوضي ماكاينش لا ...
مريام ( ضحكات ) نو غي عفيوني ...
فاتي ماتهنى ليها البال حتى نيضاتها وناضت بزز منها مع همس فاتي ليها...
_ و غي هزي كتافك بعدا لابسة البلغة ماشي العالي...
مريام : نو مالابساش العالي...
رمات مريام شعرها اللور و هزات طراف القفطان خشاتو فالحزام و دارت معاهم حقها تحت لحن اغنية مزال مانسيت الجلسة في فاس... جسمها متعود على الحانها و الشطيح عندها حدو قدو تينغم و يطرب متول تقول تتشطح على البيض داكشي بشوية فلسانها كلمات الاغنية ...تبسماات معاها جليلة و نعتات ليها بيدها تنوض ضحكات و ناضت تتشطح حتى هي معاهم و تهدر ليها فودنيها...
_ ماكنعرفش نشطح ...
مريام ( ضحكات ) لالا تتعرفي ...شوفي حنين حشمات تنوض ...
شافت فيها جليلة و قالت : راه باغية تنوض غي فاش شافت وجوه ماتتعرفهمش ماغاديش تزعم ....
VOUS LISEZ
🍁قيد العراقي 🍁 (طور التنزيل )
Aventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
