اختفى صوتها مع غوات سليمان و تسالا الاوديو , كانت حنين جالسة مع عبد الهادي و أصيلة و عماتها بثلاثة موجودين ..تتهدر مع مريام و قدامهم طلقات صوتها تتسمع ليه ببرائة و ترجع تهز عينيها فباباها مبتسمة بحماس تتطلب منو الإذن ..
_ بابا نطلع نصورلها الرسمة ؟
عبد الهادي ( بهدوء ) : معلوم خودي راحتك ابابا ....
جليلة ( مربعة يديها تتشوف فحنين لي طلعات تتجري ) مشاء الله حنين ولى عقلها يفهم و يوزن الامور ...
أصيلة ( بابتسامة فخر ) مربية و مأدبة مشاء الله...فيها شوية عناد لكن ماعليش عناد وراثي من لي والدها عندو الحل مع الزمان...
شاف فيها عبد الهادي عرفها تمعنى عليه و قال بدفىء..: مقبولة منك ...
يوم بعد يوم حتى حاجة ماتزادت فحياة مريام ، تشغلاات فخدمتها داك الشهر و عطات ليها وقتها كلو ..! حتى للنهار لي تلاقات فيه بصفاء تغداو مع بعض فريسطو فخم تيليق بفخامة صفاء و حوايجها الغالين المبالغ فيهم ...عكس مريام الاناقة و الرقي حاضرين و غالب عليهم البساطة من والو تتعرف كي تبين اللبسة و تخليها وااوو...! كان البرد تحرك رامية عليها كاب دافي فالنواغ و حجابها الزهري مدور مع وجهها ، مربعة يديها تحت صدرها بملامح مرتاحة مبتسمة...
_ شنو كدير حنين ، كي دايرة لباس عليها...مابقيتيش عاودتي جبتيها لعندي....
صفاء ( تتشوف فمريام بنظرات تتقب ) حنين تحت المراقبة هاد الفترة ...عبد الهادي قرر يتزوج ، و نتي عارفة حالة حنين ، تيحاولو يدخلو ليها الفكرة لعقلها بالاستشارة مع الدكاترة ديالها...
مريام ( زيرات على يديها بصدمة ، بانت فعينيها لي بحال المراية و بصعوبة لقات صوتها و قدرات ترد بلا ماتبين ) وي فهمتك ... و الف مبروك لسي العراقي...
عيونها مفوضحين بشكل عجيب ، قرات صفاء مشاعرها بسهولة زهقو عينيها من وجه مريام ليديها لي كانو مطلوقين و زيراتهم و رجعات شافت فالابتسامة الباردة لي راسماها على شفايفها...
_ الف مبروك تتقال وقت يلقى العروس بالمواصفات لي باغي ..و الا مالقاش ، الحاج فالخدمة المهم هو قرر و فتح موضوع الزواج , الوقت تيمر و عمرو فناه مع حنين جا الوقت لي يفهمو ليها الموضوع و يدخلو ليها زواج باباها لعقلها...
مريام ( شافت فصفاء بعدم فهم ، رجعات بعدات منها عينيها تترمش بهدوء ) مزيان الله يعاونكم عليها...
صفاء ( تبسمات ) امين حبيبتي...( بعفوية مزيفة ) وجهك مخطوف ؟ عندك شي حاجة امريام عاودي ليا تتباني ماشي طبيعية...
مريام ( بابتسامة ماشي صافية ) نو ماعندي والو الحمد الله هاد الساعة بخير ....
صفاء ( ضحكات ) بالدوام غتكوني بخير و فراحة كبيرة طول ما عندك حتى شي راجل فقلبك....
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
