دخلات للجناح و من وراها ديك الخادمة الجناح كان فايض نساء و بنات صغار بكساوي ملونة واقفين حدا لاطارط كبيييرة و بطبقات و صورة حنين متسوطاها ...بقاات مريام واقفة تتشوف بعدم راحة و الخدامة وراها تتشوف فيها بنص عين ماتدوي قبل مايسولوها هذا داخل ضمن القوانين عندهم ...جات عيون صفاء على مريام و تمات جاية لعندها بابتسامة باردة واخدة فخاطرها منها..
_ مرحبا حبيبتي ...مريام ( بابتسامة ) من عينيك باينة مزال مقلقة ...
صفاء ( تجاهلات سؤالها و قالت بلباقة ) تفضلي مرحبا بيك...
مريام ( بقات تتشوف فيها و الخادمة من وراها تتسمع و تشوف غي بنص عين ) صفاء ماتصرفيش معايا هكا...
صفاء ( مخبية ملامح الانزعاج بمهارة ) علاش كيف كنتصرف ؟
مريام ( بصوت خافت و عيون دافية ) شنو لي خلاك تفهمي انني نتتهرب منك ؟ مشكلتي ماشي معاك اصفاء بالعكس نتي صحبتي و معزتك كبيرة عندي ...
صفاء ( حطات عينيها على الخدامة ورى مريام و استغربات لكن مابيناتش ) : و شنو ؟ مشكلتك اذن مع عبد الهادي !!!
مريام ( بحرج من الموضوع ) نو بالعكس ماعندي مشكل مع حد غلط ووقع و داز عام عليه ..بقاات فيا هدرتك البارح ماقدرتش مانجيش...
صفاء ( حسات بيها تتبدل الموضوع عليها قالت ) ماعليش مرحبا بيك مرة اخرى و فرحت حيت جيتي ..اجي معايا نعرفك على مدام فائزة ...
قربات منهم جورية حتى هي : ماتعرفينيش تنا على هاد فائزة ..
صفاء ( ضحكات ) علاش نتي تفلت ليك شي وحدة مستحيل...
مريام ( بابتسامة ) نشوفو لحنين بعدا ....
جورية ( بحزن تشوف فحنين ) : شوفي كيف مزيرة على روحها و باين مامرتاحاش ...
قربو عند حنين لي كانت بلبسة الاميرات و شعرها زعر مطلوق و التاج و ساكتة لكن الفرحة باينة فعينيها قراناتها البنات حداها و تيهدرو معاها وهي غي تتشوف بعويناتها حتى لمحات عويناتها وجه مريام جاها وجه مألوف ماشي غريب عليها حتى ابتسمت مريام و قالت...
_ حنين...حنات حنين عينيها مبتسمة حتى قالت صفاء ...
_ عقلتي عليها ؟حنين ( هزات راسها بالايجاب )
مريام ( تتشوف فيها باعحاب ) : ماتسلميش عليا...
هزات حنين عينيها بتردد تتلوي صبعان يديها مع بعضهم و تشوف فصفاء و جوريية حتى قربات منها و تعلات على ريوس صبعانها تحنات مريام شوية و باستها من وجهها ، ضماتها حنين كن خصرها و بعدات ، الضمة لي صدمات مريام و ضحكات فنفس الوقت. ..
_ دابا تأكدت بلي عقلاتني....حنين تتدور عينيها و تلوي يديها مع بعضهم و ترمش كل شوية و مريام حاطة يديها على شعرها تتبسم معاها و تدوي معاها ...
_ جيتي زوينة بزاف....
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...