مريام : ماكاين حتى سبب اخر من غير فرحانة حيت تنتعلم حاجة جديدة ولات عاجباني ابابا ، بحال تنكتاشف فواحد العالم زوين ..عندي بزاف مانعاود ليك غادي يعجبك حتى نتا...
الحاج ( براحة لراحتها ) اوى مزيان الله يديم الراحة و الفرحة ...يلاه ابنتي نوضي وجدي ليا ماناكل الله يرضي عليك ، لالة لطيفة مابقات تلقى لينا وقت مع لالة سلوى ...
مريام : هههه وخا اسيدي ...
الحاج : و نتي سمعتك البارح قلتي غادية عندها...
مريام : وي غنلحق على ماما ، ضروري نكون مع سلوى فهاد الوقيتة بلا والو ماتتقدرش تشوفو تيبكي عاد دابا الختانة كانت هازة ليها الهم ...
مشات بشويش عليها ، دخلات للكوزينة و اكتيفات مود الحداكة ، طيبات الغدا للحاح كي تشهى و طلعات لبيتها دوشات من ريحة الطياب و لبسات عليها جلابة و بليغة و رمات عليها فولارها و تحركات عند سلوى ، لقات معاها لالة لطيفة و لالة فوزية عجوزتها و حنان مراة لوسها و فاتي ...و سلوى الوسط لابسة البلدي و طالقة شعرها تتدمع مع سليمان لي كيبكي مخوطر لابس البلدي حتى هو و بليغة ...غي شاف مريام طلقها ببكية مجهدة تيشكي ليها ديدي ...ضحكات و تحنات لعندو تتبوسو بحنان...
_ ديدي احبيبو ديدي شكون دار ليك ديدي اكبيدة ديالي ...
سلوى ( مسحات دموعها ) خصك تشوفي كي فاق البكا لي بكاه قطع ليا قلبي الحبيب ديالي...
مريام ( ضحكات ) و كانت فيه فيه احبيبتي ، علاش البكا حتى نتي ههههه شحال و نتي توجدي نفسيتك على هاد النهار ساعة ماكان لا صبر لا والو ...
سلوى ( تبسمات وسط دموعها ) شحال وهو يشجع فيا جلال والو ماقدرتش والله ، انا نبكي و سليمان يبكي و جلال تيسكت فينا بجوج ...دابا تجربي حتى نتي و تحسي بشنو تنقول ...
مريام ( تأملات سليمان بحنان ) ان شاء الله...عطيه ليا نهزو و سيري صاوبي حالتك شعرك رونو ليك سليمان ...
سلوى ( مداتو ليها بشوية لا تعقرو ) كنت كنستناك غي نتي تجي ، تيسكت عندك و عند باباه ..مابغى يسكت ليا عند حد ...بشوية عليه شديه هكا كيف قال ليا لو دكتوغ....
باستو مريام فجبهتو بحب شاداه عندها تتضحك معاه و تلاهيه ، مرة يضحك معاها مرة يدمع تيشكي ليها حتى تيقطع ليها قلبها..، عندها خوها مزوج و عندو ولادو تتبغيهم و عزاز عليها لكن سليمان حساتو بحال ولدها عاشت مع سلوى تفاصيل الحمل كاملة ...نهار تتطول معاهم سلوى فالدار و تمشي تتبكي الدموع على سليمان ماتتسخاش بيه...!
سمعو صوت جلال داخل رمات فولارها بيد وحدة مغطية شعرها...، شافها كاينة و سليمان فيديها ابتسم و قال...
_ مرحبا بلالة مريام زارتنا البركة...
مريام ( ضحكات ) ترحب بيك الجنة و نعايمها ...هنية على سليمان هاد الولد عندك بوحاطي ماتيصبر والو ...
أنت تقرأ
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
