🍁قيد العراقي 🍁 (طور التنزيل )

part52

جاتها فشكل التوبيخ و هاد النبرة منو ليها ، حنات راسها مزنكة بقى فيها الحال لكن مابيناتش حدها جاوبات بكبرياء و عينيه تيشوفو فيها بديك اللحضة باغين ياكلوها كل ماتزاد جمالها فعبنيه كل ماتزاد قصوحية شوفتتو و صرامتو معاها  فديك اللحضة كانو عينيه تيغلييو عليها...
_ عندك الحق ، مارديتش ليها البال ماغاديش تعاود مرة اخرى...

فاش ماجاوبهاش بغات تنوض شدها من يديها و قربها لعندو بقوة و الهدوء طار هاد المرة باينة فيه معصب و لكن صوتو ماعمرو هزو عليها....
_ هو لي معاك فالصورة منزل يديه عليك ...

مريام ( شافت فيه بكبرياء و عويناتها باغين يدمعو  و  صوتها حاني ماتقدرو تهزو عليه   ) الا كنتي تتظن فعلا غنوصل لهاد  الدرجة ديال قلة ادب هذا تيبقى راي اخر و فيه هدرة خرى...

قلبات عليه القفة بذكاء  و بقى ثابت تيشوف فيها بعينيه الفحمية مسترجع شوية من  عقلو معاها و نبرتو الرزينة ...
_  هذا ماشي اتهام  ا مريم ،  حوار عادي و سؤال بديهي ..

شافت حتى عيات و حنات راسها التحت حتى هبط شعيرات رطبين مع وجهها الصغيور كي الخوخة و حجبانها بحال القوس كحلين و نقيين ...بقى فيها الحال من كلامو معاها ، و ماشي من النوع لي تتجاوبك بالبكا و تناقش معاك باابكا و الخناين و الدموع و دابا غلبوها و عرفاتو شافهم فعينبها مابغاتش تزيد تهدر وهي حاسة براسها على سبة و الموضوع مايستاهلش...فضلات تحني الراس و تسكت  حتى حسات بيديه تيطلعو ليها وجهها لعندو مقربها لوجهو و قال بدفىء خاص بيها بوحدها ...
_ سولتك سؤال و تهربتي من الجواب ماشي غلطي لي فهمتو من سكاتك ...

مريام ( هزات رموشها الفوق بمنظر تيذبح و قالت بصوت حنين وهوما قراب لبعضهم  ) عبد الهادي انا ماباغياش الخصام و ماباغياش مشاكل معاك...

لانت ملامحو فجأة و عينيه برقو بدفىء ماتوقعش جوابها  ...:  و لا انا باغى خصامك ، اتقي شر غيرتي  امريم ،  ماباغيش تكوني شي يوم انتي ضحيتها بلا مانشعر ، اي حاجة مربوطة بزواجك لي فات بغيتها تمسح من عندك و من دماغك...

مريام ( شدات  يديه لي فوق وجهها بلا ماتحس بكثرة ماباغية الموضوع يتشد )   مسحتهم كلهم حيت ماكانتش شي حاجة لي تتفرح باش نبغي نتفكرها اعبد الهادي ، و هادشي درتو  مني لراسي قبل مانعرفك ،  غي هاد الصورة انا مارديتش ليها البال وخا شهر وهي عندي فليكخون

فتحات تليفونها و دخلات لمعرض الصور تتقلب  عليها فوسط   الاف الصور تحت عينيه  و ماكاين غي العرا و التقزاب قبل ماتحجب ..ها ببنطلون مطرطق عليها و تيشرت فوق السمطة و ها غوب و الدرعان معرين و السيقان تيحمقو معريين كي شي عارضة ازياء حشمات منهم حداه و هرباتهم دغيا تتلف و توريه الصورة كاملة ...: هاهي  صورة عادية كنا مع لافامي  هادي عاماين و   كنت جالسة حدى خويا زهير ...