بتعرف من مبارح و انا مش على بعضي؟ من بعد ما حكينا و هيك كان كلو تمام بس لما فكرت اكتر وجعني بطني و لعيت نفسي كتيررر ما قدرت نام لل ٣ صبح و انا عندي دوام و لازم فيق ٨ و اكيد ما قدرت فيق ٨ فقت على ال ١٠ و ما عندي غير نص ساعة اتجهز و روح بسرعة. فكرة انك تكون بعيد عني بتأذيني، انا ما بتحمل. حتى لو وصلت لقناعة ما يصير شي بيني و بينك و نبقى اصدقاء، ما بقدر اتحمل بعدك بأي شكل من الأشكال. بعرف انت بتقول في اشيا انفرضت عليك بس انت كمان فيك تحسن من كلشي كرمالك و كرمالي و اذا مش حابب كرمالي تذكر انت بعدك صغير لازم تعيش حياتك و تكون مرتاح. صح يلي عم تمرق في انت كتير صعب، و يلي انا وياك عم نمرق في صعب كمان و عم يأثر عليي كتير.. انا مش قوية، انا ضعيفة و ما بتحمل قهر و زعل و خوف... المشكلة شو ما احكي ما عم يتغير شي، و كتير اوقات بحس بتفكرني عم بالغ و زيد بمشاعري بس هيدي الحقيقة. النهار يلي عرفت في شو صار ياريت صورت او عندي اثبات شو صار فيي حتى تشوف بعينك، رجفت خفت بكيت ورمو عيوني من البكي. ما قدرت نام، بقيت سهرانة عم ابكي عليك و مش عارفة وينك و اذا عايش او لا.. كل شوي صرت انقز من نوم و ابكي انا و نايمة و اشهق و ارجف و بلا ما حس ادعي يا رب يكون بخير.. صرت هلوس فيك و ادعيلك حتى انا و بالحلم و ظليت اتقلب يمين شمال حتى صار صبح بكير قمت جسمي مكسر معضل كلشي عم يوجعني و الحساسية زادت و خايفة و عم فكر و ماما خافت عليي و صارت تدعيلك معي سمعتا عم تقول حرام هل بنت ما بتتحمل فراق حدا ان شاء الله مافي شي لأنو رح تنهار.. ما كنت مرتاحة ولا لحظة و عم حوص و بطني يوجعني من خوف و تفكير و كان برد و انا من كتر تفكير ما حسيت.. صرت صلي و ادعي متل مجنونة و برم على اي دليل يطمني عنك و ابكي كل وقت بلا ما حس ينزلو دموعي من قهري و خوفي عليك. بعدين بس دقيت و طمنتني غصيت بكي عليك و ارتاح قلبي شوي لما سمعت صوتك و دغري ركضت عند ماما خبرها هيدا هو و هي انبسطت كتير. هيدا ١٪ من يلي صار معي و اصلاً الحكي ما بيعبر يا ريت لو كان فيك تشوف.. بيهون عليك ظل هيك كل وقت على غيابك؟ ما بحب حتى تسلمني بإيدك لحدا انا بعرف بتكون عم تمزح بس هيك اشيا ما بيصير تمزح فيا لأنو لازم تفرجيني بتغار عليي. انا انحرمت اعرف كتير اشيا حلوة بس لأنك متردد و ما بدك تعلقني فيك اكتر او اتأمل فيك؟ مش هلق صار وقت تكب كلشي على جنب و تعطيني يلي بستاهلو؟ لو كلمة بالاسبوع.. انا كتبتلك و برجع بعيد انو مرضت دغري من بعدا و صراحة انا طلبت من الله امرض و التهي كرمال يخف وجع غيابك و شوي شوي عنجد مرضت و دكتور اول ما شافني حولني على قسم الاشعة حالتي كانت كتير تعبانة بسبب انحراف و انسداد و تورم بمنخاري من جوا و جيوبي معبية قلي اذا ما مشي حالك بدك عملية و رجعيلي بس انا ما رجعت. اول ايام قبل ما روح على هيدا دكتور رحت على يلي حدنا قلي حرارتك طالعة كيف مش حاسة.. و كنت اسخن بالليل لوحدي و ابكي مش من وجع او حرارة ببكي لأنك بعيد عني. شايف انا شو بحبك؟ حبي الك مش طبيعي و ما بينوصف. كرمال هيك ما بدي اخسرك و تخوفني عليك شوف كيف عم اتأثر معك بأبسط الاشيا.. انت مسيطر عليي و انا زعلانة على حالي لأنو بعرف رح اتعب و انأذى بغيابك.. و انت ليش بعدك متردد و مش صريح؟ تعبت اسمع كرمالك و تحاول تخليني روح و اتركك. كتير حابة تقلي خليكي معي و غير كلمات لأنو هيدا شي يلي لازم يصير و انا بستاهلو منك بعد فترة طويلة من الصبر معك لأنك ما بتحكيني هيك.. من مبارح دمعة بعيني بس ما بدي ابكي بدي اتفائل دايمًا و اتوقع في ايام جاي احسن و احلى ان شاء الله. كتير اوقات بس اقعد لوحدي و احكي مع الله بقعد بسألو انا ليش تعرفت عليك و ليش صرنا قراب اذا علاقتنا هيك صعبة و بعد كل مرة بحس الله عم يواسيني لأنو دغري بعد ما فضفض برتاح. بجي بحاول قول خليني اسمع منو التهي بشي و شوي شوي اطلع منو كرمالي و كرمالو بس ما بقدر والله العظيم صعبة. و انت يلي عم تنصحني بهل اشيا، مين يلي دايمًا عم يحكيني؟ بغض النظر انو انت طلبت ما احكيك الا لما انت تحكي.. مش انت يلي عم تحكيني و انت بدك تشوفني و انت عم تشتقلي و انت بتقلي بتحبني؟ كيف بدك اتركك بعد كل هيدا؟ بتعرف من يومين طلعلي مجموعة صور كل حدا بيكتب ليش ترك هو و حبيبتو/حبيبو في ٢ ظلو ببالي و زعلوني مكتوب وحدة حبيبها انحبس و هي كفت حياتها و تزوجت و وحدة حبيبها بالجيش او شي هيك و ممكن يستشهد (بحس الصفحة لعالم من فلسطين) المهم لقيت كل تعليقات انو حرام يلي طلع من حبس يكتشف حبيبتو تزوجت.. هلق هي من حقها اكيد بس كتير بتقهر يكون هو كل وقت متأمل فيها و بالاخر يطلع بعد فترة طويلة يلاقيها راحت مع حدا تاني.. اكيد الحياة مش رح توقف على شخص بس ياريت انا اقدر اصبر بس يخلص كلشي تلاقيني حدك و ناطرتك، مش حلو هيك؟ احسن من انو يخلص كلشي تلاقي انا بطلت موجودة و كنت واعدتك ظل معك؟ المهم، ما بدي فكر بشي سلبي. ان شاء الله خير يا رب و الله يحفظلي ياك حبيبي. صباح الخير يا كل الخير انت.
