بعدها طاحت سدى ودافي منعت كل حد انه يقرب لها وبدت تحكي وتقول : الموضوع بدأ قبل شهرين بالتمام لما سدى كانت رايحه للجامعه هناك فالباركنات وقفت لأن ايناس كانت فالكرسي الخلفي وصدمت عيشتها اول ما ظهرتلها وهي متحوله واللي خلا سدى تننفجع من اخرها
ايناس ما طولت ممع سدى حاولت تسيطر عليها لكنها فهمت انها مشبعه بالعشبه وتأكدت فعلا انها من الآف؟ ف خذتها لأهلها ع طول وهناك كانت اول مواجهه بين إيناس والآف وقالتلهم القصه كلها او بالأحرى الكذبه اللي مشتها عليهم ووعدتهم انهم يتخلصون من هلع مصاصي الدماء وهو الشيء اللي يموتون عليه الآف وودهم يصير اليوم قبل بكره
جلست ايناس معاهم وشرحتلهم انكم موجودين فالمنطقه بعد سنين غياب وحكت لهم كل اللي صار في استونيا وليش جيتوا وفي اي جامعه ووين بيتكم وكم عددكم وحتى تكلمت عن عزه وتفاخرت بموتها للأسف وانها هي اللي انهتها عشان تسيطر على الكتايب وحطت شرطها المعروف لكم انه ايش؟
" بعطيكم وعد اننا ننحصر في منطقه وحده بس تختارونها فالعالم كله بشرط انكم تمولونا بالدم كان في اكياس ولا جثث وما بنتعرض لأي حد وفي حال مصاص دماء واحد نقض هالعهد ف انا بسلمكم بداله 5 تقتلونهم "
سدى في هالوقت كانت تنكر وانها ما شافت عليكم شيء وانكم طبيعين ؟ وفيه مشكله في ايناس وانها تكذب لكنها خلت سدى تطلع مع جمران اول مره وهناك ماقدرت تتحكم بنفسها وبدأ التحول عندها وطبعا سدى ما نست القصه لأنها كانت غرقانه بالعشبه نفسها
ولأن سدى كانت تشوف الجانب الزين منكم إيناس ماكان عندها الحل غير تغشها فالعشبه وتعطيها وحده اصلا عباره عن شاي زهور لا اكثر واستغلت هالشيء في انها تسيطر عليها وصار فيكم هذا كله بعده
جمران : لكن دافي انتي تعرفين ان السيطره شيء وانك تنسي احد شيء ثاني
ليانا : شو تقصدين ؟
جمران : اقصد ان للأسف سدى اختارت تسوي فينا كذا لأن كل اللي سوته إيناس ترا انها قالتلها نحن مصاصي دماء ونحن الجانب الشرير فالسالفه لكن اي قرار ثاني ماكان بيد إيناس سدى نفسها اختارته
فردوس تمسك ايد ليانا : اللي تقصده جمران انه مثلا الحين اجيك واقولك ليانا دافي هي اسوء شخص فالكون فتصدقيني بدون ما تقدرين تقاومين لكن اي قرار بعد هذا مثل انه تبعدين ؟ تتكلمين عني مثلا هو قرارك
ليانا : المعنى مافهمت
فردوس : يعني ايناس تمكنت من سدى لأن في داخلها ما تثق فينا وودها تنهينا ببساطه
ليانا : يالله ياسدى شو سويتي
جمران تتنهد : عادي ماهي اول حد يبيع
YOU ARE READING
جُــــــمران!
General Fictionفي رواية "جُمران: رحلة المصاص الدموي"، يُصوّر المصاص الدموي جُمران رحلته في مدينته الجديدة. يتأرجح بين الأمل في بناء حياة جديدة وبين القلق من كشف هويته الحقيقية.
