صباح يوم جديد - ملعب الجامعة
كان ملعب شرح وكبير اعمدته طويله ومساحته شرحه .. كان اشبه بالملاعب الكبيره اللي تنلعب فيها اشهر البطولات وكان يحوي تقريبا عشرة الالاف مشجعه وهو الملعب اللي تتنافس فيه باقي الجامعات في دوري التعليم العالي
دخلت جمران وفردوس ع الملعب وكانوا يتطالعون وفيه ليانا كانت تلعب طائرة وسدى تتابعها والمباراه كانت حماسية كان فريق ليانا متقدم ولكن الخصم ماكان سهل كان يرجع بالنقاط دايم وهذا اللي زود المباراه حماس وخلا الكل يتابع
سدى هنا لمحت وجود فردوس وتوقعت ان جمران اكيد موجوده وماهي بعيد عنها ولفت وجهها عشان تلاقي جمران جنبها وجالسه بدون سابق انذار وها اللي خلاها تفز وتقول : بسم الله
جمران : شفت عيونك تدورني قلت اجلس جنبك
سدى: لا والله ؟ عيوني ما دورتك الا لو تتوهمين
جمران : ليش تتطالعين فردوس عيل؟ وتدورين من جنبها وحولها ؟
سدى تتلعثم : عادي يعني ما اشوف ؟ ولا شو ؟
جمران : محد قال لا تشوفين لكن واضح تدورين حد معين من نظراتك
سدى : وانتي واثقه وايد لدرجة تتوقعين انه انتي الشخص هذا ؟
جمران : م اتوقع انا متأكده
سدى تتنهد : جمران لا تصعبين الموضوع لو سمحتي خلي كل واحد فحاله احسن
جمران : ليش ؟
سدى تلتفت عليها : شو ليش ؟ صاحبتك للحين ما اعتذرت حتى ما كلفت ع خاطرها تجي تسلم عشان يطيح الحطب
جمران : انا اعتذرت لك عنها وعني وعن كل شيء ضايقك
سدى : انتي مالك دخل فالموضوع اصلا
جمران : طيب دامه مالي دخل تشوفينه من العدل انترك يعني ؟ وانا ما سويت غلط
سدى تسكت : ...
جمران : شوفي لو انا اخطيت معاك لكن فردوس اللي تكلمت المفروض الزعل منها مو مني انا صح ولا ؟
سدى : صح
جمران : طيب اسمعيني - تعطيها ورقه - شفتي هالورقه ؟ فيها لوكيشن مكان خليني اشوفك هناك فالوقت المذكور
سدى : لحظه وين هالمكان ؟
في لحظه اختفت جمران من جنبها وما بقى لسدى الا الورقه وهي اساسا مذهوله من حركة جمران السريعه تظهر في لحظه وتختفي في اقل عنها؟ تجاهلت الوضع وفتحت الرساله عشان تلقى المكتوب فيها كالتالي
YOU ARE READING
جُــــــمران!
General Fictionفي رواية "جُمران: رحلة المصاص الدموي"، يُصوّر المصاص الدموي جُمران رحلته في مدينته الجديدة. يتأرجح بين الأمل في بناء حياة جديدة وبين القلق من كشف هويته الحقيقية.
