ثقل الرسالة كان واضح على جمران اللي راحت للمكان عشان تتخلص من هم ولكنها رجعت بأثقل منه .. تهادت وساقتها رجولها للبيت اللي كانت اساسا خايفه ترده بعد اللي صار وتحقق كلام فردوس والأسطوره وخوفها مو من فردوس شخصا انما انها تبعدها عن سدى اللي جمران مب لاقيه اصلا سبيل للخلاص منها
رجعت للبيت وقالت الفردوس الكلام كله من اول الرسالة لظهور عزه وتعبها واكيد بلغتها بوفاتها والشيء انهى فردوس وبدت تصرخ وتشاهق بالبكي اللي ما شهدته جمران من قبل لكنها تعرف زين ان مكانة ايناس وعزه عند فردوس شيء ما ينوصف وصعب يتترجم بكلمات فعذرتها انتهت الليله بدون احداث ثانيه غير ان الكل دخل يبكي في غرفته ويحاول يستوعب اللي صار
( صباح اليوم الثاني - الصاله )
كان الوضع اكثر هدوء من امس وفترة عيشهم الطويله غير عن انهم شافوا الموت مليون مره في هال 180 سنه فتأقلمهم مع الوضع على الرغم من صعوبته ما يشابه تأقلمنا كبشر .. تقدمت جمران وتكت جنب فردوس
جمران : شو بنسوي ؟
فردوس : ماعرف
جمران : الاسطوره صحيحه وانا الحين ألفا او مدري بكره اتنصب ولا كيف بتنصب المهم هذا اللي قالته عزه
فردوس : من الأول اعرف ان الأسطوره صحيحه وانك بتصيرين ألفا بس انتي ما كنتي مستوعبه المهم الحين كيف تفكين نفسك من سدى
جمران : انتي شفتي كلام عزه ؟ البنت نفسها ما سوت شيء وانتهى الموضوع بتحويل إيناس كمصاصة دماء
فردوس تلف عليها : تعرفين احيان احسك تعمين عيونك عن الكلام اللي ماتبينه وتركزين ع اللي تبينه بس
جمران : وشو هذا كلام عزه ما جبت شيء من جيبي
فردوس : اعرف لكنها بعد قالت ان الطرق والرحلة مختلفه ويمكن م ينتهي بك هالنهايه الورديه ويمكن سدى تكرهك ويمكن معدنها يكون اسود وتصير من الارز واليمكن كثييييييير
جمران : المعنى ؟
فردوس : المعنى واضح ولو كنتي ناويه تحولين وحده من الآف لمصاصة دماء ؟ فمبروك موتك من الحين
جمران : ماهي من الآف البنيه حرفيا قدرنا نخليها تنسى
فردوس : ولو هذا ماهو الحكم الآف ترا خبيثين وهذا وواضح فرسالة عزه وقبلها حتى لكنك ما تستوعبين
جمران : شو تبيني اسوي فردوس لو كنتي مكاني والله ما مشى الموضوع بسهوله
YOU ARE READING
جُــــــمران!
General Fictionفي رواية "جُمران: رحلة المصاص الدموي"، يُصوّر المصاص الدموي جُمران رحلته في مدينته الجديدة. يتأرجح بين الأمل في بناء حياة جديدة وبين القلق من كشف هويته الحقيقية.
