( بعد مرور اشهر )
عزه تدخل بكوب قهوه : صباح الخير
جمران تخزها : ..
عزه : مابا اغثك من الصبح لان اللي صار عليكم كثير بس اسمعيني اللي احنا فيه لعنه بس خلاص ابديه مالها حل ولا علاج عندك حلين اما تتعايشين واما تسلمين نفسك للجوع او ممكن انهي حياتك بخشبه لو تعانين هالكثر
جمران : لا والله ؟
عزه : يمكن تشوفيني استقل بالموقف لكني فاهمته زين صدقيني عشته طول 200 سنه وتكرر علي مليون مره لكن اكلمك من شخص عاش وجرب هالشيء مئات المرات اللي تسوينه ما بيفرق بشيء يا اما تسمعين لي ولايناس وتتعلمين عيشتنا يا خلينا ننهي الشيء
ايناس تدخل : معااها حق ترا لو تميتي كذا ف انتي غير جاهزه وممكن تورطينا اي وقت اول ما تتحولين واحنا ماعندنا استعداد خساير ثانيه اللي صار كافي وزياده لك بالاخص ولنا بالأعم ف اختاري اي صف تبين
فردوس : لا ! ما بخليكم تقتلونها
عزه : فردوس ؟ محد يبا يقتلها نحن نعطيها حرية الاختيار يا تتعايشين يا الخشبه موجوده وانتي حياتك حره فيها لكن تأكدي لو قررتي مثل غيرك تطلعين برا بدون جماعه ووتتمردين ف احنا موكلين ب انهاء حياتك وقتها غصبا عليك وعلينا
جمران : انا قتلت اهلي بنفسي وتبوني انساه بكل بساطه واتجاهل كل شيء؟ احد يكلمني بمنطقيه كيف ممكن الواحد يتجاوز شيء مثل ها
ايناس : بتتجاوزين لما تشوفين الجاي لانه توكم بالمكان وصدقيني الحياه هذي فيها قرارات صعبه وايد ومستحيله بعد بتوقفين في اشياء ومواقف تخليك تختارين بين نفسك ونفسك حتى ف لو من الحين مب مستعده تتجاوزين خطأ بتعيشين حياه مخلده تعيسه
جمران : انا مابا منكم شيء غير تخلوني ف حالي
عزه : يا جمران كلامي واضح نحن مسؤولين عن مصاصي الدماء نحن المراقبين ودورنا نحميكم من اي اغلاط وبعد دورنا لو احد فيكم تمرد ننهي حياته ف انا تعاطفا معك بضيفلك خيار ثالث انه تروحين لجماعه ثانيه غيرنا
جمران : واخلي فردوس ؟ لا طبعا انا اللي جريتها لهذا اساسا
فردوس: جمران لا تحاسبين نفسك انا قررت اكمل معك بعد المهم الحين تصيرين بخير عطي نفسك فرصه لو سمحتي وخلينا هنا البنات متعاونين وهم مب ملزومين فينا اصلا ؟
ايناس : اختاري بحكمه جمران عندك لنهاية اليوم
...................
تركوا البنات جمران منزويه على جهتها وكملوا يوممهم عادي لكن فردوس كانت تحاتيها ولا هي قادره تخليها فحاله ف كل شوي ترجعلها وتقنعها وتحاول فيها خصوصا انه مافيه مخرج لهم غير هذا اونهم يجلسون مع البنات افضل من المجهول ع الاقل لحد ما يفهمون حياتهم الجديده ؟
مر اليوم وجمران بدت تسلم نفسها للأمر الواقع ووافقت ع كلام البنات واخيرا بعد اقناع كبير من فردوس ومن هنا انطلقت رحلتهم ع حياتهم الجديده وكيف يتعايشون مع طبيعتهم او لعنتهم او ايا كانت تسميتها
.................................
قاطع هالهواجيس كلها وصول جمران وفردوس للبيت ودخلوا ع طول ع غرفهم مع ان كل وحده فيهم تعرف زين ان الثانيه كانت تهوجس بالحكايه الاساسيه وكيف تورطوا فشيء مثل هذا
( بعد نومة العصر )
جمران تنزل : فردوس ؟
فردوس من المطبخ : ها ؟
جمران : سويتي شيء ناكله ؟
فردوس تفر عليها الملعقه: كم مره قلتلك لا تستخدمين هالأسلوب معاي والله بتشوفين
جمران تضحك : ما اقصد انزين بس صدق جوعانه
فردوس : فيه حلا وقهوه صبري نفسك فيهم على ما يجهز العشا
جمران : ياليل
فردوس : ارسلي لسدى هذيك الاسايمنت قبل لاتموت المسكينه
جمران : ذكرتيني الهبله تحسب انها بتنقص درجات
فردوس : امشي معها للاخر تحمليها معليه
...
مسكت جمران الفون ورسلت لسدى الملف كامل بالحل اللي فيه عشان تتأكد منه وكتبت : هذا الحل كله شوفي وخبريني لو شاكه ب اجابات معينه بنغيرها بس انا واثقه انه حله صحيح 100%
سدى : ماشي خليني اشوفه واردلك خبر
انشغلت بعدها جمران مع فردوس ياكلون ويرتبون باقي الاغراض ولوحات فردوس فغرفتها لحد ما وصلت الرساله اللي بتكون بداية الشراره بين سدى وجمران ..
سدى ع الواتس : لو سمحتي بكره نتكلم فيه هذا عليه نسبة غش ويحتاج يتغير كثير وفيه اجوبة غلط
جمران : كيف يعني ؟ الاجوبة صحيحه مليون بالميه بعد وتأكدت منهم وماعليه نسبة غش بنفسي شيكت عليه
سدى : يعني بكذب عليك ؟ هذا اللي طلع معي بعدين ترا اسهل لي اسلم حلك لكن ما بيع درجاتي ونحصل صفر
جمران : طيب قوليلي ايش النقاط خلينا نشيكهم
سدى : بكره ماينفع بالفون
جمران : طيب يصير خير
......
جمران التفتت على سدى
YOU ARE READING
جُــــــمران!
General Fictionفي رواية "جُمران: رحلة المصاص الدموي"، يُصوّر المصاص الدموي جُمران رحلته في مدينته الجديدة. يتأرجح بين الأمل في بناء حياة جديدة وبين القلق من كشف هويته الحقيقية.
