حرق المكان كان الخيار الوحيد لأن جمران تعرف ان كلهم بيضعفون اول ما يقربون من الآف او القبو اللي حابسين فيه عزه ولكن الحرق بيقتلهم كلهم الا عزه لأن مصاصي الدماء ما يتأثرون من النار ابدا ولا تقتلهم وان تسببت في بعض الحروق وهذا نادر الا انه يشفى اي جرح وحرق بسهوله
لكن البنات كانوا رافضين لانهم مو متأكدين من قوة عزه الحاليه ولا يعرفون اساسا شو صارلها داخل ماتت ؟ او انضربت بالنحاس ؟ تعذبت بالعشبه ؟ ماكان واضح لهم حالتها الحين وهم عارفين ان كل هالشيئين يضعفون مصاص الدماء والاستشفاء عندها وهالشيء ممكن يخلي عزه تتأثر بالنار وتموت من ضعفها قبل لا جسمها يشفي نفسه
جمران : شو تبون نسوي ؟ نتفرج عليهم وهم يقتلونها ؟ تستهبلون
ايناس : الفكره ننقذها ما نقتلها جمران انتي فاهمه شو حالها الحين ؟ تعرفين شيء عن وضعها
جمران : اعرف انه طالما هم للحين فالقبو فهي داخل تتعذب وكل ما طولنا اكثر كل ما ضعفت اكثر وانا اعرف عزه ما بتتكلم ولو على موتها
فردوس : مافي شيء يقتل الآف ؟ غير الحرق
إيناس : تقتلهم الحوادث الاشياء الطبيعيه لكن نحن ما نقدر نقتلهم بشكل مباشر
فردوس : بس قوتنا بدون التحول اكثر عنهم بحالتهم الطبيعيه ما نحتاج نتحول
ايناس : بالله ؟ وتأثير العشبه اللي يفح عليهم ؟ حتى لو ماتحولنا بيخلينا ضعاف مره
فردوس: ليش مانترصدلهم عند الشارع وكل ما يطلع واحد منهم نقتله بحادث سياره
جمران : ومتى بنخلص ؟
إيناس : بس شو يضمنا انهم كلهم فالقبو ؟
جمران : الفكره مب انه نسويلهم مذبحه جماعيه افهموني الفكره نفك عزه كان احد فالمكان ولالا نحن نبا نتجاوزهم والحرق بيحرق العشبه والنحاس وبنقدر ندخللها
إيناس : في حل واحد
جمران : ايش؟
إيناس : نستعين بالآرز
فردوس : انجنيتي انتي الثانيه وحده تقول نحرق ووحده تبي تنادي الآرز !! ايش في
إيناس : اسمعوني الآرز اقوى منا بسبب واحد هو تغذيهم ع الدم البشري فهم يقدرون عليهم حتى ولو العشبه ضعفتهم لكن التحول ما يوقف واكثر من مره الآرز قتلوا الآف بسهوله
جمران : وشو يفكنا منهم بعدين ؟ لما يسون فينا الجميله اكيد بيطلبون مقابل
YOU ARE READING
جُــــــمران!
General Fictionفي رواية "جُمران: رحلة المصاص الدموي"، يُصوّر المصاص الدموي جُمران رحلته في مدينته الجديدة. يتأرجح بين الأمل في بناء حياة جديدة وبين القلق من كشف هويته الحقيقية.
