جُــــــمران!

بـ٢٢

صباح اليوم الثاني - بار القهوه

فردوس تنزل وتشوف جمران تسوي قهوتها : لو سمحتي سويلي معاك
جمران تتنهد : حسبتك اصلا
فردوس : احسني مب مستوعبه اللي صار وكيف تحولنا لعزه وايناس الاصدار الثاني
جمران : الجاي اكثر شديلي نفسك اكثر من اللي سوينا امس
فردوس : ها - بصدمه -
جمران : من قال ها سمع لا تتوقعين انهم بيجون بعدد اقل مستحيل
فردوس : بس نحن اثنين كيف الوضع؟؟
جمران : عزه وايناس كانوا اثنين بعد وقدروا عليهم بنتعب شوي معاهم نحن لحد م نوقع اتفاقيه معاهم
فردوس : واذا م رضوا ؟
جمران : بنجبرهم لانهم دوم بيلاقونا ف وجيههم
فردوس : شو الخطه انزين؟
جمران : عندي اكثر من خطه نواجههم فيها بس خليني اصحصح وافهمك اياهم زين لكننا بنحتاج ايناس
فردوس : ايناس؟ مب قلتي انها مستحيل تكون حولنا
جمران : نحاول نحصلها لانه نحتاجها خصوص في هالوضع
فردوس : طيب وكيف ناويه تحصلينها
جمران : مدري بس اللي اعرفه لازم ندور فكل مكان كانت تروحه مع عزه
فردوس تاخذ القهوه : الله يستر
جمران تتنهد : تعدي ان شاءالله

.......

رغم تصنع جمران القوه وانهم قادرين على الوضع الا انها كانت تعرف صعوبة الوضع ومستحيل تعدي عليهم معركه بدون لا ينهزمون او الأسوء ينقتلون ؟؟ الوضع كان اشبه بزج نفسها فالأنتحار والاسوء انها بتضطر تاخذ اعز حد عندها فردوس وإيناس اللي توها خسرت حبيبتها ؟ 

شربت قهوتها وهي بعد مشغوله فشيء ثاني وسط الزحمه والخبصه اللي هي فيها كانت مشغوله بسدى اللي زعلانه ولا هي راضيه ترد ولا حتى تتكلم مع جمران بعد الموقف مع فردوس 

جمران: فردوس ؟ 

فردوس تلف : ها ؟ 

جمران : ترا لازم تعتذرين من سدى ما يصير اللي قلتيه 

فردوس : خير ؟ انا سمعت زين ولا شو ؟ قبل لا اطيح السقف ع راسك

 جمران : الا سمعتيني زين لازم تكلمينها لان تراك طلعتيها شحاته وهي ما طلبت ولا سوت شيء

فردوس : ويعني ؟ ترا ماكان هذا المقصد المقصد تروح تولي تبعد عن روسنا

جمران : حتى ولو فردوس ؟ الكلام ترا يعور وهي  مب نفسنا متبلده من الحياه ؟ يمكن تشل الموقف هذا عمرها كله لين تموت 

فردوس : يا شيخه وانتي مهتمه بعمرها كله ؟ ولا عشان انجنيتي ماقامت تكلمك ؟

جمران : ما يخصه انا عندي اشياء الحين ما ينفع تقرب لي سدى فيها اولهم الآرز لاني بضعف وهي بقربي 

فردوس : ودام عندنا شيء اهم ف ركزيلي عليه الله يرضى عليك بدل لا تركزين بجولييت مالتك