كانوا جمران وسدى يتبادلون السوالف وكالعاده اولهم كان جرد لتاريخ جمران اللي توهقت وماتعرف بالضبط من وين تبدأ ووين تنتهي لأن لو بتبدأ فبتقول احداث قبل 100 سنه ع الاقل فيها اهل سدى حتى ماكانوا موجودين فالحياه
سدى : بس ليش نقلتي من جامعه لجامعه وهو نفس التخصص ؟
جمران : كان المقصد نرجع لبلادنا بدال استونيا
سدى : لكن التوقيت غريب شوي كان انتظرتوا حرفيا باقيلهم سنه ونص
جمران : اعرف بس الظروف هناك ما ساعدت
سدى : سوري لو تحسييني ملقوفه وقفيني اي لحظه
جمران : لا شدعوه بس صدق مافي سبب يعني قانوني او شيء لكن خلاص استونيا ما صارت لنا
سدى : غريب مع ان الاجراءات فيها وامورهم سهالات يقولون
جمران : هو كل شيء فيها تمام بس المواضيع ما تكون قانونيه احيانا
سدى : انزين غير هذا ؟ فردوس تخصك ولا
جمران : فردوس ربيعتي
سدى : واهلك ؟
جمران : لا اهلنا متوفين اثنينا
سدى : اوه الله يرحمهم يارب والحين انتوا عايشين مع بعض ؟
جمران : من زمان عايشين مع بعض هيه
سدى : حلو احس حياه غير
جمران تضحك : حلو صح ويشتت فنفس الوقت
سدى : انزين ومخططين تستقرون ولا للدراسه بس
جمران : ماقدر اقول قرار بس للحين للدراسه بس ما اكثر
سدى : عادي اسأل شيء ؟ بس اخاف تتحسسين
جمران : قولي عادي
سدى : شسالفة الأنياب - تأشر عليهم
جمران تبتسم : توقعت والله مدري انخلقت معاي
سدى : بس مره حادين وانتي وفردوس عندك نفسهم لكن هي اقل
جمران : هيه - تتوهق
في نص كلامهم بدت اصوات صراخ تتعالى وكأنه فيه هوشه عند المسبح وركضوا كل من سدى وجمران ع مصدر الصوت ع طول لكن الصدمه ان كانت فردوس فالهوشه تحاول تفرق بينهم ولكن انضربت معاهم وهنا لما جمران شافت فردوس تنضرب دخلت بالنص بدون تفكير وبدت تضربهم وتبعدهم عن فردوس اللي ماهي قادره تتحول بسبب وجود الناس حولها
YOU ARE READING
جُــــــمران!
General Fictionفي رواية "جُمران: رحلة المصاص الدموي"، يُصوّر المصاص الدموي جُمران رحلته في مدينته الجديدة. يتأرجح بين الأمل في بناء حياة جديدة وبين القلق من كشف هويته الحقيقية.
