𝐖𝐢𝐬𝐡 𝐔𝐩𝐨𝐧 𝐚 𝐒𝐮𝐧𝐬𝐞𝐭 (Gemstones Series #1)

21: Something Fishy

"Masarap ba iyong Hungarian sausage?" muntik na akong mabulunan sa tanong ni Sapphire. Kung hindi niya pa ako inalok ng tubig baka tuluyan na akong mabulunan. Ang pangit naman no'n, cause of death: choked by Hungarian Sausage. Ack! iba nananaman naisip ko! Juskolord! Ano bang nangyayari sa akin.

"Dahan-dahan lang naman kasi, Nyx. Kung hindi mo kasi hihiwain ng maliliit, isusubo mo naman ng buo. Hay naku! hindi ka ba pinapakain ni Ravi?" nanlaki ang mata ko sa sinabi niya. Sapphire! Please stop! Please! Hindi mo alam kung anong epekto sa akin ng mga sinasabi mo.

Napaubo nanaman ako. "Nyx naman! Pati ba naman sa pag-inom ng tubig minamadali mo? May lakad ka ba? Deadline? Ano bang hinahabol mo?" 

Napatigil ito sa panenermon sa akin nang may kumatok sa pintuan ng dorm. Siguro si Ravi na iyon. Nagpaalam naman ako na magbabanyo para mag-retouch, pakiramdam ko kasi na haggard ako sa pag-ubo ubo ko. 

Naghilamos lang ulit ako at nag-toothbrush para matanggal iyong mga nakasiksik sa ngipin ko. Nakakahiya naman, baka ma-turn-off pa sa akin si Ravi.

Dahan-dahan akong lumabas sa banyo at tumungo sa kusina upang gulatin sana si Ravi o kaya naman si Sapphire. Ang kaso, parang ako ata ang nagulat.

"Ravi, we have to tell her the truth! Hindi ko na kaya itago." bulong ni Sapphire, halata sa boses nito na naiirita siya.

"Para saan pa? Masasaktan lang siya," ani Ravi habang kausap si Sapphire. Nagtago lang ako sa labas ng pintuan at pinakinggan ang kanilang pinag-uusapan. Teka, sino ba ang tinutukoy nila? Ako ba? Tsk. 'Wag assuming Nyx. 

"Pero mas masasaktan siya kapag hindi natin sasabihin," pagmamakaawa ni Sapphire, her voice cracking.

"Ikaw ang nag-plano nito, Sapph. Tapos ikaw pa ang nakokonsensya? Wala pa nga tayo sa kalahati ng plano, gusto mo nang sumuko? Paano nalang kung-"

Napatigil si Ravi nang pumasok ako sa kusina.

Ayaw ko nang marinig ang mga pinagsasabi nila. Ayaw kong i-assume na baka ako ang tinutukoy nila. I have to give them the benefit of the doubt na wala silang intensyon na saktan ako. Oo gano'n nalang. Mahirap mamatay ng may sama ng loob. I just have to believe in what I think. 

"Nyx!" napasigaw si Sapphire. Si Ravi naman inayos ang kanyang pagtayo. Hindi ko alam pero pakiramdam ko ako talaga ang tinutukoy nilang dalawa kanina. I don't know what to ask or what to say. 

"Kanina ka pa dyan?" tanong ni Sapphire ngunit hindi ko siya sinagot. Umupo lang ako sa upuan ko kanina upang ituloy ang kinakaen ko kanina.

"M-May narinig ka ba?" tanong muli nito. Tinigil ko ang pagsubo at tinitigan silang pareho. Mga ilang segundo rin ang lumipas bago ko sila sinagot. Walang umimik sa kanilang dalawa.

"Wala naman, bakit?" pagsisinungaling ko. Ayaw kong isipin nila na nag-e-eaves drop ako.  Tumahimik naman ang paligid, ang awkward. Hindi ako nakatingin sa kanila pero ramdam ko na nagsesenyasan sila na kausapin ako.