شهقت ونطقت: سلطان ما توقعت!
ضحك وهو ينطق: يالله تعالي
وقفت قدامه وهو اخذ خوذته يلبسها نطق: خفي من حماسك
أليس: ما اقدر
رفعت يدها له ناظرها و شافها ترجف بقوه ونطق: بسم الله عليك !
ضحكت تنطق: من الحماس و تبغى أخفف منه
ضحك وهو ياخذ خوذتها يلبسها ، مدّت يدها وهي تعدلها زين ، ركب و ركبت خلفه و حاوطت خصره بيدينها و فتح هو البوابة الخارجية
مشى بسرعه و صرخت هي بعلّو صوتها من الوناسه
نطق: تمسكي زين
شدّت عليه وهو بسرعه اقوى ضحكت وهي تنطق من بينها: سلطان اسرع اكثر
__
« بيت إبراهيم »
صرخت ريناد بعلّو صوتها من فازوا للمره الخامسه
فيصل: والله غش اخذه كل اللي يعرفون الامثله
ريناد: مالي دخل
إيلاف: خلاص فيصل أرضى بالخسارة عادي
ساره:تقدرين ترضين انتي !
إيلاف: ايوه عادي شفيها كلها لعبه
سديم: هاردلك ياحلوين
عضّ شفته بغضّب ونطق: انا ما أرضى بالخساره
عدلوا التوزيع
ريناد: لا معليش انت اخترتهم
فيصل: وانا شدراني قلت يمكن يعرفون
__
« عنـد أبطالنا »
صرخت للمره الآلف وهي تشوفه يتجاوز السيارات الموجودة بالحي ونطقت: نطلع منه؟
سلطان: لا فيه ناس برا الحي
أسرع وهو يلف و يرجع للحي رفعت جوالها و حطته قدام و نطقت: سلطان تكفى بس نبعد شوي اساسًا ظلام ما يشوفون
عضّ شفته و رجع يطلع من الحي مشى وهو يتجاوز السيارات ، رفعت يدها لفوق وهي تضحك من الوناسه ، مشى بسرعه أقوى و رجعت هي تحاوط خصره من مشى بسرعه
__
« بيت أحمد »
نزل تحت وهو يشوف أمه جالسه لوحدها جلس عندها ونطق: وين الباقي؟
نوره: أبوك طلع ينام شوي و إبراهيم مو فيه
يوسف: وينه؟
نوره: والله مدري
يوسف: هذا ما يجلس أعوذ بالله
نوره: وانت شعليك! بعدين متى ترجع لشغلك
يوسف: ما توقعتها منك يـ ام يوسف
نوره: اقول اخلص بس
يوسف: والله هم عطوني أجازه مفتوحه متى ما بغيت رجعت
نوره: حسبي الله على عدوك
يوسف: شسويت ؟
نوره: ارجع لشغلك بس مو جالس و تحاسب خلق الله على الطلعه و الجيّه
يوسف: الا بنتك متى ناويه تجي؟
نوره: وانت شدخلك
يوسف: يمه فضحتنا عند العرب بكرا يقولون من تزوجت وهي عنده ميته عليه
نوره: و من متى نسمع كلام الناس
يوسف: انا نصحتكم وانتو بكيفكم
__
« بيت خالد »
ترف: طيب إيش بتسوون ؟
هيام: هو قال انا بسوي كل شيء انتو عليكم تجون تحضرون
ريم: حلو فككم من القروشة
هيام: ايوه والله ابدًا مو فاضيه و مع الجامعه بعد يوه
ترف: طيب الزواج وقت أجازه صح؟
هيام: ايوه
ريم: يعني ضروري نبدأ رحلة بحث عن فساتين
هيام: ايوه و لا تنسوون زواج إبراهيم
ترف: زين ذكرتيني كنت ناسيته
__
« بيت إبراهيم »
فيصل: إيلاف ركزي ركزي الله يرضى عليك
إيلاف: طيب
تنهد و بدا يشرح لهم ، عاد الشرح للمره الرابعه
ونطقت سديم: إنتهى الوقت
صرخ بغضّب ونطق: انتو غبيات؟
ساره: واحنا شعرفنا
إيلاف: قلنا لك الرضى بالخساره من أول افضل لك
فيصل: خلاص ما راح ألعب معاكم انتو فاشلات
ساره: خير!
فيصل: كذبت انا؟
إيلاف: بسم الله فيصل أهدى والله اللعبه ما تستأهل
ريناد: بسم الله شكلك اول مره تخسر
سديم: فصول عادي عادي مو دائمًا الفوز لك
فيصل: اول شيء فيصل فصول إيش بزر انا!
__
« بيت بدر »
دخلت وهي منهاره ضحك ونطق راكان: بسم الله انتي متاكده القهوه ما فيها شيء
رتيل: ايوه
و رجعت تضحك بعلّو صوتها بلا سبب
ورد: رتيل والله انك مو صاحيه
أثير: اشك ان القهوه فيها شيء
رتيل: اشبكم خلوني اضحك من زمان ما ضحكت
__
« بيت فهد ، قسم الرجال »
فهد: ليش ما قلت لـ يوسف يجي
إبراهيم: الشيخ نايم
سعود: والله لـ يزعل علينا
سطّام: عساه ما يرضى
فهد: وجع عساكم ما ترضى انت مو هو
سطّام: وانت شدخلك؟
فهد: انا وهو واحد
إبراهيم: يارجال أخر همه انتو
ناصر: اخوك ذا ما ينعرف له والله مره يبينا و مره لا
فهد: لا تغلط
ناصر: انت علامك محامي دفاع عنه؟
فهد: ايوه عندكم أعتراض
سعود: هو و فيصل مالهم داعي ولا فيصل معتذر عشان يجلس مع البنات
إبراهيم: خلوه يمكن مستأنس معاهم
__
« عند أبطالنا »
سلطان: ودك نرجع؟
أليس: لا سلطان بس شوي
هزّ رأسه و مشى يكمل طريقه لف من جاء على باله مكان و مشى متجهه له ونطق: بوديك مكان بتحبينه
أليس: جد ؟
سلطان: ايوه بس ترا بعيد عادي؟
أليس: ايوه ايوه عادي اساسًا تونا الساعه وحده
هزّ رأسه بفهم وهو يسرع لجل يوصلون بسرعه
__
« بيت أحمد »
يوسف: شوفي يمه عيال عماني و أخوي قليلين الحياء متجمعين بدوني
نوره: والله ما احد قال لك تنام
يوسف: يمه شفيك عليّ اليوم؟
نوره: شفيني ؟
يوسف: انا اسأل
نوره: ما فيني الا العافية انت فاضي الحين ؟
يوسف: ايوه
نوره: طيب أبغاك توديني محل قريب من هنا
يوسف: محل وشو؟
نوره: أثاث
يوسف: شتبين فيه؟
نوره: اللي يروحون محل أثاث إيش يسون؟
يوسف بـغباء: يغيرون أثاث بيتهم
نوره: اجل قم
يوسف: بدول أليس ؟
نوره: شدخلها بيتي انا مو بيتها
رفع حاجبه بذهول و مشى يطلع فوق معها
__
« عنـد أبطالنا »
نزلت وهي تنزل خوذتها و نطقت بـ انبهار: إيش المكان ذا
سلطان: مكاني السري
جلست جنبه وهي تتأمل المكان الخالي من الاشخاص ما فيه الا كم سيارة و الواضح انها من زمان إبتسمت وهي تنطق: تجي هنا كثير؟
سلطان: اكثر من الكثير
أليس: كيف عرفته ؟
سلطان: سالفه طويله بعدين اقولها لك
هزّت رأسها بفهم و رفع هو ساعته ونطق: نمشي؟
أليس: تو جينا
سلطان: ما فيه وقت الساعه ثنتين يلا نرجع بعدين
__
« محل الأثاث »
مسك رأسه وهو يشوف أمه تتناقش مع صاحب المحل ونطق: يمه ترا الساعه ثنين
نوره: المطلوب ؟
يوسف: ورانا سحور ولا ما راح تسحرينا
نوره: لا تخاف الخدم يجهزونه
يوسف: يمه تعرفين انا و أبوي ما نحب اكلهم
نوره: يوم واحد ما راح تموتون بعدين لا تزعجني أبغى أختار أثاث بيتي بهدوء و روقان
يوسف: سميّ
_
" بعد مُده "
« ليلة العيد ، بيت أحمد »
كانت مسترخيه على الأريكة و حاطه ماسك على وجهها تاففت وهي تسمع رنين جوالها اخذته وهي تحطه صامت وهي ما انتبهت للمتصل قفلته و رمته على السرير ، رفعت المراية وهي تعدل الماسك
غمضّت عيونها بصبر وهي تسمع دق الباب
دخل يوسف وهو ينطق: بسم الله الرحمن الرحيم
أليس: نعم شتبي؟
يوسف: ليش ما تردين على جوالك؟
أليس: ما أبغى لان ذا وقتي لنفسي و بس
يوسف: صارحيني متهاوشين ؟
أليس: متهاوشه مع مين؟
يوسف: سلطان
أليس: شدخله بالموضوع!
يوسف: ياحماره اللي يدق عليك هو
أليس: طيب قول له الحين وقتها لنفسها و بشرتها
بعدين يتصل وانت اطلع اشغلتني ترا
يوسف: ايّ شغل ترا الساعه توها ١١ الليل
أليس: طيب؟
يوسف: يعني ردي على الرجال
أليس: كلمه انت و قول له اللي قلته وهو بيفهم
يوسف: كيفك
ولف بيطلع ونطقت هي باستعجال: أطلب لي قهوه
يوسف: لا والله الحين تطرديني و تبين أطلب لك!
أليس: اكلم ابوي يعني؟
يوسف: لا خلاص باطلب لك
__
« عنـد سلطان »
اخذ جواله من دق ونطق باستعجال: فيها شيء ؟
يوسف: والله كسرت خاطري يالنسيب
سلطان: يوسف اخلص عليّ
يوسف: يابن الحلال ما فيها
سلطان: ليش ما ترد عليّ طيب ؟
يوسف: مقفلة جوالها و تقول الوقت ذا لنفسي و بشرتي
سلطان: لنفسها و بشرتها!
يوسف: نعم
سلطان: و متى بتفتح الجوال ؟
يوسف: والله شكلها مو ناويه تفتحه لانها قالت لي أطلب لها قهوه
سلطان: لا تطلب لها
يوسف: بتعاقبها يعني؟
سلطان: انت لا تطلب و بس
يوسف: سلطان ذي لو ما شربت قهوتها ترا تصير حالة استنفار بالبيت و ابوي يمكن يذبحني
سلطان: انا بطلب لها
__
« بيت إبراهيم »
ريناد: جهز بدري عشان يمدي نروح بيت أحمد من بدري
فيصل: ليش؟
ريناد: شوف انا الساعه وحده بطلع لبيت أحمد
فيصل: ماشاءالله بـ تجهزين من بدري!
ريناد: لا بروح أجهز هناك
فيصل: بيتنا إيش مقصر فيه؟
ريناد: بنروح نجهز كلنا هناك
فيصل: حتى حريم أخوانك ؟
ريناد: ايوه
فيصل: طيب ليش تروحون من وحده
ريناد: نتقهوى قبل نجهز
__
« بيت خالد »
هيام: يمه خلاص وقفي والله بتتعبين خليه على الخدم
هيا: تبيني اعتمد عليهم؟
هيام: يمه كل عيد هُم اللي ينظفون و يرتبون شصار الحين؟
هيا: أهلي بيجون وهم من زمان ما جونا
هيام: مين اللي بيجي غير خالتي الجازي!
هيا: خالتك فهده و بناتهم
هيام: كلهم بيجون بنفس اليوم ؟
هيا: ايوه
مشت تطلع من المجلس وهي ماسكه رأسها ونطقت: لا بالله عيدنا
سلطان: شفيك؟
شهقت تنطق: بسم الله
رفع حاجبه وهو ينتظر ردها ونطقت: خالاتك بيجون
سلطان: إيش الجديد؟
هيام: الجديد ان فهده و الجازي جايين مع بعض
سلطان: بنفس اليوم؟
هيام: بنفس اليوم و الصباح بعد
__
« بيت أحمد »
كانوا جالسين بغرفة أليس و قدامهم أكلهم
ألين: الله من زمان ما تجهزنا للعيد مع بعض
ريناد: ايوه مره تحسون عيد صدق
ساره: خلاص بنعتمد والله وناسه
أليس: اشكروني على الفكره
سديم: متأكده انها منك مو من شخص ثاني؟
أليس: شقصدك ؟
سديم: ما أقصد شيء
أليس: أكلي أكلي بس
إيلاف: والله المطعم خيال عطوني اسمه
ألين: عالم الموازي حرفيًا
إيلاف بـ فهاوه: وشو؟
ألين: ولا شيء كملي اكل
أليس: نتفق من الحين تنامون عندي ؟
ريناد: والله انا تم
سديم: مدري خوالي بيجون الليل
ألين: اف منهم
ساره: طيب مو لازم تروحون
سديم: لا فشله
إيلاف: انا ما عندي مشكله والله
ساره: انا برضو
أليس: طيب تنامون معانا و المغرب تروحون
سديم: اذا كذا تم
ريناد: بس تأكدوا متى بيجون قبلها
ألين: اكيد اكيد
رفعت جوالها من دق و ناظرت فيهم ، وقفت وهي تنطق: عندي مكالمة بكلم و أرجع
ريناد بإبتسامه: مين ؟
أليس: مالك دخل
طلعت من الغرفه و دخلت الصاله الموجوده فوق واللي نادرًا احد يدخلها ، أخذت نفس و ردت عليه: هلا
سلطان: الحمدلله رديتي
أليس: لازم تتعود من الحين كل ليلة عيد يكون يوم خاص فيني
سلطان: العيد ذا و بعدها تعيدين ببيتي
أليس بضحكة: حتى هناك بيكون نفس الشيء
سلطان: ايوه يصير خير
أليس: ترا اكنسل الزواج
سلطان بذهول: لهدرجه مُهم اليوم ذا
أليس: اكيد ذا يوم يكون خاص فيني انا و بس
سلطان: خلاص خلاص نجهز لك جناح بس لا تكنسلين
ضحكت وقالت: كذا تمام
أتسع ثغره من ضحكتها ونطق: بجيك شوي
أليس: ليش؟
سلطان: بجي أعيد عليك
أليس: سمعت من هيام خوالك بيجون كيف تجي!
سلطان: بس خالاتي أسلم عليهم و اجيك
أليس: تمام تبي شيء؟
سلطان: بتجيك قهوه اخذيها
أليس: تمام
قفلت منه وهي على ثغرها إبتسامة رجعت لغرفتها
و كانها تذكرت شيء ونطقت: وين جود ليش ما جات؟
ساره: ناصر رافض تخيلي
رفعت حاجبها ونطقت: سلامات ! ليش ان شاءالله
ساره: يقول اول عيد مع بنتي بنجلس سوا
سديم: اذا كذا حلو احسب جاي وهي جلست لوحدها
ريناد: لا سلامات ناصر ما يسويها
ألين: حبيبتي الرجال توقعي منهم كل شيء
إيلاف بشهقه: تتوقعون إبراهيم يسويها بعدين ؟
أليس: مستحيل إبراهيم عسول ما عنده الحركات ذي
ريناد: صح
_
« بعد صلاة الفجر »
صرخة وهي تقول: ألين عطيني الروج سريع
ألين: اصبري قاعده احط
أليس: وجع لك ساعه تحطين
ريناد: أهدوا شفيكم
ساره: قسم بالله إزعاج مره
سديم: بزران ولا احد يتهاوش على روج!
لفوا كلهم جهة الباب من نطق يوسف من الخلف: أليس تعالي
مشت وهي تنطق: تعالوا وراء الباب
ركضوا كلهم يجلسون وراء الباب و طلعت هي له
و رجعوا أماكنهم
_
أليس: شفيك ؟
تنهد وهو يجلس ونطق: قلبي يوجعني احس بيصير شيء اليوم
شهقت تنطق: بسم الله تعوذ من الشيطان
يوسف: أعوذ بالله منه
أليس: صار شيء؟
يوسف: ولا والله بس من الساعه وحده وانا قلبي يوجعني و احس بيصير شيء
أليس: ما صاير شيء ان شاءالله ذا الشيطان يوسوس لك قوم صل الوتر و تعوذ من الشيطان ولا تفكر
مدّ لها غترته ونطق: نسيت اخذني عطيها احد يكويها
أليس: طيب
مشى ينزل تحت وهو ماسك قلبه ، تنهدت بضيق وهي تشوفه ينزل خافت إن يصير له شيء نزلت وهي تعطي العاملة الغتره تكويها و طلعت فوق
__
« بيت فهد »
صرخة وهي تنطق: ناصر امسكها زين
ناصر: يابنت أعرف ترا
جود: مره واضح انك تعرف
نزل نور على السرير بخفه ونطق: جهزوا بسرعه عشان يمدي اصلي معاهم
جود: طيب
__
« بيت بدر »
دخل عليهم و انصدم وهو يشوف الميك اب كله منزلينه بالارض و هم جالسين حولينه نطق وهو لسى يناظر بصدمه: ثوبي وين؟
رتيل: بسم الله شفيه وجهك كذا؟
جسّار: ما فيني شيء بس ثوبي وين اخلصوا
ورد: قبل شوي عطيته العامله تكويه اكيد عندها
رفع حاجبه ونطق بغضّب: قومي جيبيه طيب ولا تبيني انزل لها ؟
رتيل: بسم الله اعصابك طيب
ضربتها أثير وهي تنطق بهمس: اسكتي ترا ذا جسّار مو راكان
رفعت حاجبها ونطقت: و اذا جسّار ؟
جسّار: رتيل قومي جيبيه
رتيل: نعم ؟
جسّار: قومي جيبي ثوبي بسرعه
رتيل: روح اخذه انت اشتغل عندك وانا ما دريت!
جسّار: بنـت
ورد: خلاص انا بجيبه بس أهدوا
رمقها بنظره و طلع ، شهقت من ضربتها ورد وهي تنطق: مريضه انتي؟
رتيل: وجع ان شاءالله خربتي شعري ترا
أثير: شوفي اللي هامها
__
« الصباح ، بيت أحمد »
ركضت لـغرفتها تعدل شكلها من قال لها انه وصل
اخذت الروج الأحمر وهي تحط منه بعد ما راح بسبب القهوه اخذت فرشة البلشر وهي تحط ، عدلت وقفتها وهي تتأمل نفسها ، لابسه طقم باللون الابيض ميك اب بأرز حدّة ملامحها ، رفعت جوالها من وصلتها رساله منه يقول لها انه بالمجلس ، أخذت عطرها وهي تتعطر منه عدلت شعرها و نزلت شافت يوسف قدامه إبتسمت له
قربت منه وهي تحضنه بعدت طبعت قبّله على خده شهق وهو ينطق: لا أليس
ضحكت وهي تدخل المجلس شافته جالس ووقف اول ما دخلت ، عضّت شفتها وهي تتأمله ضحك و نطق: اذا خلصتي تأمل قربي
قربت منه وهي تحضنه حاوط خصرها العاري بسبب الفتحتين الموجوده ونطقت: كل عام وانت عيدي
سلطان: كل عام وانتي كل اعيادي
إبتسمت و نطقت: ما تحب نفس يوسف ولا عادي؟
عقد حاجبه: ما احب إيش ؟
طبعت قبّله على خده وهمست قريب من إذنه: ذي
عضّ شفته ونطق: ما احب ذي
قرب منها مسك وجههاوهو يطبع قبّله على شفتها
بعدت عنده بخجل و جلست أتسع ثغره وهو يشوفها تصّب له قهوه ووجهها أحمر مدّت له الفنجال و جلست جنبه
__
« بعد العشاء ، بيت راشد »
راشد بابتسامة: حياكم الله
أبو جمال: الله يبقيك يابو فهد
راشد: فهد صبّ القهوه لخوالك
فهد: أبشر
أبو جمال: والله ياخوك احنا الليلة جايين نعيد عليكم و عندنا طلب و ياليت ما ترفضه
راشد: ان كان اقدر عليه والله انه تم
ابو جمال: حنا جايين الليلة نخطب بنتك سديم لولدنا جمال
راشد: والله الساعه المباركه جمال رجال كفو و ما ينرد بس الرأي للبنت وانت خابر انا ما اجبر بناتي على شيء
أبو جمال: ابد حنا راضين بالرد اللي يجي منكم
اخذوا رأي البنت و اسألوا عن الولد و ردو لنا
_
« قسـم الحـريم »
عقدت حاجبها وهي ملاحظة نظرات زوجـة خالها
إبتسمت لها ووقفت وهي تنطق: عن أذنكم
مشت تطلع من الصاله ، دخلت المطبخ وهي تأخذ كوب قهوتها اللي سوته لها العاملة ، مشت متجهه للدرج وقفت بعدم استيعاب وهي تسمع اخر كلام ام جمال: والله ما ودنا الا بـ سديم يكفي اننا نعرف أخلاقها و أصلها
حصه: انا بكلمها عن الموضوع و أرد لك ان شاءالله
طلعت لغرفتها جلست على الأريكة مسكت رأسها
بصدمه هي تعرف كيف امها تحب و تعز جمال
و الأكيد بتزن على رأسها لجل توافق عضّت شفتها
بغضّب من جمال أمه اللي جوها بوقت غلط جدًا
نزلت يدها تأخذ كوبها اللي نزلته على الارض من الصدمه
__
« بيت أحمد »
دخلت غرفة أليس وهي تشوفهم لسى نايمين فتحت الأنوار و طفت التكيف ونطقت بصوت عالي: بنات يالله قوموا
تأففت ساره تنطق: الساعه كم؟
ريناد: ثمان ونص يالله عشان نطلع
إيلاف: ماشاءالله فاضيه تطلعين انتي؟
ريناد: ايوه قوموا و أكلوا ونطلع نتقهوى برا
أليس: طيب
وقفت بكسل و ناظرت إيلاف و ساره اللي وقفوا و ركضت تدخل الحمام قبلهم ونطقت ساره: وجع ان شاءالله
ريناد: ترا البيت ما فيه احد اخذوا راحتكم
إيلاف: متى صحيتي انتي؟
ريناد: بعد المغرب
إيلاف: عمي و العيال وين؟
ريناد: أحمد طالع معزوم و العيال طلعوا
هزّت رأسها بفهم و رجعت انسدحت وهي تنطق: اذا طلعت قولوا لي
__
« بيت خالـد »
واقف على الدرج ينتظر بنات خالته يطلعون من الصلاة لجل يسلم عليها لف على هيام اللي نطقت: تعال دخلوا
مشى بهدوء دخل الصاله ونطق: السلام عليكم
فهده: وعليكم السلام هلا والله باللي مزعلني
قرب منها وهو يقبّل رأسها و نطق: افا وش زعلتك فيه
فهده: الحين تاخذ وحده لا هي من عائلتنا ولا نعرفها و تترك بنات خالاتك كلهم
هيا: يا فهده الولد توه جلس ما قال بسم الله و استلمتيه على طول معاتب
فهده: لاني زعلانه يوم انه ياخذ وحده لا نعرفها ولا تعرفنا و يترك بناتنا
هيا: يابنت الحلال بنات صغار مره تبينه ياخذهم
فهده: بتاتي صغار عليه زين بنات الجازي شفيهم ؟
سلطان: ما فيهم شيء بس نصيب
وقف وهو ينطق: عن أذنكم عندي شغل
طلع ونطقت هيا: زين كذا ضيقتي صدره
فهده ببرود: ما سويت شيء يضيق صدره
__
« بيت راشـد »
ألين: شفيك ما نزلتي؟
سديم: مصدعه
ألين وهي تنزل كعبها: مدري شفيها زوجة خالك كل شوي تسأل عنك
رفعت حاجبها بصمت و مددت رجولها على الأريكة
سديم: راحوا هم؟
ألين: ايوه تعشوا و راحوا
لفوا على دخول حصه اللي نطقت: ألين اطلعي بكلم اختك
وقفت و طلعت ناظرت في امها بهدوء و رجعت تشرب من كوبها الثالث لعل وعسى يخف صداعها
حصه: خلاص وقفي قهوه ذا الكوب الثالث بتموتين انتي؟
سديم: تبين شيء؟
حصه: بكلمك بموضوع
سديم: وشو؟
حصه: خالك اليوم خطبك لولده جمال شرايك؟
سديم: رأيي بإيش؟
حصه: بالخطبة و جمال ؟
سديم: الخطبة أظن ضروري أفكر و استخير جمال والله ما عرفه
حصه: اسمعي فكري زين و تذكري ان لو رفضتي علاقتي بخالك بتخرب
وقفت تطلع ولا كانها تحاول تجبرها توافق
__
« بيت أحمد »
عدلت طرحتها وهي تسمع صراخ ريناد لها نطقت: ريناد ثواني بس اطلعوا و انا جايه
أخدت جوالها و ارسلت له " بطلع مع البنات "
رد عليها بنفس الثانيه: وين؟
أليس: كوفي
سلطان: ايّ كوفي بالضبط ؟
أليس: ما أعرف
سلطان: وديهم الكوفي حقك
أتسع ثغرها و كتبت: تمام
سلطان: انتبهي لنفسك
سكرت جوالها و طلعت لهم ركبت السياره بهدوء
ريناد: بدري؟
أليس: شفيك تونا بدري ترا
إيلاف: وين بدري الساعه ١١
ساره: الوقت مره متأخر تحسون نجلس و نطلب افضل
أليس: لا بوديكم كوفي ما فيه الا احنا ما عليكم
__
« بعد مُده ، بيت راشـد »
واقفه في غرفتها بتوتر ما احد يعرف عن خطبتها شيء رفضت انهم يقولون لاحد تخاف يوصله الخبر
ما تضمن ردة فعله تخاف يتهور و يسوي شيء
رفعت انظارها لامها اللي دخلت جلست على الأريكة
حصه: وشو ردك عطيناك أسبوع تفكرين فيه
سديم بتردد: موافقـه
أتسع ثغر حصه ونطقت: الحمدلله مبروك يمه
سديم: بشرط
حصه: وشو؟
سديم: الملكه بدون حفله ولا شيء و ما أبغى احد يعرف الا بعد ما اتملك
حصه: ليش يمه ما انتي مسويه شيء غلط عشان بكون بالسر كذا؟
سديم: يمه ذا شرطي يبغون آهلًا وسهلا ما يبغون بسلامتهم
وقفت وهي تنطق: مع السلامه بروح عندي دوام
__
« المستشفى »
وقفت وهي تشرب قهوتـها وقفت عند الشباك تتأمل الجوّ الغيوم السوداء منتشرة والواضح بيجي مطر هسمت: يارب يارب يجي مطر
عقدت حاجبها وهي تشوف سديم تنزل من سيارتها
رفعت يدها تشوف الساعه ونطقت: جايه متأخر غريبه
لفت على جوالها من دق اخذته وردت: هلا
سلطان: صباح الخير
أليس: صباح النور
سلطان: مداومه؟
أليس: ايوه
سلطان: متى تطلعين
أليس: بعد الظهر ليش؟
سلطان: تمام اذا خلصتي بمرك و نطلع نتغدا سوا
كانت بتدر عليه لكن سمعت صوت أنثوي ينطق: سلطان
عقدت حاجبها وهي تسمع البنت تقول: سيارتي اخدتها ليالي و انا مواعده صاحبتي توصلني
رفعت حاجبها وهي تنتظر رده و اخيرًا نطق: بقول للسايق يوصلك
وطلع بدون يسمع ردها ونطق: أليس
أليس بغضّب من عرفت البنت: مع السلامة
سلطان: أليس انتظري
قفلت بوجهه تأفف بغضّب من جواهر اللي جات و خربت عليه كل شيء مشى لسيارته
" صباح الخير كيفكم ، مُبـارك عليكم الشهر
لا تنسون النجمة والكومنت🩶🩶 "
