المركز " مكتب فهيد "
غارق بين الاوراق اللي بيده التفت لما دق الباب و دخل عسكري دق تحيه
فهيد: استرح ، فيه شي؟
العسكري: الفريق طلب يشوفك
فهيد : وينه ؟
العكسري :بمكتبه ، طلع العسكري و راح فهيد لمكتب سلطان
سلطان : وش صار على المهمه اللي عطيتك اياها
فهيد : م صار شيء طال عمرك هم لسى بمكانهم
سلطان : تمام فهيد نبه ع العسكر و الفريق ان المداهمة بعد عشر ايام قبلها ب خمس ايام لازم يكونون بالمقر م احد يطلع الا للظرورة
فهيد : ابشر طال عمرك
سلطان: وين الفريق يوسف ؟
فهيد : مو موجود طال عمرك اخذ اجازه اربع ايام
هز راسه سلطان و اخذ جوالاته و مفتاحه و طلع
—
«بالسوبر ماركت»
أليس : اسمعوا وحده تروح قسم عشان نخلص بسرعه
توزعوا على الاقسام بعد ربع ساعه "بالسياره"
ألين: فيصل امانه نبي قهوه
أليس: اي مره مصدعه مر لنا اي شيء
تنهد فيصل : طيب ، مروا كوفي ونزلوا كلهم
فيصل: يلا اطلبوا عشان نرجع
راحوا البنات و طلبوا قهوتهم و جلسوا ينتظرون
ريناد : افكر اذا رجعنا نسافر بس احنا شرايكم
سديم : ترا بيكون م معاي الا اسبوع بس بعدين دوام
ساره : حاولي تاخذين اجازه اسبوع ثانيه
هزت راسه سديم ونطقت: بشوف المدير مدري يوافق او لا
ألين : اي طيب وين نروح؟
ريناد : م اعرف تبون بالخليج او برا ؟
نطقت أليس وهي تشرب من قهوتها : قبل كل شيء انتو شوضع جامعتكم
ألين : م عليك بنكلم الدكتوره و نقنعها ناخذ اجازه
جود : شرايكم نروح قطر ؟
ريناد: خلاص تم قطر بس بعد م نرجع باربع ايام يمدي نريح و نجهز
جاهم فيصل و نطق : يلا اخذت طلبكم
قاموا معاه و طلعوا
"عند سلطان"
نزل من السياره ودخل البيت وشاف عمته موجوده
سلطان: مساء الخير
الكل : مساء النور
مهره : كيفك سلطان
ابتسم سلطان : بخير الحمدلله كيفك انتي
مهره : الحمدلله ، وينك لي فتره م شفتك
سلطان: كان عندي شغل
هزت راسها ولف سلطان ع امه ونطق :انا بطلع للمزرعه
مها : ليش فيه شيء؟
سلطان : لا م فيه شيء بس كلمني محمود يقول الجموح تعبان بروح اشوفه يمكن يحتاج اجيب له دكتور يلا عن اذنكم
قام وطلع لغرفته
—
«بالمخيم»
وصلوا فيصل و البنات ونزلوا
إيلاف : تعالوا نضبط الجلسه ، مشوا و ضبطوا جلستهم
ساره : أليس جبتي اللاب حقك ؟
أليس: اي بالشنطة طلعيه
ساره : اي شتبون احط لكم
ريناد : حطي لنا فلم
حطت لهم فلم و جلسوا يتابعون
—
«المزرعه»
دخل سلطان و على طول راح للاسطبل وسمع صوت صَهِيل الجموح العالي
سلطان : من متى وهو كذا
محمود : من العصر يحتاج دكتور
هز راسه سلطان ونطق : ان شاءالله بكرا اجيبه
دخل جوا وجلس على الكنب تنهد بضيق هو عقله مشغول بالمهمة والحين انشغل برضو بالجموح و موضوع امه تنهد للمره الثانيه وقام طلع لغرفته يرتاح هو له يومين م نام كويس دخل الغرفه و اخذ شاور طلع لابس بنطلون البجامه بدون تشيرت رمى نفسه على سريره وغط بنومته
—
الصباح "بالمخيم "
صحوا البنات وافطروا وجلسوا يتمشون لان اليوم اخر ليلة لهم بالمخيم
ريناد : سديم من بكرا تروحين تكلمين مديرك وانتو تروحون تكلمون دكتورتكم
أليس: اي بنات م نبي نتاخر
هزوا روسهم و رجعوا للمخيم
احمد: عساكم استانستوا ؟
ريناد :اي والله استانسنا كنا نحتاج التغير ذا
ابتسم لها و هز راسه
لفت ريناد لأليس و همست لها : متى نقول لهم عن السفره ؟
أليس:اذا رجعنا ان شاءالله احسن
ريناد : تمام
جاء يوسف وجلس معاهم
احمد : وين كنت انت
يوسف : كنت اكلم واحد من الدوام يقول لي انو اخرنا المهمه شوي لانهم بدوا يشكون فينا
نوره : يعني متى بتكون ؟
يوسف : للان بعد عشرين يوم ان شاءالله
ابتسم إبراهيم ونطق : الله يوفقكم
فهد : عساك مرتاح بالمركز الجديد؟
يوسف: اي الحمدلله صح ان الفريق اول عصبي شوي بس اهون من الاولي
سطّام : المهمه وين
يوسف : هنا بالرياض بس هم جالسين بمكان بعيد شوي شبه مهجور عشان م احد يمسكهم
«المزرعه» "الاسطبل"
ناظر سلطان الدكتور اللي يفحص الجموح
خلص الدكتور من الفحص لف و رمى الكمام
ناظره سلطان و نطف : وش فيه ؟
الدكتور : التهاب بالعظم
سلطان : وش سببه؟
الدكتور : يمكن انه قافز على شيء جدًا عالي
هز راسه سلطان و طلع هو والدكتور يوصله للباب و رجع للاسطبل ناظر محمود ونطق : انتبه له زين و الفتره ذي لا تطلعه برا خله هنا
—
«المخيم»
إبراهيم: يبه اليوم جاني ولد مشاري جابر
يبون شراكه شفت وضع شركتهم م فيها شيء
احمد : اي زين اذا رجعنا ان شاءالله نسوي اجتماع معاهم و نشوف
ريناد : متى بنمشي ؟
العم فهد : بعد صلاة العصر ان شاءالله
"بعد صلاة العصر مشوا راجعين لبيوتهم"
___
اليوم الثاني «بالمستشفى»
سديم: السلام وعليكم
المدير : وعليكم السلام
سديم : حبيت امدد اجازتي اسبوعين ثانيه
المدير: عسى ماشر دكتورة فيه شيء؟
سديم : لا م فيه شيء بس مسافره كم يوم وراجعه
هز المدير راسه يتفهم : ان شاءالله بس اول م ترجعين اقل شيء شهر م تاخذين اجازه
سديم : ان شاءالله
طلعت سديم من عنده و كلمت البنات و قالت لهم
و كلموا أهاليهم ووافقوا
—
«بيت خالد»
هيا :يمه سلطان فكرت باللي قلته لك
سلطان: يمه الحين عندي شغل م فكرت ابدًا
و يمكن الشهرين ذي م افكر بالزواج
هيا :ليش؟
سلطان : عندي شعل و الشهر ذا كله مهمات م اقدر
هزت راسها وهي م تبي تضغط عليه اكثر
—
«بالجامعة»
ألين : دكتوره انتي تعرفين يعني سفرة اهل م نقدر نجلس
تنهدت الدكتوره من كثر زنهم عليها : يابنات انتو عارفين احنا نهاية الترم م يصير
ساره : دكتوره عارفين عارفين بس م نقدر نأجل السفره ذي ووعد مني بعد الاجازه ذي م ناخذ لين نخلص الترم
هزت الدكتوره راسها ونطقت: وعد؟
ألين،ساره : وعد
الدكتوره :تمام
—
«بيت إبراهيم»
ريناد :اي شصار معاكم ؟
سديم : عطاني اجازه
ألين ،ساره : احنا برضو
أليس: شلون اقنعتوهم؟
ألين : ابد قلنا لها سفره عائلية و وعدناها بعدها م نغيب لين نهاية الترم
سديم : انا قلت له مسافره و قال شهر لا تطلبين اجازه
جود : حلو الحين متى نروح ؟
إيلاف: اول شوفوا فيه حجز ولا لا
طلعت أليس جوالها و دورت حجز لفت لهم و نطقت : لقيت بس بكرا العصر يمديكم ؟
ريناد : اي اي يمدي خلاص احجزي
إيلاف : طيب نرجع الحين عشان بمدي نجهز
قاموا و طلعوا البنات
تقسموا البنات ع سيارتين
سياره فيها ( سديم ، أليس ، ريناد)
سياره فيها ( جود ، إيلاف ، ساره ، الين)
وصلوا المطار و جلسوا ينتظرون وقت طيارتهم
إيلاف: بروح اجيب لي قهوه احد يبي
الكل : اي
راحت إيلاف ولفت جود عليهم ونطقت: اي اول م نوصل تبون نجلس بالفندق ولا نطلع
أليس: لا بنريح لين وقت العشاء و نطلع
ساره : اي احلى من اننا نطلع اول م نوصل
—
«شركة الـ إبراهيم»
ابتسم احمد وهو يصافح خالد : ان شاءالله مو اخر الزيارات
خالد :صرنا شركاء الحين كل بعد يومين بتشوفنا عندكم
احمد : ابرك الساعات والله
ابتسم خالد و نطق : يلا نستأذنكم
قاموا طلع هو و عبدالعزيز
—
«المركز» " مكتب يوسف "
دخل عليه فهيد و دق له تحيه
يوسف: استرح
فهيد: دوامك م انتهى ؟
يوسف :الا بس باقي لي ذي الورقه اخلصها واطلع بغيت شيء
فهيد:لا سلامتك ، خلص دوامي و انا طالع شفت
نور مكتبك استغربت انك فيه
هز يوسف راسه و نطق : خلصت الورقه ، نطلع سوا
قاموا و اخذ يوسف جواله و مفتاح سيارته و طلعوا
—
«بيت محمد»
نزلت ريم وجلست عند امها بالصاله
مهره : شفيك مكشره ؟
ريم : يمه طفشت لي فتره م سافرت ماشاءالله ثنتين من صحباتي مسافرين مدري شلون اقنعوا الدكتوره
مهره: معليه يمه م بقى شيء على الاجازه و نسافر سوا
تنهد بضيق : ان شاءالله
مهره : بس هاه ابيك تشدين حيلك مابي كسل
ريم : ان شاءالله
دخل عليهم مهند و ابتسم من شافهم
مهند : اوه الحلوين جالسين هنا
مهره : هلا يمه ، غريبه اليوم تاخرت بدوامك
مهند : لا يمه طالع من ساعتين بس طلعت مع واحد من الدوام نغير جو شوي
مهره : يمه اكلت ولا نحط لك اكل
مهند : لا اكلت لما كنت برا ، يلا عن اذنكم بروح انام
«حاولت قد ما اقدر اطول البارت لا تنسون النجمة والكومنت عشان اتحفز و اكمل لكم⭐️🩷»
