«الصباح بيت خالد»
نزلت هيام لابسه عبايتها و ناظرت امها و قالت : انا خلصت باقي بس شنطتي فوق
هيا : قولي للعامله تجيبها
هيام: تمام
راحت تقول للعامله و طلعت شافتهم جالسين
هيام: م راح نطلع الحين ؟
خالد: الا بس انتظرهم يحطون الاغراض
جات و جلست معاهم
—
«بيت مشاري»
جات ترف و جلست عند امها اللي جالسه تتقهوى
ترف : متى بنطلع ؟
مها : بعد صلاة الظهر عشان نروح نجهز معاهم
ترف : سلمان و عبدالعزيز بيجون معانا ولا بعدين
مها : لا بيجون بنروح كلنا حتى عمتك العيال يساعدون عمك تعرفين سلطان م يقدر واحنا نساعد هيا و هيام
هزت راسها ترف و قامت طلعت غرفتها تجهز
—
«المزرعه»
لف الحارس على دخول سيارة خالد و سيارة سلطان اللي كان يسوقها السواق وهو جنبه بسبب الم جرحه وقفت السيارات ونزلوا منها دخلوا جوا
هيا : قولي للعاملات ينظفون اول شيء مجلس الحريم و الصاله و قسم الرجال و بعدين الغرف
هيام : تمام
طلعت هيام تقول لهم بدوا تنظيف و اخذت هيام وحده من العاملات تنظف غرفتها و خلصت منها بدت تجهز
" تحت عند هيا "
هيا : نظفوا الصاله زين و حطوا بخور من اللي جبته قبل شوي و شغلوا الفواحات اللي بالعود
هزوا روسهم و رجعوا يكملون شغلهم وهي طلعت غرفتها تجهز
__
«بيت احمد»
استأذنت أليس من الدوام و رجعت البيت و نامت كم ساعه و صحت تجهز لانهم بيطلعون على العصر
دخلت عليها امها
نوره : خلصتي؟
أليس: لا لسى باقي الميك اب
نوره : خلصي ترا بعد صلاة العصر بنمشي لان المزرعه بعيد شوي
هزت راسه و رجعت تكمل شعرها
—
«بيت فهد»
نزلوا ساره و جود بعد م جهزوا سوا
فاطمه : خلصتوا ؟
ساره : اي خلصنا
فاطمه : تمام انا بطلع البس و اجيكم
طلعت لغرفتها تلبس ولفت جود على ساره
جود : تتوقعين يعزمون احد ؟
ساره : لا هيام قالت بس احنا و اهلهم
جود : اي اشوا م ابي اقابل ناس كثير
لفت ساره على جوالها اللي دق و اخذته وردت
ساره : هلا
ألين: وينكم طلعتوا ولا لسى
ساره: لا لسى
ألين : ليش احنا و عمي احمد طلعنا
ساره : ننتظرهم يجون من المسجد
الين : اي يلا باي
قفلت منها و لفت على ابوها و قالت له
—
«المزرعه»
وصلوا مشاري و محمد للمزرعه و بدوا يساعدونهم
"بالصاله"
نوره : وينهم ؟
هيام : الين تقول تو مشينا يعني يبي لهم وقت
مها : اكيد بيوصلون على المغرب
مهره : اي احسن يمدي نريح بعد التعب
مها : انتو بتنامون هنا يام سلطان ؟
هيا : لا م اتوقع ليش؟
مها : شفت شنط فوق توقعت بتنامون
هيا : اي احنا جبنا احتياط تعرفين ابو سلطان يقرر فجأة
ضحكت مهره : يوه كم مره يسويها بس زين انكم جبتوا ملابس احتياط
لفوا على صوت سلطان وهو ينادي هيام
هيام: هلا
سلطان : جيبوا قهوه لنا
هيام : طيب العامله تسويها
نطق سلطان بحده : تستهبلين ؟ عامله تسوي قهوه
هيام: اي شفيك احنا تعبانين
سلطان : ذي تعرف تسوي قهوه بالله ؟
هيام : اي اي دايم تسوي لامي و تمدح قهوتها
هز راسه سلطان و نطق : شوي تسوينها انتي ولا امي تسمعين ؟
هيام: طيب
طلع لقسم رجال و عقد حاجبه بالم من جرحه
—
«سيارة يوسف»
لفت أليس عليه و قالت : شغل لنا شيء
يوسف:شغلي انتي
مدت يدها أليس على الشاشه وهي تشغل اغنيه
و بدت تتمايل عليها و تغني معاها بكل روقان
ابتسم يوسف من شاف ان ضيقتها راحت
—
«بيت سعد»
رجعت إيلاف من المحكمة كانت عندها جلسه اهلها راحوا و سطّام جلس ينتظرها
سطّام: م بغيتي تجين
إيلاف: معليش الجلسه تاخرت شوي انتظر عشر دقايق و اخلص انا حاطه ميك اب و مسويه شعري بس ابدل و اجي
هز راسه سطّام و طلع لغرفته يبدل شوي و نزلوا و ركبوا السياره و حرك سطّام
سّطام: مين كسب ؟
ابتسمت إيلاف: اكيد اختك
ضحك سطّام من ثقتها
—
«المزرعه»
نزلوا البنات بعد م ضبطوا اشكالهم
هيام: لسى م وصلوا ؟
مهره : كلمهم ابوك الحين يقولون باقي عشر دقايق
هزت راسها هيام و دخلت المطبخ تشيك على الضيافة
" بعد نص ساعه "
طلعوا الرجال من سمعوا صوت السيارات
دخلوا الـ إبراهيم كلهم و وقفت السيارات و نزلوا منها راحوا الحريم يدخلون و دخلوا كلهم
قام عبدالعزيز يصب لهم القهوه و جلس
احمد : الحمدلله على السلامة سلطان و م تشوف شر ان شاءالله
سلطان: الله يسلمك و م يجيك الشر
احمد : والله كان ودنا نزورك بالمستشفى بس انشغلنا
«بالصاله»
كانوا جالسين يتقهوون ويسولفون بهدوء
هيام : كيف شغلكم م تحسون بتعب؟
أليس: هو تعب بس اذا تحبينه صدقيني التعب بيهون
ترف : اي اكيد و انتو عاد احس شغل سديم م يتعب مره بس أليس الله يعينك
ابتسمت سديم : هو صح م يتعب مره بس يجي يوم يكون مرضى كثير بس الحمدلله العمليات مو مره
ريناد : أليس احس م تتعب الا وقت العمليات
ريم : كل يوم عندك عمليه ؟
أليس: لا يعني بالاسبوع مرتين مره على حسب
جود : يعني انتي تخصصك مو عمليات ؟
أليس: الا بس نادرًا انا امسك العمليات الصعبه
هيام : نفس عملية سلطان ؟
أليس: اي نفسها يعني عملية سلطان الرصاص كان قريب من القلب م قدروا يطلعون الرصاصه لانها صعبه عليهم شوي
—
«قسم الرجال»
ابتسم سلطان وهو يسمع سوالف العيال وهو و إبراهيم جالسين بعيد عنهم شوي لف على إبراهيم
إبراهيم: متى ترجع لشغلك ؟
سلطان: بعد ٨ ايام
إبراهيم: تقدر تطلع مهمات ثانيه ؟
سلطان : الفتره ذي لا طبعًا ،تروح معاي للاسطبل!
إبراهيم: تمام
طلعوا من المجلس متجهين له
سلطان: تعرف للخيول ؟
إبراهيم: اكيد انا الخيال الوحيد في العائلة
ابتسم سلطان : ودي اقول لك نركب بس تعرف الوضع
إبراهيم: مره ثانيه ان شاءالله
—
«بمجلس الحريم»
«بمجلس الحريم»
كانوا موجودين بس البنات و يسولفون
ألين : تصدقون ودي نسافر كلنا سوا
إيلاف: قصدك احنا يالبنات ؟
ألين : لا كلنا الاهل بعد
ساره: اكيد بالاجازة
ترف : تم نكلمهم و نسافر بالاجازة
ريم : اي بس م نبي بالخليج طفشت منه
ضحكت هيام : انتو جالسين تخططون و م تدرون يوافقون او لا
ريناد : ان شاءالله يوافقون
لفت أليس على هيام
أليس: هيام ابغى اصلي وين ؟
هيام : اطلعي غرفتي فوق اريح
ابتسمت أليس: وين ؟
هيام : اول غرفه على اليسار
ابتسمت لها و قامت طلعت فوق
—
«الاسطبل»
كانوا جالسين يسولفون بهدوء ابتسم سلطان لـ إبراهيم اللي يسولف وهو يحس شخصية إبراهيم مشابهة لشخصيته و بكثير هو لاول مره يرتاح لشخص و يتكلم معاه لوقت طويل تنهد من الم جرحه ولف عليه إبراهيم
إبراهيم: فيك شيء؟
سلطان: لا بس الم خفيف بجرحي
إبراهيم: متاكد الم خفيف ؟
سلطان: اي اي بروح اخذ مسكن عن اذنك
مشى سلطان لداخل وهو يحس بحرارة
—
طلعت أليس لفوق و دخلت غرفة هيام شافت ورد طايح على الارض اخذته و حطته على السرير و بدت تصلي و لما خلصت نزلت عبايتها و ضبطت فستانها
و سحبت شنطتها تطلع البلشر و الروج و عدلت عليهم و رجعتهم
—
طلع لفوق و سمع صوت بغرفة هيام و يحسب انه هيام فتح الباب و دخل جوا الغرفه وهو يناظر مكان جرحه
سلطان: هيام
رفع راسه لما م سمع صوتها و شافها واقفه قدامه هو عرفها من عيونها و شامتها اللي تحت شفتها
ماظر صدمتها ناظرها من فوق لين تحت صد
اما هي انصدمت من دخوله المفاجئ و من الدم الكثير اللي على ثوبه
—
«مجلس الرجال»
دخل إبراهيم و جلس عن العيال و لف من سمع صوت خالد يناديه
خالد : إبراهيم
إبراهيم: سم
خالد : سم الله عدوك وين سلطان ؟ مو طلعتوا سوا
إبراهيم: الا بس دخل يقول بياخد حبوبه و يجي
هو م حب يخوف خالد و يقول له ان جرحه يوجعه
عبدالعزيز: متاكد انه بياخذ حبوبه بس؟
إبراهيم: اي ليش؟
عبدالعزيز: انا ملاحظ عليه اليوم انه تعبان و يمسك جرحه كثير
سلمان: والله حتى انا لاحظت
يوسف: لا ان شاءالله م فيه شيء
سطّام: هو طبيعي ان جرحه بيوجعه انتو لا تدققون لانه اكيد بيوجعه كثير و كل حركه يسويها بتكون النتيجة بالجرح
مهند: اي اكيد بس لا تقولون لـ خالي شيء عشان م يشيل هم
—
«غرفة هيام»
مساء الخير لا تنسون النجمة و الكومنت⭐️🤍
