المستشفى " غرفة سلطان "
ابتسم بخفوت من شافها داخله
أليس : صباح الخير
سلطان: صباح النور
اخذت أليس الملف و جلست تقرا وهو يتأملها
ابتسم وهو يشوف توترها من نظراته رفعت نظرها له ونطقت بتوتر: بغير لك الضماد
هز راسه وهو ينزل التيشيرت وهي توترت زياده
قربت منه اخذت الادوات اللي تحتاجها قربت منه وهي تفتح المسحه الطبية وبدت تمسح على الجرح بخفه ويدها ترجف هي لاول مره بمهنتها تقرب ذا القرب لمريض رمت المسحه و اخذت الضماد
وحطتها على الجرح و بعدت عنه
أليس: راح نعطيك ضمادات و انت تغيرها يوميًا
لازم تغسل يدك و تعقمها قبل م تغير الضماد
و حاول تبعد عن الرطوبة
ابتسم لها سلطان ونطق : تمام
نزلت الكمام عن وجهها وكانها تسمح له بتأمل الاخير اخذت الادوات اللي استخدمتها ورمتها ولفت له و نطقت: الحمدلله على السلامة وماتشوف شر
ورفعت كمامتها و طلعت
—
«بيت احمد» " مكتب احمد "
دخل إبراهيم عند ابوه وجلسوا يتناقشون عن الشغل ولما خلصوا نطق إبراهيم: يبه ابي اتكلم معاك عن موضوع
احمد : وشو ؟
إبراهيم: يبه انا ابي اكمل نص ديني
ابتسم احمد ونطق: ذي الساعه المباركه خلاص كلم امك تشوف لك عروس
ابتسم إبراهيم ونطق : لا العروس موجوده
احمد : مين ؟
إبراهيم: اقول لك انت وامي سوا
احمد : طيب
—
«بيت راشد»
نزلت ألين على دخلت فهد واستغرب وجودها
فهد :انتي م رحتي الجامعه؟
ألين : لا م عندي محاضرات اليوم
فهد : شرايك نطلع نفطر برا
ألين : اكيد موافقه
ضحك فهد : تمام يلا جهزي عشان نطلع
رجعت غرفتها
" بعد نص ساعه "
نزلت وهي لابسه عبايتها ونطقت: يلا خلصت
فهد : الحين نص ساعه تتجهزين فيها والله لو انك رايحه زواج
ابتسمت ألين وهي تشبك ايدها بايده ونطقت : ياحبيبي ترا بانسبة لي خلصت بسرعه
ضحك فهد و طلعوا من البيت و ركبوا السياره
ألين : اي وين بتوديني ؟
فهد : فيه مطعم طلعنا له انا و يوسف مره حلوه بنروح له
هزت راسها وهي ترجع تناظر جوالها
—
«بيت خالد»
دخل سلطان البيت وابتسم من شاف امه وهيام
قربت منهم يقبّل راس امه ونطقت: الحمدلله على السلامة يا امي انت
ابتسم لهم ونطقت: الحمدلله على السلامة
نطق : الله يسلمكم
هيا : اجلس يمه اجلس
جلس والتفت لابوه اللي نطق: ترا بسوي عشاء يوم الخميس بالمزرعة وعزمت الـ إبراهيم ومحمد
هز راسه سلطان وطلع لغرفته يرتاح
—
«بيت فهد»
نزل فهد وهو يكلم احمد : اي ان شاءالله ، حتى الحريم ، زين زين بقول لهم
قفل منه و جالس بالصاله و التفت لهم ونطق : ترا يوم الخميس معزومين على عشاء
سعود : عند مين ؟
فهد : ابو سلطان خالد وترا حتى الحريم معزومين
ناصر : وش المناسبة؟
فهد : سلامة ولده
—
«بعد المغرب»" الكوفي "
دخلوا ريم ، هيام ، ترف سلموا على البنات و جلسوا
أليس: كيفكم ؟
نطقوا : الحمدلله
ناظرت هيام أليس ونطقت : انتي الدكتوره أليس ؟
هزت راسها أليس : اي شلون عرفتيني ؟
هيام : شفتك لما كان اخوي مسوي عمليه عندكم
أليس: اوه شسم اخوك؟
هيام:سلطان
ابتسمت أليس بتوتر يعني يوم الخميس بتشوفه
تعرفوا البنات على بعض و جلسوا يسولفون سوا
" بعد ساعتين "
ناظرت ريناد ساعتها وشافت الساعه ٩ نطقت: يلا بنات نطلع للمطعم
ألين : تونا بدري
ريناد : المطعم بعيد و يمدي الطريق زحمه نطلع الحين ونوصل ١١
ساره : تمام بس بنروح نص مع إيلاف ونص مع أليس
قاموا وطلعوا من الكوفي
—
«بيت احمد»
ابتسمت نوره ونطقت: ومين العروس ؟
إبراهيم: إيلاف بنت عمتي فايزه
اتسمعت ابتسامة نوره : اي زين م اختر يا امي
ابتسم إبراهيم ونطقت نوره: الاسبوع الجاي اكلم عمتك ان شاءالله
إبراهيم: ليش الاسبوع الجاي مو الايام ذي ؟
نوره : لا يا امي الناس الحين مشغوله
هز راسه إبراهيم ولف على دخول يوسف اللي نطق: السلام عليكم
الكل : وعليكم السلام
لف يدور أليس: وين أليس ؟
نوره :طالعه مع البنات
يوسف: هم كل يوم يشوفون بعض م يطفشون
ضحكت نوره وقالت : لا اليوم طالعين مع صحبات ألين و ساره بنات الـ جابر و بنت عمتهم
هز راسه يوسف و قال : يلا انا بطلع انام عندي دوام بكرا
—
«المطعم»
ضحكت سديم من سوالف ريم و حشها بالدكتورات
وقالت : يالله ياريم حسناتك راحت كلها
ضحكت أليس وقالت : الله يسعدك من زمان م ضحكت كذا
ريم : والله صادقه الدكتوره ذي مو صاحيه
هيام: هي صاحيه بس تحسون شرحها غريب
ريناد: لذي الدرجة؟
ترف : مره مره
أليس: يالله الله يعنيكم
هيام : بتجون يوم الخميس صح؟
جود : اكيد
لفت هيام من دق جوالها ولفت للبنات و قالت : يلا بنات السواق برا
إيلاف: وين بدري!
ترف : أي بدري الساعه ١٢ واحنا عندنا جامعه
طلعوا البنات و رجعوا لبيوتهم
__
«بيت خالد»
دخلت هيام على نزول سلطان مع الدرج ونطق باستغراب: من وين جايه؟
هيام :كانت طالعه مع بنات الـ إبراهيم
هز راسه سلطان ونطقت هيام : انت شفيك صاحي للحين ؟
سلطان : م فيني نوم
هيام : متى بترجع تداوم ؟
ابتسمت سلطان: بعد عشر ايام
ناظرته هيام بنص عين و نطقت: انت بتجلس عشر ايام م رحت الدوام
ضحك سلطان بخفوت و نزل للمطبخ وهي طلعت فوق دخل المطبخ اخد كوب وصب له مويه وطلع لغرفته ينام
—
«بيت فهد»
دخلوا جود و ساره و شافوا ناصر و سعود جالسن ونطقوا : السلام عليكم
ردوا عليهم وقال ناصر: غريبه تاخرتوا
جود : أليس نزلت ريناد بعدين جابتنا
ابتسم سعود لطاريها ونزل راسه عشان م احد ينتبه له و رفع راسه لما سمع ساره : انا بروح انام وراي جامعه
طلعوا كلهم ينامون " جناح ناصر "
دخلوا و دخلت جود غرفة الملابس و بدلت لبسها و طلعت شافت ناصر جالس على السرير قربت منه وانسدحت هي ظهرها يوجعها لف لها ناصر و قال : متى نعرف جنس البيبي
ابتسمت و قالت : مطولين بالشهر الرابع
ناصر :وانتي بشهر كم ؟
جود : بالشهر الاول
ابتسم لها و انسدح جنبها و ناموا
—
«بيت احمد» " غرفة أليس "
انسدحت على السرير وهي تفكر فيه مو قادرة تطلعه من عقلها استحله هي تحس انها فقدت تأمله لعيونها تنهدت بضيق من وضعها حاولت تنام بس فشلت قامت و هي تشوف الورد اللي جابه يوسف ذابل بسبب اهمالها له هي لاول مره تهمل ورد طلعت من الغرفه و انتبهت لنور طالع من غرفة إبراهيم يعني صاحي مشت لغرفته و دقت الباب و سمعت صوته دخلت وناظرها باستغراب هي دايم الوقت ذا تكون نايمه اشر لها تجي عنده على الكنبه
جلست جنبه وقال : شفيك ؟
أليس: احس بضيقه
ابتسم إبراهيم : بسم الله عليك من الضيقه من الشغل؟
هز راسها و قالت : لا
إبراهيم: احد من البنات مضايقك ؟
أليس: لا م احد قال لي شيء ولا احد ضايقني بس احسه بضيقه مدري من وشو
ناظر لعيونها اللي فيها دموع و مد يده يحضنها
و من صارت بحضنه انهارت تبكي
حتي هي م تدري وش سبب ضيقتها ودموعها
حاول إبراهيم يهديها بعد نص ساعه هدت و مد لها مويه شربت منها و بدت تمسح دموعها
إبراهيم : يلا روحي ارتاحي ونامي وبكرت اسحبي على الدوام وانا بنفسي بروح للمستشفى و اعطيهم عذر
هزت راسها و قامت و قام معاها مسكها
إبراهيم : يلا روحي ارتاحي ونامي وبكرت اسحبي على الدوام وانا بنفسي بروح للمستشفى و اعطيهم عذر
هزت راسها و قامت و قام معاها مسكها و راحوا لغرفتها انسدحت وجلس عندها على السرير لين نامت قام و غطاها زين و طلع وراح غرفته و ارسل ليوسف « أليس متضايقة بكرا بنطلع سوا نغير جوها لا تداوم »
—
«بيت محمد»
نزل مهند طالع للدوام و شاف ريم جالسه بالصاله
بعبايتها وقال : شفيك ؟
تأففت ريم و قالت : السياره فجأة خربت و انتظر يسوونها
ناظرها و قال :تعالي معاي اوصلك
ريم :صادق؟
مهند: اي يلا عشان م نتاخر
ريم : ثواني بقول لـ ماما
طلعت لغرفة امها و دقت الباب و دخلت و قالت : ماما انا بروح مع مهند
مهره : تمام انتبهوا
هزت راسها و نزلت تركض و قفت عند المرايه و ضبطت طرحتها وطلعت
—
«بيت احمد»
طلع يوسف من غرفته و دخل غرفة إبراهيم وقال : أليس صحت؟
هز راسه إبراهيم و قال : لا لسى
يوسف : تعال نشوفها
قاموا طلعوا من غرفة إبراهيم ودخلوا غرفتها
شافوها نايمه همس إبراهيم: شفت قلت نايمه امش نطلع
يوسف : لا تعال اجلس ننتظرها تصحى
إبراهيم: طيب ننتظرها برا
جلس يوسف على الكنبه اللي مقابله لوجهها و قال : انا بجلس هنا كيفك انت
تنهد إبراهيم من عناد يوسف و جلس جنبه
جلسوا يتأملونها هم م يحبونها تتضايق من شيء
هي وحيدتهم يخافون عليها من اتفه الاشياء مو الضيقه ناظر يوسف وجهها واضح عليه الانزعاج
شاف خصله من شعرها طحت على وجهها من التكيف شافوا انه بدت تفتح عيونها و ناظرتهم و فزت بخوف و نطقت : شفيكم؟
ابتسم يوسف: م فينا شيء ننتظرك تصحين عشان نطلع
هزت راسها بـ لا هي م تبيهم يتركون شغلهم اليوم عشان ضيقتها و قالت : لا ماله داع
قاطع يوسف كلامها وهو يوقف و قال : يلا انا بنتظركم تحت و بسرعه ترا جوعان
ناظرت إبراهيم اللي وقف و طلع معاها
دخلت الحمام تاخذ شاور و طلعت شافت جوالها يدق اخذته و ردت : هلا
سديم : وينك لسى م جيتي ؟
أليس : م راح اداوم
سديم: ليش ؟
أليس: متضايقة شوي و إبراهيم كلم المدير واستأذن لي
سديم: تمام
قفلت منها و بدت تحط ميك اب و خلصت و بدت تسوي شعرها و خلصت منه فتحت دولابها حق العبايات و اخذت عبايه و طرحه و سحبت شنطها و طلعت لهم
نزل سلطان هو مستغرب هدوء البيت دخل الصاله و شاف م فيها احد استغرب ولف من شاف العامله
وسألها عن امه و قالت انها طالعه عشان بكرا بيروحون المزرعه جلس بالصاله تأفف من الم جرحه وطلع ياخد مسكن
—
«المطعم»
كانوا يفطرون بكل هدوء لفوا على يوسف اللي قال : بعد الفطور بنطلع السوق عشان تاخذين لبس لبكرا
ابتسمت أليس وهزت راسها و قال إبراهيم: بس يكون على ذوقنا احنا
ناظرتهم فيهم: تمام اثق في ذوقكم
" بعد ساعه "
طلعوا من المطعم و ركبوا السياره و حركوا شافوا محل ورد وقف يوسف عنده و قالت : شفيك ليش وقفت ؟
يوسف: باخذ لك ورد
إبراهيم: لا لا انا انت جبت لها لما رجعت من السفر
يوسف: والله مالي شغل انا قلت قبلك
إبراهيم: خلاص نجيب لها الاثنين
ناظرتهم و ابتسمت بحُب و دمعت عيونها من المشاعر اللي جاتها لفوا عليها و شهق يوسف وقال : شفت م تبيك تجيب لها
ضحكت من عرفت انه يبيها تضحك نزلوا و جابوا ورد لها و راحوا للسوق
—
«بيت إبراهيم»
جلست ريناد بالصاله وهي تنتظر العامله تجيب قهوتها و جالسه تفكر وش تلبس بكرا لفت على العامله اللي جابت القهوه اخذت الكوب و جلست تشرب منه و ارسلت للبنات وش بيلبسون شفت الكل رد عليها الا أليس دقت عليها وردت عليها
أليس: هلا
ريناد: وينك؟
أليس: بالسوق
شهقت ريناد و قالت : م تقولين لي طالعه مع مين ؟
ضحكت أليس وقالت:شوي شوي م معاي احد من البنات
ريناد: لحالك ؟
أليس: لا معاي إبراهيم و يوسف
ريناد: غريبه طالعين معاك
ابتسمت أليس: لا مو غريبه اخواني دايم يطلعون معاي
ضحكت ريناد و قالت : طيب طيب يلا اخليك اجل
قفلت منها أليس ولفت على يوسف اللي ماسك فستان حرير لونه ابيض
يوسف: شرايك ؟
أليس: حلو باخذه
إبراهيم: انا بروح اجيب لنا قهوه و اجي
أليس : الله فيه مطر
ابتسم إبراهيم: اي فيه من اولى
أليس: ناخذ قهوه و نتمشى بالسياره؟
يوسف و إبراهيم: تم
ابتسمت لهم و راح إبراهيم
—
«الصباح بيت خالد»
مساء الخير ، ياحلوين تفاعلكم على الكومنت مو مرضي ابدًا! اتمنى يتعدل من البارت ذا لان تراودني فكرة اني اوقف تنزيل هنا بسبب التفاعل ، لا تنسون النجمة و الكومنت⭐️🤍
